شووف يالغالي .. سؤالك عام بشكل ما تتصوره .
بالنسبه للحراسه فهي تعتمد على عوامل كثييييره ومعقده .
اولا بالنسبه للفصيله .. في فصائل مشهوره بالحراسه .
مثل الجيرمن شيبرد ،، المالينويس ،، الروت ويلر ،، الدوبرمان .
هذي الكلاب معروفه بمواصفاتها القتاليه والدفاعيه وهذا الشي موجود فيها بالجينات .
بالنسبه للولف اللي انت تقول عليه ... هل تقصد فيه الجيرمن شيبرد ؟
اذا كانت اجابتك نعم .. ننتقل للمرحله الثانيه .
الكلب حتى لو كان جيرمن شيبرد مو بالضروره يكون حارس قوي .
يجب ان تكون جيناته ممتازه ككلب حارس .. ويجب ان تكون الدرايفات عنده ممتازه
الدرايفات عوامل جينيه ويتم صقلها بالتدريب .
واهم الدرايفات اللي يحتاجها الكلب للحراسه او للتدريب على الحراسه
البري درايف ، الفايت درايف ، الديفينس درايف
وكثير من المدربين يعتبر الافويدنس درايف ايضا مهم .
للحصول على كلب يتمتع بمستوى عالي من الدرايفات
الحل الوحيد هو اخذ كلب من سلاله لها تاريخ ودورات وتقييم الاب والام
اللي راح ينقلون هذي الدرايفات عبر الجينات للجراء .
طييييب لما نحصل على كلب فيه كل هذي المواصفات هل سيكون حارس جيد ؟
هنا ننتقل لمرحلة التدريب .. واللي تبدا من عمر شهرين
تبدا تحبب الكلب فيك بهذا العمر .. وتحسن تغذيته وتلعب معه العاب لها
اهداف بالمستقبل .. تطوير البري درايف و الفايت درايف
وتمارين العض بشكل تدريجي لا يضر الجرو ..(ركز على هالنقطه)
يتم ايضا تدريبه على بعض الاشياء الخفيفه مثل اوامر الطاعه البسيطه
ومكان قضاء الحاجه واشياء من هالقبيل .
في عمر الاربع اشهر تبدا تمارين الطاعه البسيطه
في ست اشهر تبدا الطاعه المتقدمه .
في عمر سنه تبدا تمارين العض والحراسه بشكل تدريجي
يتقن الكلب كل المهارات ويكون حارس ممتاز غالبا في عمر سنه ونصف الى سنتين
هذا في حال توفرت فيه المواصفات الوراثيه ولقي الاهتمام والتدريب المحترف .
وباذن الله سيكون كلب كامل المواصفات يصلح لحراستك الشخصيه
وحراسة ممتلكاتك .
في بعض الحالات يكون الكلب ناضج قبل السنتين وفي كثير من التدريبات يتطلب ( نضووج الكلب ) .
تقبل مروري