البيض غير مخصب

[ابو ريمان]

يالغالي الله يقويك

عدم فقس البيض لا يدل على ان البيض غير مخصب !!!!

لأن مشكلة البيض غير مخصب هذه مشكله غير عن مشكله عدم الفقس

يعني مشكلتين في ان واااحد ما تسميها مشكله

انت انسان منتج لابد تمشي خطوه خطوه ورا ءالمشكله

يعني لابد تتعلم من تجاربك ,, انا ودي انو يكون عندك صوره للبيض !!!!

ابي اقلك على شي يالغالي

المفروض انك لما تشوف بيض ما يفقس من غير اي مشوره افتح البيضه بنفسك وشوف بنفسك
وش المشكله بالضبط
هل فيها صفار او البيضه فااضيه او معفنه

وشوف خارج البيضه نفسها من الشكل الخارجي هل فيها بقع داكنة اللون

هذه الاشياء كلها تعلمك وانت راح تعرف من نفسك وش المشكله اللي بتواجهك

لكن ... خلينا نقول عندك مشكلة البيض لم يفقس !!!! اوكه

1 - بيض غير ملقح :

هذه المشكله يالغالي ماراح احد يعرفها غير انت او انك تصور لنا صورة البيض راح نفيدك

لكن يالغالي انا راح اقلك انا البيض مخصب ولابد تحط ثقة الزوج في نفسك بإمكانياتهم .. اوكه

يعني الخلاصه انا وانت نقول البيض مخصب ,, راح يجيني ويجيك سؤال طيب ليش ما يفقس ؟؟؟!!

انا اقلك ليش ما يفقس .....

اسباب عدم فقس البيض وللعلم البيض ملقح كالأتي :

- موت الفرخ في الايااام الاولى ( موت مبكر للجنين )

السبب يالغالي كثره فتح البياااضه ومراقبة الزوج مما تجبر الانثى الحركه بكثره وهي حاضنه للبيض
تجعل البيض يتحرك خاصة في الاياام الاولى من عمر الجنين في اليوم الاول والثاني الى 4 اياام

لأن الجنين راح يتكون من الدم راح تكون داخل صفار البيض نقطة دم وهذه النقطه راح تتكون منه الجنين ويكتمل نموه

فـ تخيل اذا كان الدم نقطه ثبتت في مكانها راح يتكون الجنين لكن في حالة كثرة الحركه للبيض

من المؤكد ان الدم لا تكون ثابته ومن المؤسف ان الجنين ماراح يكتمل نموها

مثل بسيط في النســـاء
لكلنا نعلم ان المولود يتكون من الدم فتخيل في البدايه تكون تجمع دم بسيط اذا تحركت المرأه بكثره

راح يسقط الجنين ,, والدكتور يوصينا في الاشهر الاولى من الحمل عدم الحركه ,, علشان يثبت
الجنين المكون من الدم

وكذلك بيض الكروان

ان شاء الله ان النقطه هذه واااضحه بالنسبه لك ,,, سامحني على الاطاله


- كبس البيض
- عدم اكتمال حضانة البيض
- قوة قشرة البيض
- الرطوبه الزائده
- درجة الحراره

اسباب كثيره لكن انا متأكد المشكله في السبب الاول موت مبكر للجنين

وسا محني اخووي على الاطاله يالغالي لكن حاب اوصل لك المعلومه بشكل جدا دقيق

[alnawrss]

كيف اقدر اصور البيض عشان يبين انه مخصب او لا

[عاشق الكوكتيييل]

كمـ ـآآ قـآل لـك آلـآخ آلـكريــم..{آبـوو ريمـ ـآآن}..


وآزيــد شــ ـوي علــى كلآمـة ,, يـآريت تخليهـ ــم فـي قفـ ـص آكبـرر مــع آرآحـة آلـزووج لمـدة لـآ تقـ ـل عـن ثلـآث آسـ ــآآبيـع

لك
أجمل تحية

[ابو ريمان]

المشاركة الأصلية كتبت بواسطة alnawrss

كيف اقدر اصور البيض عشان يبين انه مخصب او لا

اخوي يالغالي الله يسعدك

افتح البياضه وصور يالغالي !!!

