[ابو التواريخ]

المشاركة الأصلية كتبت بواسطة beeshoo

بالنسبة للريش الصباار مفيد جدا و نتايجه فعالة ..

اشتر لك شجيرة صبار صغيرة و خليها عندك و اسقيا كل اسبوع وتستفيد منها لطيورك

انا قرات من احد مواضيع الاعضاء عن الصبار و طيره كان منتف نفسه تنتيييييف تقريبا مافي ولا ريشة مشوه بمعنى الكلمة .. وبس كان ينتف بنفسه وصاحبة الطير مدري صاحب الطير قرا عن الصبار و طبقه وماشاء الله بخلال اسبوعين الا رجع الريش ينبت من جديد ..

وانا عن تجربتي الشخصية جربته لكروان في خلال مرحلة تبديل الريش
و ماشاء الله مره ممتاز و الصبار حتى لو اهملته مايموت
انا الصبار اللي عندي احيان بالشهر مره اسقيه ولا كل اسبوعين و ماشاء الله عاااايش

طولت عليك ولا بينت لك الطريقه = تقطع ورقة صبار و تقطعها بالعرض و يطلع لك زي الجل شفاف خذه و حطه بالخلاط مع موية و اخلطه و حطه بمرش المكواة و بخ طيرك يوميا بالصبح ولا وقت ماتحب ولو انه صلع مو وراثي راح ينبت بسررعه باذن الله

واذا وراثي ممكن انه يساعده وممكن لا .. بس حاول
وان شاء الله لو لقيت الرابط بحطه هنا ..

بالتوفيق
و طيور حلوة ماشاء الله
عقبال مانشوف انتاجها

الله يوفق الجميع إن شاء الله
شكرا لك على النصائح وعلى فكرة ترا اليوم بعد ماشتريت الطيور من سوق الخميس رحت جهة النباتات وماتركت بائع إلا وسألته وللأسف مالقيت نفس نوع الصبار الموجود في موضوع الأخت كاسيكوية