[قطو_Q8te]

المشاركة الأصلية كتبت بواسطة مشاعر مكبوتة

بسم الله الرحمن الرحيم

السلام عليكم





هذي صورة قطوتي

بس ابي استفسر عنها شوي

انا شاريتها من اسبوع تقريبا ولاحظت كم شي

1- ابي اعرف كل القطط كذا ولا بس قطوتي لانها هاديه حيييييييييل وما تسوي شي ولا تتحرك الا نادر وطول الوقت منسدحه او نايمه وفحصتها قال الدكتور طبيعيه؟

2- اذا احد يقدر يطلع لي من شكلها كم تعطونها عمر لاني ما اعرف ؟

3- وش ممكن العب معها عشان احركها شوي؟

4- واهو اهم شي قطوتي ريحتها ذبحتني مع اني صرت بسبب الريحه اسبحها كل يومين ولا في فايده ولما قلت للطبيب قال سبحيها كم مره بعد وبتروح الريحه لان القطوه مافيها شي بس الريحه ذبحتنا وقويه وش الحل ؟؟

5- كيف اخليها تمشي معي لانها زي ما قلت طول الوقت قاعده؟؟

6- كيف اعودها تمشي بسير ؟

7- من جات ما قالت ابد ميو ليه ولا اي صوت الا همهمه نادر ؟

8- ووش نوعها؟

ادري طولت عليكم بس والله بحاجه لرد سريع

اخواني بدوا يكرهونها وناوين يبيعونها

وشكرا مقدما للي بيرد علي ومشكور للي حاول او اهتم شوي

السلام عليكم والرحمه
حياج الله بينه اختي وانشالله تستفيدين قدر المستطاع ,,
القط ماشالله عليه حلو وموناقصه شي

1- ابي اعرف كل القطط كذا ولا بس قطوتي لانها هاديه حيييييييييل وما تسوي شي ولا تتحرك الا نادر وطول الوقت منسدحه او نايمه وفحصتها قال الدكتور طبيعيه؟

عامة" الشيرازي يتميز بالخمول وكثرة النوم
عندج ليزر؟ اذا عندج لعبيها فيه وخل تركض وتتحرك

2- اذا احد يقدر يطلع لي من شكلها كم تعطونها عمر لاني ما اعرف ؟

ياريت تحطين صوره تكون شوي بعيده ويفضل واقف\واقفه واذا تخافين من الحسد دزيلي الصوره برساله خاصه
هالصوره مو واضحه واذا باخذ على هالصوره فيه 5 شهور 6


3- وش ممكن العب معها عشان احركها شوي؟
-ليزر
-تكوير الورق
-خيط وسحبيه عالارض
** حذاري من تحريك اصابع يديج او طبطبتهم عالارض لانه يزيد من عدوانيتها

4- واهو اهم شي قطوتي ريحتها ذبحتني مع اني صرت بسبب الريحه اسبحها كل يومين ولا في فايده ولما قلت للطبيب قال سبحيها كم مره بعد وبتروح الريحه لان القطوه مافيها شي بس الريحه ذبحتنا وقويه وش الحل ؟؟

انا دايما اقول حق كل مربي القطوه المو مطعمه تكون ريحتها حيل خايسه ,, وبعد التطعيم ريحتها ولا اروع خاصه بعد ما تتروش ( تستحم )
وفعلا" كل الي طعمو قططهم الريحه اختفت !
انتي طعميها وانشالله ريحتها تتحسن


5- كيف اخليها تمشي معي لانها زي ما قلت طول الوقت قاعده؟؟

ابدي معاها بالليزر و تدلليها والمسح عليها ومنادتها باسمها ووكليها ومع الوقت كل ماتشوفج مريتي تركض وراج
خاصه وقت الاكل

6- كيف اعودها تمشي بسير ؟
مافهمت بسير؟

7- من جات ما قالت ابد ميو ليه ولا اي صوت الا همهمه نادر ؟
هذي تربية بيت؟؟ بعض المربين يطقون القطط وبلكاد يسمع لها صوت .. عموما شكلها يديده وللحين مو متعوده عالوضع

8- ووش نوعها؟
شيرازي الماني والله اعلم


عالعموم طعميها ضد الدود واضطراب المعده لازم لانه اول علامه من علامات الاصابه بالديدان الخمول وكثرة النوم وعدم الاكل واسهال
واذا الدود بكثره تلاحظين اسهال مع دم


انشالله اكون افدتج واي مساعده انا حاضر