يااهل الخبرة يهمني رايكم في طيري الجديد //*****//

[بلاك بيري]

ماشاء الله تبارك الله فرخ طيب ومزيون والي تفضلت به من وصف يدل على ذكائه الرائع استمر في تلقينه الكلمات السهله مثل بابا وغيرها ولا تقلق راح يفك معاك بالكلام

بخصوص هدوء الطير وعدم تصفيره نقول انه ان كان نشيط وياكل زين ومافيه مشكله صحيه ما تكون الا مسئله تغير المكان عليه وعدم تعوده ياخذ قت بسيط ويرجع يتعود تلقائيا


تقبل مروري

[الشايب شخصيا]

يعطيك العافية اخوي بس اللي ملاحظه الطير يلعب معي ويطير هنا وهناك وما طق في راسه الا الوقفه فوق باب الغرفه بس المشكلة التصفير له اسبوع عندي واحسه مدلع ما يتحمل الحر مع انه الجو زين في البيت والاحظ عليه يقعد يلهث واحس جسمه يسخن اقوم شغل المكيف عشانه

[بلاك بيري]

والله انا لا انصح لطير هلندي رمادي بهذا العمر بتعريضه للمكيف والتيارات الهوائيه لانه بيمرض بسرعه وانت لا تخلي الطير في منطقه مشمسه وحاره ولا في منطقه بارده لانهما كلاهما متعبان للطير

سخونه جسم الطير لا تعني حرارته ولا تعني اي شيء سوا انه يختلف عنا في قدرته على فقدان الحراره المخزونه داخل جسمه وذلك لعدم وجود ما يعرف باسم الغدد العرقيه

هذا والله اعلم