|
رحت اصيد وانصدت
السلام عليكم ورحمة الله وبركاته
هذي قصتي اليوم الصبح
رحت انا و3 معي للبر
الساعه 5 الفجر
نبي نصيد :ANSmile06
ورحنا صدنا كم طير
بعدين قلنا خل نروح
نشتري فطور من اقرب بقالة
عاد ومن هنا تبدا السالفه
والله وحنا نوقف عند التفتش
قال العسكري : اثباتاتكم
قلت : طيب من عيوني
واعطيته الاثباتات
هو شاك فينا 
قال العسكري : افتح باب الجيب الي ورا :think:
قلت : طيب من عيوني
والله وانا افتح له الباب 
والله وهو يرفع الفراش
والله وهو يلقى الخرازه
مهي مصرحه
قال تعالوا وراي 
ورحنا لم شرطة بقعاء :boxing:
ويحطنا بالتوقيف
لما يجي احد يكفلنا
كننا عمال هاربين
واتصلت على اخوي الكبير
جاء كفلنا :bdaysmile
بس هذي نهاية مشكله وبدايه مشكله ثانيه
قال بعد اسبوع نبي نحقق مع راعي الخرازه
ونبي نسجنه شهر 
قلت : وش تقول ؟
قال الي سمعت
على العموم شفت لي واسطه
وطلعت وافتكيت من موضوع السجن
بس صادروا الخرازة
واخذوا صيدنا يقولون يبون يتغدون عليه
قلت عليكم بالعافيه بس طلعونا
ههههههههههههههههههههه
والله وانا ارجع للبيت
وتبدا محاضرة الشايب :boxing:
بكلمة لو
مثال لو اطلقت طلقه
وجت بخويك
هههههههههههه
وبعدين قلت خل اكتب الموضوع
وانام  مواصل
التعديل الأخير تم بواسطة : عبدالمجيد بتاريخ 02-08-2005 الساعة 05:17 PM.
|