انا اتكلم مرحلة وقت التصوير وهو مرحلة وقت الفقس راح افيدك من الشكل الخارجي من البيضه

انها موت جنين او اي شي

من الشكل الخارجي يبين معاي مشكلة البيض يالغالي ,, راح افيدك فيه

[alnawrss]

هذي هي الصورة

[ابو ريمان]

ماشاء الله تبارك الله

اولا اشكر حرصك يالغالي على تقبلك للتعلم من باب الفااائده

ثانيا يالغالي كما توقع وقلت لك انا متأكد ان البيض مخصب لكن موت مبكر للجنين

يالغالي الزوج اللي عندك ما شاء الله عليه يجيب لك بيض ملقح

لكن موت مبكر للجنين وبالتالي صعب انو يفقس لأن الجنين ميت وهذا موت مبكر في الايااام الاولى

البيضه الاولى : موت مبكر للجنين
البيض الثانيه : سوء تغذيه عند الزوج
البيضه الثالثه : موت مبكر للجنين

يالغالي مشكلتك الان ماهو تخصيب البيض مشكلتك يالغالي هو عدم الفقس والبيض ملقح

اهم حاجتين يالغالي ابيك تتأكد منهم وتعطيني رد يالغالي

س / ممكن اعرف درجة حرارة الغرفه عندك الله يسعدك ؟؟ للأهميه

س / ممكن اتأكد يالغالي هل تفتح لهم البيااضه بكثره في الاياام الاولى منذ بدء وضع البيضه الاولى ؟؟؟

الله يسعدك ابي اعرف نقطة بدء المشكله ,, وسامحني على الاطاله يالغالي

[Aze]

المشاركة الأصلية كتبت بواسطة ابو ريمان

ماشاء الله تبارك الله

اولا اشكر حرصك يالغالي على تقبلك للتعلم من باب الفااائده

ثانيا يالغالي كما توقع وقلت لك انا متأكد ان البيض مخصب لكن موت مبكر للجنين

يالغالي الزوج اللي عندك ما شاء الله عليه يجيب لك بيض ملقح

لكن موت مبكر للجنين وبالتالي صعب انو يفقس لأن الجنين ميت وهذا موت مبكر في الايااام الاولى

البيضه الاولى : موت مبكر للجنين
البيض الثانيه : سوء تغذيه عند الزوج
البيضه الثالثه : موت مبكر للجنين

يالغالي مشكلتك الان ماهو تخصيب البيض مشكلتك يالغالي هو عدم الفقس والبيض ملقح

اهم حاجتين يالغالي ابيك تتأكد منهم وتعطيني رد يالغالي

س / ممكن اعرف درجة حرارة الغرفه عندك الله يسعدك ؟؟ للأهميه

س / ممكن اتأكد يالغالي هل تفتح لهم البيااضه بكثره في الاياام الاولى منذ بدء وضع البيضه الاولى ؟؟؟

الله يسعدك ابي اعرف نقطة بدء المشكله ,, وسامحني على الاطاله يالغالي

ابو ريمان.. البيض مايبين انه ملقح او لا من شكله الخارجي!!!

لازم يحط كشاف على بيضة وحده واذا طلع فيها عروق فهي مخصبة.. هذا واحد.
2. هل سبق لك وشفت الذكر يلقح الأنثى؟ لان الكوكتيل يتزاوج بكثرة حتى مع وقت وضع البيض.. اذا لا فالبيض مايتم تخصيبة اذا الانثى لا تقبل به.
3.. درجة الحرارة ماتضر طالما ان القفص مو بخارج البيت يعني تحت الشمس.. بحكم تجربة انتاجي.

[ابو ريمان]

المشاركة الأصلية كتبت بواسطة Aze

ابو ريمان.. البيض مايبين انه ملقح او لا من شكله الخارجي!!!

لازم يحط كشاف على بيضة وحده واذا طلع فيها عروق فهي مخصبة.. هذا واحد.
2. هل سبق لك وشفت الذكر يلقح الأنثى؟ لان الكوكتيل يتزاوج بكثرة حتى مع وقت وضع البيض.. اذا لا فالبيض مايتم تخصيبة اذا الانثى لا تقبل به.
3.. درجة الحرارة ماتضر طالما ان القفص مو بخارج البيت يعني تحت الشمس.. بحكم تجربة انتاجي.

هلا فيك يالغالي

يالغالي الله يقويك ويسعدك دنيا واخره

البيض ما يبين انه ملقح او غير ملقح الا بالكشاف ,, هذا صحيح والمبتدء يعرف هذه المعلومه

لكن .. من الشكل الخارجي للبيض تعرف ان هذا البيض فيه جنين ميت او غير ميت

فـ مشاركتي يالغالي هو معرفة جنين ميت او غير ميت من الشكل الخارجي

بما اني عرفت ان الجنين ميت يلغالي من الشكل الخارجي فمن المؤكد ان البيض كان ملقح

هل وضحت لك هذه المعلومه !!!!!

طبعا يالغالي ما يتم معرفة الجنين ميت او لا من الشكل الخارجي من البيضه الا بعد مرور 9 ايااااام

من عمر الفرخ يالغالي ...........


بخصوص الجزئيه الثانيه يالغالي راح ترويك معلومة الجزئيه الاولى من شرحي بإذن الله !!

