تقرحات الفم لدى القطط ساعدوني

[آنـــــو]

نفس حالة قطوتي الحين ،، حراره بس بدون أسهال والأستفراغ خفيف مو مره
ولاتاكل ولاتشرب ونحفت مرررره حتى لما أقرص جلدها من ورا رقبتها يوقف مافي مرونه من الجفاف

وديتها لبياطره أثنين واحد قال التهابات شديده وعطاها أبر وماشفت نتيجه

ووديتها لثاني وقال هذي فيروسات داخليه أنتشرت بالجو

وعطاهها ثلاث أبرر مضاد حيوي وفاتح شهيه والثالثه مدري شنو وكان بيعطيني بيتاموكس بس قلت أني أستعملته
وقال لو ماتحسنت أجيبها له مره ثانيه ..وهي تحسنت شوي وبوديها مره ثانيه بعون الله

وقال لازم أجبرها على الأكل ..

فـ أنت لازم تجبرهم مايصير تخليهم كذا

عطهم زبادي قليل الدسم معه كم نقطه فاتح الشهيه أورنيفيتا .. وسيريلاك .. ومحلول جفاف .. وريال كانن تطحنه وتنقعه
بمويه دافيه حتى يذوب ،، والدجاج المسلوق أفرمه حيييل بالفرامه مع موية السلق حتى يصير سااايل ،، ووكلهم بالغصببب بس لاتغثهم حيل حتى مايستفرغون ..

وبرضو البيطري قالي أجيب كوب ماي وأحط سكر بمقدار ملعقة شاي وشوية ذرررات ملح أنثرهم بيدي
وأعطيها بين فتره وفتره بالسرنجه ..

الحمدلله أتبعت هالبرنامج وأشوف قطوتي أمس واليوم أحسن ..



ولازم توديهم البيطري مره ثانيه

[ملوووكي]

يعطيك العافية آنو

انا بالفعل اأكلهم بالغصب اكل سائل

بس كل مره اعطيهم الاكل شوي ويستفرغون ويروحو الحمام

وربي حالتهم تقطع القلب

كانو قبل سمان وكلهم صحة بس مادري وش صار لهم فجأة

اليوم راح اوديهم طبيب غير الاول اشوف شنو راح يعطيهم

لعل وعسى

الله يشفيهم ويشفي قطوتك يارب

ومشكور على المساعدة