هامسترتي الروسي ولدت =) وعندي شوية أسئلة

[هكذا اذن]

يوميا عطيها بياض بيض مفور على قد ما تقدر + جبن قليل الدسم = فيهم بروتين ويزود الحليب + مفيد للام تستعيد قوتها
اكل الهامستر موجود 24 هو والماي

حليب مجفف ما يحتاج تعطيهم

القفص يتنظف بعد 14 يوم

[Mad Mood]

بالنسبة للحليب كل هامستراتي متعودين عليه ويحبونه لأني أخففه كثير بالماي

البيض والجبن أكلها الروتيني مع الحبوب الجافة والماي

وزود عن كذا أعطيها توست برّ مغموس في خلطة مكونة من مويه + ربع ملعقة حليب خالي الدسم + ربع ملعقة عسل + قطرتين فيتامين حيوانات + قطرة زيت زيتون + قطرتين مرّة.. تحبه موت =)

أمس عطيتها تفاح.. واليوم خس ورطب.. وبكره ان شاء الله قرنبيط أخضر (بروكلي) لأن له فوائد مذهلة والهامستر يحبه كثير

والأمورة ما شاء الله صحتها ومزاجها عال العال وعيالها كمان.. وكمان من يوم ولدت إلى الحين ما تاكل وتشرب إلا من يدي! أشوفها تروح لصحن الأكل وما تاكل منه وللمشربية وما تشرب منها توقف ع رجلينها وترفع يدينها تدور لأصابعي لأنها متعودة تاكل وتشرب من يدي فديت عمرها أنا

مشكورة ما قصرتي