اشترك في نشرتنا البريدية ليصلك كل جديد

درة الكون · 21-06-2005, 05:37 AM

أتذكر موقف صارلي أنا مع أختي أيام الطفوله(ياحلو معنى الطفوله والنفس الخجوله) صج أنه موقف مو محرج بس أعتبروه طريف
المهم..
في مره انا جالسه العب (أكيد ألعب ياهل بعد)مع اختي خشيشه وطبعا اليهال مايخلون مكان ماينخشون فيه عاد أختي ماشاء الله عليها دورت أعلى قمه في البيت ألا وهو فوق الكبت..
وأنا يحليلي أدور تحت السرير داخل كبت ...الخ..
وما جاه على بالي أنها تركب فوق الكبت..واليهال من نفسهم يفظحون نفسهم ..
والشيخة قاعدة أطلع أصوات تلمحلي أنها فوق الكبت..
فصدتها وهي فوق والمشكله ألحين هي خايفه تنزل فقالت لي أقرب السرير
يم الكبت علشان تنقز فوقه..وأنا بارك الله فيني سحبت السرير لأبعد ..
وهي تقولي قربي وأنا أقولها قربت السرير..ألا تقول لي يعني خلاص أنقز ..قلتلها نقزي وعليك الأمان..
وأنا أركض برع البيت ..لأني داريه بصير شي ..
وفجأة أسمع صوت قوي لين برع (طاااااااااااااخ قبفففففففف) وهي منقلبه على الأرض( رأسا على عقب) وتصرخ تناديني علشان أقول حق أحد يساعدها ..وسبحان الله ماصار فيها شي وكل هذي القلبات..ومن ذاك اليوم لين ألحين ماشفتها راكبة فوق الكبت ههههههههههههههههههههه..(مسكينه والله أختي) ..