هاوي مبتدا ياليت الفزعه ولكم جزيل الشكر والاحترام

[A.Alansari]

انشالله الشباب الخبراء يفيدونك

وانا بقولك تجربتي بخصوص المسح على الراس

انا شفت طريقة المنشفه لكن ماحبيت اطبقها على طيري

اول شي جوعته وخذته معاي غرفه مايعرفها فصار شوي هادي وبديت امسح عليه وهو بحضني ويفضل تكون لابس ثوب عشان يكون بحضنك وهو بيحاول يشرد يمين ويسار لكن استمر لين يهدى وكررها يومين وبتشوف النتيجه

وبعد ماتخلص رجعه على الستاند طبعا لاتعطيه اكل خله بدون اكل لمدة نص ساعه بعد التدريب وبعدها قرب عند الستاند وحاول تمسح عليه وكل ماتلمس راسه عطه مكافأة شي يحبه

لكن اهم شي كل ماتبي تمسح قول له هات راسك ولا راسك عشان يعرف انه هالكلمه معناها انك بتمسح عليه

انا جربتها ومن ثاني يوم صار يرضى امسح عليه

دايم اذا شفته عنيد وده معاك غرفه جديده عليه بيكون خايف من المكان وبتكون انت اقرب شي له ويعرفه وبيخضع لك وحاول تمسح منطقه الخد وقريب من العين لانه الببغاوات تحب المسح على هالمنطقه بالذات