الجزئيه الثالثه يالغالي ( درجة الحراره ) :

يالغالي اهم شي في الانتاج ( درجة الحراره سواء في الخارج او داخل البيت )

داخل البيت يالغالي في ناس عندهم درجة الحراره توصل 35 - 36 درجه هل هذا صحيح ؟؟!!!!!!

لازم تعرف يالغالي ازواج الكروان تنقسم الى قسمين :

زوج جديد اول انتاج له ( عديم الخبره )
زوج قديم سبق ومنتج ( خبره )

الزوج الاول ( عديم الخبره ) :

اول انتاج له صعب جدا جدا يعلم بوضعية تقليب البيض وتفادي رطوبة البيض وقت التحضين

مثال بسيط في واقعنا نحن كبشر :

عندنا اذا البنت تزوجت وماعندها خبره وحملت بجنين هل تتوقع ان البنت الجديده في الحمل
تفهم كل شي عن الحمل !!!!!

من المؤكد ان البنت تستشير وتسأل وتشوف في الشهر الاول ايش يصير في الشهر الثالث ايش يصير

نا س يقولولها لا تتحركي في الشهور الاولى وناس يقولولها انتبهي من كذا وكذا

طبعا هي ماهي فاهمه شي ؟؟؟!!! ليش ماهي فاهمه شي ولا تعرف كيف تتصرف وتكون خائفه

علشان هذه اول تجربه لها في الحمل من المؤكد راح تكون ضعيفة خبره

وكذلك زوج الكروان ضعيفة خبره اول انتاج لها درجة الحرارة المكان عامل اساسي للزوج

النتائج السلبيه في انتاج درجة حراره غير مناسبه كالأتي للزوج عديم الخبره كالأتي :

بيض ملقح لكن موت جنين داخل البيضه ( رطوبة البيض )

غشاء الفرخ التي تغطي الفرخ تحت البيضه غشاء خفيف لونه ابيض تلتصق في جسم الفرخ

مما يسبب عدم اكتمال نمو الفرخ وتسبب في موته ..

انا انسان والحمدلله مجرب هذه التجربه بنفسي وضحيت يالغالي بتجربتي 8 ازواج !!!

زوج عديم الخبره اول انتاج له وضعته في غرفة انتاج درجة الحراره 25 - 30 درجه

وزوج خبره سبق ومنتج وضعته في غرفة انتاج درجة الحراره 30 - 37 درجه

ووضعت كل من الزوج اناء فيه ماء في ارضيه القفص مع كاميرات مراقبه

لاحظت حاجه وحده فقط اشفت غليلي ان الزوج عديم الخبره لا يستخدم الماء ولا تستفيد منه

وفي الزوج الثاني الخبره لا حظت ان الزوج بدء في استخدام الماء لتفادي رطوبة البيض بعد 13 يوم من وقت وضع البيضه الاولى

قلت في نفسي ليش الزوج الاول العديم الخبره ما استخدم المااء ,, قلت احتمال ان الغرفه مناسبه لهم وما لها داعي

النتائج يالغالي عديم الخبره فرخين من 5 بيضات
والزوج الخبره 4 فرخ من 4 بيضات كلها فقست

قمت عكست الموضوع علشان اشوف هل الزوج عديم الخبره راح ستخدم الماء في درجة حرارة المكان المختلف عن ما سبق

لاحظت يالغالي الزوج مستخدم الماااء بشكل اساسي
سبق ان الزوج عديم الخبره اصبح منتج

عندها تيقنت يالغالي ان الزوج كسب خبره وعرف وين كانت المشكله في عدم فقس البيضات الاخرى

وفي ازواج يالغالي وضعت لهم كالسابق ازواج منتجه يالغالي وحريقه

لا حظت ولا بيضه تم فقسها مع العلم انها جميعها ملقحه

وحطيت الازواج اللي ولا بيضه فقست في درجة حراره متاسبه للإنتاج

رايت والحمدلله فقست جميع البيضات

والحمدلله عرفت من نفسي وجربت من نفسي والله هو المستعان على هذا الشي

عندها المعلومات الي نسمعها ونقرأها درجة الحراره عامل اساسي للإنتاج هذه معلومه صحيحه

ومعلومه علميه من خبراء منتجين عند الغرب وجربتها بنفسي

واعذرني يالغالي على الإطاله ,,لكن هذه امانه واحب اوصلك ايااه بكل الطرق التفصليه بحيث

تستطيع هضمها ,, انا انسان شوي تفصيلي ,,^_^,,

واتمنى ان المعلومه وصلت لك يالغالي وفهمت مقصدي اللي حاب اوصلك ايااه

[alnawrss]

المشاركة الأصلية كتبت بواسطة ابو ريمان

ماشاء الله تبارك الله

اولا اشكر حرصك يالغالي على تقبلك للتعلم من باب الفااائده

ثانيا يالغالي كما توقع وقلت لك انا متأكد ان البيض مخصب لكن موت مبكر للجنين

يالغالي الزوج اللي عندك ما شاء الله عليه يجيب لك بيض ملقح

لكن موت مبكر للجنين وبالتالي صعب انو يفقس لأن الجنين ميت وهذا موت مبكر في الايااام الاولى

