ارجو المساعده ..

[wawa_wawa]

السلام عليكم ورحمة الله وبركاتوو ..


لووسمحتوو اانا مره محتاره .. انا نفسي اربي حيوان .. ابا بغبان .. بس خايفه يووصخ ويعمل ريحه


لاني ححطو في القفص شويه .. واخرجوو في البيت شووويه .. وبفكر في جووز كناري .. بس نفس


الشي .. يوسخ وخايفه من الريحه ولا كيف. ؟



ولا اربي سمك .. ؟



وفين احسن الاماكن في جده .. ويبغالو تنضيف كل اسبوع ولا كيف بتعملو انتو افيدوني بخبرتكم



ولا اربي هامستر ..؟



بس يقولو لي ريحه ..



ولا اربي ارانب ..؟



بس مره مابا بسااااااس .. افيدوني الله يخليكم .. محتااااره عالاخر ..

[منادم]

بسم الله الرحمن الرحيم

بالنسبة لي افضل الكناري .. الببغاء .. اصواته كثيره ومزعجه
بس ميزته ( ممكن يصير اليف ويتكلم ) واعتقد هذه اهم ميزه ( ولا يوسخ ) طالما هو في القفص

الكناري ( صغير وخفيف وحلو واصواته حلوه ( الذكر ) تغريده روعه )
وفيه سلالات منه بالاضافه للصوت ( اشكالها ) روعه ( مايوسخ ولا فيه ريحه ) قليل

السمك .. انا اشوف انه التزام ( مادري ) احس كذا لو بتسافر ( تورط فيه اكثر من غيره )

الهامستر ( ريحه ) ولا فيه ( الا الاستمتاع ) لم هم يهوونه

الارانب تبي مكان كبير .. لها ريحه .. بس ممكن ينتج منها الشخص ويبيع وبعض الناس
ياكل منها

هذا رايي المتواضع

تقبلو ودي

اخوكم

[ألولهان]

اولاً بحكيلك تجربه

الببغاء له ريحه لزمله تكتيكيه معينه للحفاض علي نضافته

اما الكناري طير حلو وجميل احفضه كما تحفظ عينك يطلع احين منها
ما يوسخ واجد ولا له ريحه كريها

اما السمك نفس الكناري ييله حفاض وماله ريحه الا اذا فيه شي وسخ او تجمع الاوساخ
يعني يبيله نضافه كل فتره وفتره

اما الهمستر ما ربيته لاكن شفته واعرف ورعان يصيرولي عندهم واحد
مروح وريحته العن مثل الببغاء ويمكن العن

اما الارانب مسكينات احبهن لاكن حيوان حساس بذات الصغار

الكبار يعيشن بس الصغار ما يعيشن الا مع امهن فهمت والارانب

ما انصح تحطها بقفص لانها راح توصح بعد وتطلع ريحه بالبيت يعني


مكان تراب ومحوط بشبك علشان الغطاوي ومغطي من فوق ويرش بماي

لتبريد وعنايه حلوه لهن حيوان جميل لاكن يبيله عنايه ولا راح يموت

[bboy]

اخوي العزيز ...

عندك الكناري نظيف جميل صوتة حلو وخفيف ولا يحتاج تعب في التنظيف لانه ما يوسخ اصلا

اما السمك تغير المااء كل فترة وفترة والحوض يتنظف كل شهر او اكثر حسب حفاظك على المااء والنظاافة يعني الثنين حلوين وخفاااف على المربي

انشالله بالتوفيق ...

[wawa_wawa]

الله يعطيكم العافيه .. انا قررت خلاص ان شاءالله .. ياالكناري .. او السمك ..

[انجل مان]

يا اختي كل شي وله سلبياته وايجابياته !!

والاختيار الاخي لك طبعا .. لكن اهم ما في الموضوع انك تتحملين كفالة هالحيوان بكل متطلباته ..

مو مثلا تربين سمك وتحطينه في ماي بدون مضخه هواء ولا فلتر .. وتقولين انا ما اهملته !! لا خطأ طبعا !

ولا تاخذين كناري .. وتحطينه بالشمس عاد عندنا شمس تقلي البطاطس من حرارتها !! وتقولين انا محافظة عليه !!

اهم شي.. انك تتبنين هالحيوان وتحافظين عليه .. وصدقيني راح يسهل عليك باقي الامور ..