تقديم الغذاء باليد

[Musab Pro]

ممنووووع ان الجرو يعضك

ولو كان على سبيل اللعب او غيره .. لا في هذا العمر ولا غيره .

يالغالي لازم ما تخليه يظطر انه يعضك .. وقت الاكل والشرب لازم يكون مرتاح ..

يعني لما تسكر يدك انت تمنعه وتعرض يدك للخطر بنفس الوقت وهذا مو اسلوب تدريب !

اول شي يالغالي ودي انك تتطمن على سلامتك انت لان عضات الكلب بعضها خطير .

ثاني شي لا تعطي الكلب الاكل مره وحده وتخليه ياكل بنهم لان هذا الشي ممكن يسبب له

التواء بالمعده او مشاكل هضم .. الحل انك تعطيه الاكل شوي شوي او ان تحط له

بالصحن كوره او بلونه فيها مويه او اي شي يعيق سرعة الاكل .

بالنسبه للكل من اليد .. يستخدم بالتدريب وبشكل قوي .. وخلينا ناخذ مثال عشان تتضح الفكره

لنفرض اننا نبي نسوي تمرين على اسم الكلب والتركيز .

احط الاكل في يدي وخليه يشووف الاكل وو بيدي ..

مثلا امرر الاكل اما عينه بعدين ارفعه عنه الى مستوى صدري عشان يطالعني

ويكون اتجاه راسه الى الاعلى .

وانادي اسمه .. لما اشوف عيونه تغيرت من الاكل الى وجهي انزل له قطعه صغيره

وافرد يدي له واخليه ياخذها مني بدون لا يعضني .. ولو فعل لازم تنهيه بصوت عالي

عشان يعرف ان الشي اللي سواه غلط .. ولو ما فهم فهذا شي محتمل لصغر سن الكلب .

نكرر العمليه مره اخرى وكلما نضر الى وجهي اعطيه حبه .

بعد كذا مره ارمي له الاكل تحت عند رجولي .. وبعد ما ياكل بيشم الارض

انادي اسمه .. اول ما يرفع راسه ويطالع فيني ارمي له قطعه اخرى .

وهكذا ...


اتمنى انك استفدت من التمرين ومن طريقة تعديل سلوك الكلب .