البيضه الاولى : موت مبكر للجنين
البيض الثانيه : سوء تغذيه عند الزوج
البيضه الثالثه : موت مبكر للجنين

يالغالي مشكلتك الان ماهو تخصيب البيض مشكلتك يالغالي هو عدم الفقس والبيض ملقح

اهم حاجتين يالغالي ابيك تتأكد منهم وتعطيني رد يالغالي

س / ممكن اعرف درجة حرارة الغرفه عندك الله يسعدك ؟؟ للأهميه

س / ممكن اتأكد يالغالي هل تفتح لهم البيااضه بكثره في الاياام الاولى منذ بدء وضع البيضه الاولى ؟؟؟

الله يسعدك ابي اعرف نقطة بدء المشكله ,, وسامحني على الاطاله يالغالي

مشكور اخوي على المعلومات
درجة الحرارة بين 25-30

بنسبه لفتح البياضة في الدفعة الاول كنت افتح البياضة بكثرة بس بعد البيضة الثانية لان الاولى لم اعلم بها لاني كنت في رحلةعمل
الدفعة الثانية الا حطيت صورتها قليل كنت افتح البياضة

واسف على التاخير في الرد

[ابو ريمان]

اخووي الله يسعدك ويقويك

ابيك تاخذ بكلامي حتى النهايه وان شاء الله في خير اذا الله كاتبه لك ( كله بإرادة الله )

اول شي يالغالي تريح الزوج : ( طريقة تريح الزوج )

- شيل البياضه من القفص او غطي فتحة البيااضه بأي شي علشان ما يقدرو يدخلو البياااضه .....

- خليهم بدون بيااضه لمدة اسبوعين او 3 اسابيع كلما تأخرت كلما النتائج تكون افضل بإذن الله .....

- خلال اسبوعين يالغالي اعطيهم فيتامين التخصيب ( firty - vite ) يوميا لمدة اسبوعين في الماء ....

- والتغذيه السليمه يالغالي لا تنسى مع وجود عظمة الحبار يالغالي والتأكد من استخدامها والا ستفاده منها ...


ثاني شي يالغالي تجهيز للإنتاج :

- افتح لهم البيااضه

- وقف عن اعطائهم الفيرتي فيت فيتامين التخصيب

- اعطيهم خضروات في الاسبوع مره

- اعطيهم قمح منقوع بالماء

ثالث شي وقت الانتااج عند وضع البيض :

اخوي الغالي هنا اهم مرحله لك وللزوج سبق وانتاجاتهم فاااشله

طبعا انت اكيد يالغالي تعرف اذا الزوج باض او لا من مجرد نظرتك للزوج !!!!

اذا اختفوا من الانظار وطالة مدة بقائهم في البيااضه عندها تعلم ان لدى زوج بيض

بدون ما تفتح لهم البيااضه وبدون اي شي احسب من يوم حسيت انه في بيض ما هي مشكله اذا تقدمت عن الحساب مدة تزيد يومين او 3 ايااام

وطبعا انا حريص وانت تكون احرص مني يالغالي ما تفتح لهم البيااضه ابد ابد ابد

بعد اسبوعين تقدر تفتح البياااضه ما عندك مشكله

اعطيهم لامان والهدووء في هذه الفتر ه يالغالي

وان شاء الله يالغالي راح تشوف فرخ يالغالي وخير بإذن الله ( اذا الله اراد لك ) كله بإرادة الله

لا تنسى يالغالي راعي اهم خطوتين

تريح الزوج كلما تأخرت في المدة كلما النتائج تكون ايجابيه

عدم فتح البيااضه يالغالي :

انا قلتك عدم فتح البيااضه يالغالي علشان الزوج عندك شوي عديم خبره احتمال فتحت البياضه لهم

تسبب في ارباك الزوج وتخلي الارباك هذا يحركوا في البيض وهذا ينتج موت مبكر للجنين

لأن سبق وشرحت لك ان البيضه من البدايه تتكون منقطة دم في الايام الاولى وما ابي النقطه هذه
تحرك وتضيه تكون الجنين

انا ابي النقطه هذه تكبر في التجمع لتصبح كتلة دم ,, عندها تستطيع حتى لو انك تحرك البيضه ما يضر لأن تجمع الدم اصبخ متماسك بشكل اقوى من نقطه

ان شاء الله وضحت يالغالي

اذا في فقس للبيض يالغالي راح تسمع صوت الفرخ ما تشيل هم

موفق

اسأل يالغالي ولا تشيل هم اذا في جزئيه ما ناسبتك او حسيت انها ما دخلت في راسك !!!