[عـ!شق !لصمت]

يا هلا فيك اخوية ستار ,, احنا قراب و ما نعرف بعض .. اخوك من الموصل ^^

شوف اذا تريد تعمل علف تسمين و تفريخ للاسماك بـ نفس الوقت و مفيد بس عيبه

انو يعكر الماء و يتفتت بسرعة يعني لازم يكون عندك اسماك كثيرة في الحوض حتى تاكله قبل

ما ينزل على الارض ..

و الطريقة هي ..

تجيب 1 حجم كبد بقري او غنمي او .. (اسع تقول منو يسطر بـ ايده الكبد ^^)

و تجيب 2 حجم خس او سبنج (سبانخ) او حتى سلق ..

و تجيب 2 حجم روبيان (ينباع بالسوق معلب ..) او سمك معلب (لازم تنظفه)

و تجيب 1 حبة فيتامينات لكل 100 غم كبد ..

و تجيب ملعقتين كبيرتين من البروتين (مال كمال اجسام هذا اللي ينخلط مع الحليب او الماء)

و تقدر تستخدم البروتين اللي على شكل حبوب و تحط منه حبة لكل 100 غم كبد ..

و تشتري لازم جلاتين حيواني من سوق العطارين ..

تحط الكبد و السبانخ (بدون عروق لانه راح يعرقل عملية الحلج ) و الروبيان و البروتين و الفيتامين

في الخلاط و تخلطه كله مرتين ( و احسن شي انك تحط جميع المكونات شبه جافة .. بعدين تعرف ليش)

و بعدها تحط ملعقتين كبيرتين جيلاتين الحيواني في نصف كوب ماء و تخلط بسرعة (طبعا راح يتحول الى

جلاتين بسرعة لان الكمية كبيرة)

و تخلط كوب الجيلاتين مع الخليط و تخلطهم مليح (جيدا ^^)

و بعدها تجيب طاسة ماء (لاختبار كمية الجلاتين في العلف)

و تحط في الطاسة قطعة صغيرة من العلف و تشوفه .. اذا ما تفتت و بقيت في القاع

يعني الجلاتين كميته مليحة .. واذا تفتت بسرعة لازم تجيب كمان نصف كوب ماء + ملعقتين جلاتين .......

الى ان من تحط القعطة في الماء ما تتفتت

و تجيب بالاخير كيس شفاف و تحط بيه العلف و لازم يكون سمك العلف اقل سم في الكيس

و بعدها تحطه في المجمدة بحيث يتجمد بدون ما يتحرك العلف داخل الكيس

و يتجمد على شكل طبقة ..

و بعدها كل ما تريد تطعم الاسماك .. اقطع قطع صغيرة من الاكل و حطه للاسماك (بعد التجميد)

و ادعي لي ..