[صمت الأمل]

وعليكم السلام ورحمة اللهـ وبركاتهـ .


ماشاء اللهـ تباركـ اللهـ .. ألف ألف مبـــــروكـ عليها .


ان شاء اللهـ ماتشوف منها الا كل الخير .


ايش نوع الفقاسهـ اللي بتستخدمها للتفقيس ؟؟ اوتوماتيكيهـ أم يدويهـ ؟؟


بالنسبهـ للفقس ,, أول مايفقس الفراخ اتركهم بداخل الفقاسهـ 6 _ 8 ساعات ,, أو حتى 12 ساعهـ حسب الوضع اللي تشوفهـ فيهم .


أولا عشان ينشف ريشهم المبلول تماما ويرتاحو ويستعيدو طاقتهم من بعد الإرهاق اللي واجهوهـ بالتفقيس .


وثانيا سبحان اللهـ الفراخ تشجع بعضها البعض في مرحلة الفقس والخروج من البيضهـ ,, خصوصا اذا خرج الصوص الأول .



بعدها ممكن تنقلهم لمكان التحضين ..


وهو مكان تتوفر فيهـ الإضاءهـ والدفء , وتضع فيهـ الأكل والشرب .


مثل هذا :









هنا حاضنهـ غرفهـ ومعلق بها مصباح للأعداد الكبيرهـ جدا :





انا عندي بالبيت وحدهـ سويتها بشكل سهل جدا ..


اشتريت قفص خشبي بـ 20 ريال من سوق الطيور لأني بأفقس عدد بسيط ,, فتحت فتحهـ بسقفهـ وعلقت مصباح بداخلهـ .. وصار مكان تحضين ممتاز .


















عذرا على الفوضى لكن هذي غرفة الورشهـ .. كلها مسامير وخشب وكراتين .


فيهـ مربين اذا فقس الصوص يحطون لهـ باليوم الأول ماء وسكر ,, وبعضهم مايعطيهـ شيء .


وكلا الحالتين صحيحهـ ,, لأن السكر والماء يعطيهم طاقهـ سريعهـ وجيدهـ أكثر من الأكل ,, وعموما ننصحكـ تصومهم عن الأكل 24 ساعهـ حتى يستهلكو بقايا الصفار من بطنهم بشكل تام .


في اليوم الثاني عطهم حب ذرهـ مطحونهـ ,, اما تشتريها من سوق الطيور جاهزهـ ,, أو تطحنها بنفسكـ من عند محلات طحن الحبوب الموجودهـ بكل مكان .


الأكل والشرب تعطيهم اياهـ بهالصحون حتى ماينسكب عليهم الصحن العادي أو يكون عميق عليهم ,, بتلاقيها متوفرهـ بمحلات الطيور :











ان شاء اللهـ أفدناكـ ,, وأي سؤل حنا حاضرين ..