التطعيم للبسه وتنظيف الاذن والعين كيف ؟؟؟

[بسبس مياو]

مبروك
اول شي اياك تروشها طول فترة الشتا ولا تخليها تبرد
التطعيمات روح للبيطري وهو يطعمها
التطعيم الرباعي او الثلاثي وبعده بأسبوعين او ثلاثة جرعة تنشيطية
وبعد شهرين تطعيم السعار
وفي تطعيم ضد اللوكيميا (بعض البياطرة يقولون مش لازم)
بس تأكد ان بين كل تطعيمة شهرين لا تطعمها مرتين في شهر واحد
تنظيف عينها مو شرط كل يوم,لو حسيت ان عيونها فيها افرازات بمويه دافيه وامسح فقط
الأذن افحصها لو في سواد يلزمها علاج وتنظيف لو مافي ولون اذنها ابيض كل اسبوعين بقطنه فيها
بيبي اويل وامسح الاذن (الصيوان الخارجي فقط)
ابعد كل شي حاد وخطر وكيماويات ومنظفات
وراقبها لأنها حاليا صغيرة وتحب تكتشف كل شي حواليها
اعتمد على اكل البيت الصحي وابتعد نهائيا عن المعلبات تراها سموم
عطيها ثلاث وجبات في اليوم,دجاج مسلوق مع شوي كوسة وجزر اسلقهم سوا واطحنهم
عطيها جبن مثلثات بكمية بسيطة مره في اليوم
سيريلاك الارز مرتين في الاسبوع احيانا يسبب امساك
سيريلاك القمح مرتين في الاسبوع احيانا يسبب اسهال
امنع حليب الابقار نهائيا مضر ويسبب اسهال ومشاكل بالمعدة,لو تبي تعطيها حليب جيب من الصيدليه البشرية للاطفال خالي من اللاكتوز ومافيه حديد وعطيها مره في الاسبوع بكمية بسيطة
علشان لا يقلب معها امساك
امنه التونه نهائيا....السمك مره في الاسبوع
الدراي فود (الاكل الجاف) مره في اليوم بمقدار ملعقة اكل لأنه مكمل غذائي وليس اكل يعتمد عليه
يعني مجرد فيتامينات وكثرته تسبب امساك واحتباس للبول وسكر
اعتمد عالبروتينات لحوم دجاج واي اضافة من الخضار تكون بكمية بسيطة علشان تستسيغه القطة
لاتترك الاكل قدام القطة ابدا ...اول ماتخلص الوجبة شيله...الماء حطه 24 ساعة قدامها لازم يكون نظيف
اهتم فيها تراها روح بتنسئل عنها يوم القيامة ,
ياليت تقرأ عن تعقيم القطط لأنه جدا مفيد لهم ولصحتهم ويكفيك عناء فترة التزاوج المزعجة
لو حابب