|
ممكن مساعدة
السلام عليكم شحالكم انشاءلله بخير اليوم عندي سؤال بخصوص "زيت الزيتون" انا استعملته بعد ما قريت فالمنتدى انه يساعد على توقف تساقط الشعر للقطط وقطوتي "بتسي"شعرها يتساقط هالفترة يمكن حر او يمكن شي ثاني "مب عارف" المهم كملت يومين وانا استعمل الزيت مع الاكل... و اليوم لاحظت ان فيها اسهال"اكرمكم الله" لانها سوتها فالصاله مب من عوايدها مع العلم انا انضف صندوق الرمل يوميا قلت يمكن زعلانه لاني هاليومين انشغلت عنها فالطلعات ومحد عندها فالبيت غير العابها واكلها "يعني انا هاليومين مشغول شوي فما ايلس فالبيت وايد" يمكن لهسبب؟؟؟؟ وقلت يمكن الاكل لأني غيرته كنت استعمل ويسكاس والحين فانسي فيست لكن بالنسبة للدراي فود نفسه ماغيرته "فريسكيس" :o بصراحه الموضوع متداخل عندي مب عارف السبب هل هو الاكل او الزيت او نفسيتها ؟؟؟؟؟ :confused: ممكن حد يساعدني ويقولي شو الحل او يمكن اتكون مريضه او فبطنها شي وانا مب عارف وعندي سؤال ثاني كيف ارفع صورها عالمنتدى لأنه كلم ما احاول ما تظهر :D ولكم جزيل الشكر |
رد: ممكن مساعدة
خيتو .. الزيت الزيتون حطي 3 نقط بسسسس
مو اكثر لو اكثر هذا اللي سبب هالاسهال وحاليا وقفي عنها فانسي فيست وزيت الزيتون عطيها بس الدراي فود مع الزبادي لين ماتشوفين برازها رجع صلب زي ماكان ولين رجع صلب ,, خلي الوجبات اللي فيها دراي فود في اليوم اكثر من الويت فود عشان ماتسهل أقين .... والصووره .. ارفعها من موقع www.pusup.com وانسخ الرابط الرابع بعد التحميل وحطه سييييدا بالموضوع |
رد: ممكن مساعدة
اشكرج اختي سيسي مون عالمساعده "انا كنت اعطيها بس 3-4 نقاط من زيت الزتون مب اكثر " لكن تتوقعين ان هالمرض يمنع انها تستعمل صندوق الرمل وتسويها فأي مكان فالبيت؟؟
و بالنسبة للزبادي مع الدراي فود كم مره اعطيها فاليوم "اخاف اتموت من اليوع انا فالوقت الحالي ماخلي صحنها يفضى من الدراي فود" واسمحيلي لأني كثرت من الاسأله واكرر شكري لج @_@ |
رد: ممكن مساعدة
اي عادي خل الدراي فود عندها على طوول
واعطيها زبادي مرتين باليوم كووويس وبعد اعطيها ماي عن يجيها جفاف شكله ماناسبها الزيت الزيتون او الفانسي فيست انت شوف اي واحد فيهم اعطيتها اياه وجاب لها اسهال . واقطعه عنها و الاسهال مو يمنع انها تستعمله .. بس تصير ماتقدر تمسك نفسها عشان كذا تسويها بأي مكاان وسح نسيت .. اعطيها دوا كابتين البشري اللي للأسهال ربع ملي .. مره باليوم وان شاءالله كلها يومين بالكثير ورايح عنها الاسهال وعادي اخوي لاكثرت اساله وولا شي .. ^,^ |
رد: ممكن مساعدة
مشكوره اختي وانشاءالله بسوي اللي قلتي عليه (:
|
| جميع الأوقات بتوقيت GMT +3. الساعة الآن 05:36 AM. |
Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو