الحقوني قبـــل مااترووح علي

[sweet dreams]

اختي هاد موضوع معقد على الاقل عنا
في دولتكم ما بعرف اذا اسهل ولا اصعب بس رح اشرحلك اللي انا بعرفو
لازم يكون القطه مفحوصة عند بيطري وانها تكون خالية من اي مرض ولازم يكون الفحص في اقل من شهر يعني اذا معك ورقة بحالتها الصحية قبل شهر من يوم السفر ما بتنفع لازم تكون جديدة ولازم يختم على هاي الورقة وزارة الصحة بعدها لازم يوضع بالقط شريحة الكترونية مع كل المعلومات عن مالكه وهاي الشريحة صغيرة كتير وبحطوها تحت جلد القط وبكاشف خاص ممكن يقرو المكتوب فيها وممكن تعمليها عند اي بيطري والمعلومات بتسجليها عند البلدية..
بعدها لازم تسأل المطار الوزن المسموح حمله معك للحيوانات احنا عنا الحد الاقصى 8 كيلو ممكن تطلعيها معك في الطيارة اذا اكتر من تماني كيلو لازم يشحنوها بالطيارة يعني جوى الطيارة وين ما بحطو الشنطات..
وكمان لازم يكون معك باسبورت خاص فيو كل المعلومات عن اسم ولون ونوع الحيوان اعتقد وزارة البيئة اللي بتعملو وخلص..
بس كمان لازم تفحصي بالانترنت عن الدولة اللي راح تسافري الها لانه في دول بحطه الحيوانات في حجر صحي لمدة 3 ايام واحيانا اسبوع واحيانا شهر وبيكون على حسابك .. اعتقد انه اغلب الدول الاوروبية بتمشي على هاد النظام.
بس في شركات اكيد عندكم في متلهن هن مسؤولين عن تجهيز كل الاجراءات وبيكونو مستعدين يجهزولك كل الاوراق اللي بتحتاجيها وطبعا اجرهم عليكي ..
بتمنى اكون افتدك وهاي الشرح كله عندنا هيك , ما بعرف كيف عندكم اكيد القوانين بتختلف بتمنى تكون اسهل لانه الصراحه متعب كتير الاجراءات وبدها وقت طويل
اسفه على الاطاله