[صاحبة وفا]

أخوي تايقر بخصوص التهوية افتح الدرايش الظهر .. يكون الجو دافي جدا عندنا والسبري مال التعقيم عندي وكل اسبوع ارش على الاقفاص وعليهم والطبيب علمني الطريقه والنظافه
الحمدالله مافي ريحة فالغرفه اللي انا كنت حاطتنهم فيه ومن جبتهم للحين ماسمعت حد من البيت يشتكي من ريحتهم لاني حارصه على نظافه الاقفاص مب بس تغيير نشارة الخشب .. أغسل القفص بالماي والديتول والرعايه يوميا عندهم اشوف الاوضاع واللي ناقصه ماي وله اكل واحد صادته فطريات عالجته عند البيطري زيارتين للبيطري كلفتني 150 درهم والحمدالله مب مقصرة في شي وكل اسبوع اعطيهم قرنبيط وخيار وخس وجزر لكن بكميات ماتخليهم يصيدهم اسهال والاطفال اذا بدأو ياكلون اعطيهم مرتين فالاسبوع وباقي الايام دراي فود وماكثر لهم من الخضار لان معدتهم صغيرة واكثر عرضه للاسهال والسبب اني اعطيهم عشان الفيتامينات ولان اسنانهم ماتكون قوية وايد