[مارشميلو]

المشاركة الأصلية كتبت بواسطة Jory2014

قطتي ومشكله جديده



اليوم الله يكرمكم بس صحيت من النوم لاقيتها عامله حمام الله يعزكم برى الليتر بوكس. مع انه كان قريب جدا عليها ... انا شممتها برازها واخدتها وحملتها على اللتر بوكس ..كررت الحركه مرتين طبعا ما ضربتها ولا حتى صرخت عليها بس شممتها اياه ... بعد دقيقتين لاقيتها راحت الليتر بوكس وكملت حمامها ..


نيجي للمشكله الكبيرة وارجوكم ساعدوني فيها ... انا اعرف القطط تدفن فضلاتها وتردم عليهم بالرمل .. وكمان تنظف نفسها ..
انا قطتي العزيزة مفكره نفسها ملكه طول اليوم اردم انا ورا فضلاتها ... اللي تتركهم مكشوفين .. وحاولت اعلمها تدفنهم يعني امسك قوائمها الاماميه واحركهم بحركه ردم ..وهي لا حياه لمن تنادي تدخل الليتر بوكس وتعملها حتى يدون ما تحفر واحيانا تحفر على خفيف جدا وبالحالتين حفرت او ما حفرت ما تدفن فضلاتها..

والشي الثاني انها ما تنظف نفسها ابدا تعملها وتكلع بكل ثقه تقعد على الارض او الفراش.. طبعا انا عشان الصحه والطهارة اخد قطنه صغيره وابللها ميه دافيه وامسح المنطقه تبعها وقؤامها الخلفيه لانها احيانا وهي طالعه من الليتر بوكس تخبط بفضلاته

جننتني اوقات اخليها جنب الليتر بوكس اقول يمكن تنظف نفسها وما في فايده .. بالاخر انا انظفها وامسحلها بقطنه مبلله وبعدها بقطنه جافه


ارجوكم ساعدوني كيف ممكن اعلمها تنظف تفسها وليش هي تتصرف بهالطريقه

واعذروني طولت عليكم وازعجتكم بمشاكل القطه

حبيبتي القطط تتعلم هالاشيا من الام

فيمكن ما كانت متعلمه كويس
فلازم تعلميها الشي هذا كذا مرا وراح تتعلمه صدقيني

واحيانا لما تبغى تستخدم الحمام تماوي انتي شيليها ووديها له


واحمال كبير الليتر بوكس عالي عليها وما تقدر تطلع له ^_^