منو عنده هالقطوه؟؟؟؟

[صاحبة وفا]

هذي القطوة اللي قلتلج عنها وهذي صورتها

[leo75]

المشاركة الأصلية كتبت بواسطة صاحبة وفا

هذي القطوة اللي قلتلج عنها وهذي صورتها

[SIZE="4"][COLOR="Magenta"]هاااااااااااااااااااااااي ياقلبي إي هذه البيكي فيس بس إذا تقدرين تصورينها وهي فاتحه عيونها وأهم شي الخشم يكون بمستوى العين يعني عريض ومرتفع فوق مثل(الفلبينيه)لوووول
حبيبتي إذا أبيها اشلون الطريقه اللي بشتريها و بشحنها
وهي بالمحل أو عند ناس مريضه أو صاحيه
سامحيني عورت راسج أدري بس والله إني مينووووونه بالنوع هذا
وخصوصا اللون هذا لاعت جبدي وآنا أدور تدرين تعاملت مع وحده بتايلند أول مره طرشتلي القطوه لي الكويت وكل شي تمام, وثاني مره طرشت لي صوره قطوه وقلت خلاص هذه أبيها بعد وطبعا لاني تعاملت معاها قبل هالمره فوثقت فيها وطرشت لها الفلوس وصارلي 9 أشهر على هالسافه وماطرشت لي ولاشي الفلوس تعمي النفوس)
الله كريم ويعوضني باللي أحسن منها إنشاالله...بصراحه شاكرتلج حيييل حيييل طيب منج وكرم أصلج إنج قاعده تساعديني صج لي قالوا(مايحك ظهيرك إلا ظفيرك)
بنتظارج

[صاحبة وفا]

هذي من السوق أنا رحت هناك عشانج لاني شفتها قبل فعرفت اللي تبغينه موجود هناك

لاني أعرف كيف الواحد يوم يكون شي بخاطره واااايد ويبغيه لووووووول

أما الخشم باين بالصورة لكن العين ماطاعت تبطلها فيها رقاد نشف صوتي وانا احاول الفت انتباها

خخخخخخخخخخخخخخ

اذا تبغينها بروح أسأل عن سعرها وبوديها البيطري عشان اشوف اذا مريضه وله فيها شي

وبطرشلج اوراق الفحص بالفاكس واذا كان فيها شي طبعا مابيصير اشحنها لازم مايكون فيها شي

فبخليها عندي لين ماتصير بخير ..

وأما عن الوثوق فالشخص فأنا أقولج لاجازفين مع ناس خياس قلوبهم سوده

ولاتحاتين حقج بتاخذينه يوم القيامة عنها بدال الفلوس الحسنات

وأما عني أنا .. والله العظيم أني ماقص عليج وآخذ فلوسج من دون ماطرش شي اللي تبغينه وبعدين انا مابستفيد يوم بتشترين القطوة

وجربيني وشوفي ... أنا بتاجر بالهامسترات لدرجه اني راح اشحنهم اذا كان الطلب برع الدولة

فلاتحاتين .. وأتمنى الكل يعرف بعد ماشحنها لج أني ماجذبت عليج بشي وكنت صادقه معاج

[صاحبة وفا]

خبريني متى تبغينها لان فيه وحده مثل هاللون فالسوق

[lucy]

لقيت القطوه اللي تبينه وراح انشاالله اشتريه بس عنده شهادة pidgree راح تكون غاليه بحدود 200 الى250 دينار من غير الشحن

انا كويتيه و عايشه فتره ببريطانيا اذا تبين شي راسليني عل الايميل

[leo75]

المشاركة الأصلية كتبت بواسطة صاحبة وفا

خبريني متى تبغينها لان فيه وحده مثل هاللون فالسوق

"
فدييييت أهل الأمارات والله وتسلمين يالغاليه..ممكن تسإلين إذا معاها pedigree ؟؟؟؟ وكم سعرها؟ لايكون وايد غاليه ويتبخر حلمي
حبيبتي بلييييييز صوريها صوره قريبه وتبين ملامح الوجهه زين أدري بتعبج معاي بس والله لابغيتي شي لايردج إلا لسانج وماراح أنسى وقفتج معاي
شوفي شيصشر معاج عشان أسوي لها تصريح وطرشه لج بالفاكس عشان تقدرين تشحنينها لي
إختجLEO 75

[leo75]

المشاركة الأصلية كتبت بواسطة صاحبة وفا

خبريني متى تبغينها لان فيه وحده مثل هاللون فالسوق

حبيبتي ماعليج أمر تأكدي إن مو مسويلها عمليه وشايلين رحمها وكم عمرها نااااطرتج ياقلبي

[صاحبة وفا]

انا رايحة الحين اتاكد من كل شي لي عودة وانتظريني

[leo75]

المشاركة الأصلية كتبت بواسطة صاحبة وفا

انا رايحة الحين اتاكد من كل شي لي عودة وانتظريني

مااااااشي ياقلبي آنا ناطرتج

[صاحبة وفا]

رحت للريال مره ثانية قالي بـ2000 القطوة ... وقلتله يحجزلي اياها يعني عطيته عربون 300 درهم

عشان محد يشتريها ... والقطوة ماروم اوديها البيطري الا اذا اشتريتها .. واذا طلع فيها شي راح نقدر نرجعله القطوة .. وماعتقد مسوين لها عملية لان مافيه شي بجلدها يدل انه مسوين لها عملية لكن بيبين عند البيطري اذا مسوين فيها شي والقطوة عمرها سنه ونص