|
قطوتي في حالة مزاجية غريبة ..!
السلام عليكم ..
اخواني وخواتي .. انا صراحة محتار مره ..! قطوتي موني تغيرت مره علي مادري شفيها :confused: أول كانت طيبه ولعوبه وماتمشخ ولا شي .. طبعا هي مواليد شهر 3 ميلادي .. يعني عمرها تقريبا 10 شهور اذكر اخوي مره دخلها في قفص مع حمامه .. وبعدها طلعت فيها حالة نفسية .. كانت خايفةمن الحمامة :wao: يعني تحاول تنحاش وتدور اي مخرج والحمامه تنحاش بعد :mad: << امحق قطوة ههههههههه المهم انها بعد ذا الموقف صايرة تخاف مننا ولما اقرب منها او اي احد تنحاش وتركض بعيد .. وراح على هالسالفة اكثر من 4 شهور وللحين تخاف ..! وش اسوي معاها وكيف ادربها من جديد وكيف اتعامل معها .. اتمنى افادتي يالغالين مع العلم اني اتوقع انها حامل .. وهل ذا الشي يأثر على نفسيتها؟ |
رد: قطوتي في حالة مزاجية غريبة ..!
طبعا يأثر على نفسيتها وممكن ماتنسى لأنو إنتو بصراحه غلطتو بحقها وماعاملتوها بطريقه تحسسها بالأمان
ممكن تقدري ترجعي تحسسيها بالأمان إنك توفريلها جو هادي بالبيت وبعيد عن أي مؤثر يخوفها أو يبعدها عنك حاولي تحني عليها وتاخديها بحضنك وتمسحي عليها وتهديها لازم تخليها تثق فيكي من جديد من الصفر وشيلي عنها دا القفص لأنو هوا مسببلها كئأبه نفسيه وحاولي تلعبي معاها ولو كمان تأكليها بيدك هادي التفاصيل الي جدا صغيره هيا إن شاء الله اللي تخلي قطتك ترجع تثق فيكي وتحبك واذا طلعت حامل لازم تهتمي بغذائها ومكانها وتهتمي بيها , وإن شاء الله الخبراء يجو يشرحولك طرق أكتر , |
رد: قطوتي في حالة مزاجية غريبة ..!
لا مافهمتي علي ..
انا مو معيشها بقفص هي تدور في البيت كله وكل شي تمام .. بس القفص هذا حق الارانب برى البيت اخوي دخل القطوة على حمامة صايدها من الشارع يبي يشوف وش بتسوي يعني حتى مو انا ..! وهذا الكلام له 4 شهور وانا طول الوقت احاول اهديها وامسح عليها بس دايم تهرب مني ولما امسكها واحطها بحضني خلاص تستانس وتجلس ماتروح واذا راحت تدور علي وتتمسح فيني بس بمجرد ما تروح مكان ثاني ابي ارجعها خلاص تصير تهرب << اموت انا ع اللغة (( بمجرد خخخخخخخخ)) |
رد: قطوتي في حالة مزاجية غريبة ..!
طبعاً أكيد رآإح تخآإف من الحمآإمهـ ..!
هي مو بسه من الشآإرع ..! هذي طبيعة البسس المنزليهـ ..! وغلط عليكم تدخلوهآإ ويآإ الحمآإمهـ ..! بكذآإ عذبتوهآإ ..! تلقينهآإ تمآإرس غريزتهآإ الصيد على الحشرآإت ..! أمآإ الحمآإم بتخآإف منهـ .. أمآإ كيف تسترجعين ثقتهآإ ..! لآ تعدينهآإ لهآإ مره ثآإنيهـ ..! وحآإولي تلآطفينهآإ وتلعبي معهآإ ..! وعطيهآإ الأكل بيدك .. علشآإن ترجع ثقتهآإ فيك ..! وبالتوفيق يالغلاآ .. |
رد: قطوتي في حالة مزاجية غريبة ..!
انا ولد ^_^
وثاني شي موب انا الي مدخلها هذا اخوي :( وثالث شي انا كان عندي ببغاء واخليه يتمشى بالبيت وهي فيه ^_^ عادي ماتسوي له شي ولا تخاف منه ولا شي وانا من 4 شهور احاول استلطفها بس احسن شي امس جاتني عند غرفتي فوق وانا نايم وجلست عند الباب ولما صحيت لقيتها تدور على رجولي وتماوي وشلتها ولما نزلت لقيت ماعندها اكل لما اعطيتها اكلها نحاشت مني هههههههههههه مصلحجية |
رد: قطوتي في حالة مزاجية غريبة ..!
فاهمه إنك بدون قصد لكن زي كدا مواقف القطط ذكيه وتحس عشان كدا تحس إنها مهي لاقيه جو الأمان بالبيت وتبعد لأنها خايفه يسير لها أذى وزي
لازم تروفرولها كلكم هادا الجو والهدوء ضروري لأنها لما تخاف من شي أكيد حتبعد وتتحسس بس إن شاء الله مو مشكله كبيره أكيد القطه لما تحس بحب صاحبتها لها تحن وتكون مطيعه وأليفه إنتي كمان حاولي تلعبي معاها بس مو اكتر من ساعه باليوم وحاولي محد يقرب منها غيرك لأنها حتحس إنك إنتي صحبتها وتحبيها فتحس إنك حتحميها من كل شي , |
رد: قطوتي في حالة مزاجية غريبة ..!
ههههههههههههه
انا رجال ماني بنت :( وشكرا على النصايح بس فيه مشكله ثانية .. لما امسح على ظهرها وهي على حظني .. بعد مده تنقلب على ظهرها وتبدا تمشخني وتقرب راسها تبي تعظني ذا لعب ولا وشو ؟ |
رد: قطوتي في حالة مزاجية غريبة ..!
ايه هذا لعب وخلها تعضك راح تلاحظ ان عضتها مو قويه
|
رد: قطوتي في حالة مزاجية غريبة ..!
الله يعيني على لعبها شكلها ماتلعب
|
رد: قطوتي في حالة مزاجية غريبة ..!
ههههههههه ضحكت كثير يوم كتبت امحق قطو :D
الله يذكر اوريو بالخير كان يطلع ويصيد عصافير بالشارع ويضربهم بعدين يطلقهم .. يعني يستهبل عليهم :D وانا ساكن عند امريكيه وتقعد تهاوشني تقول وش ذنب العصفور المسكين هذا ممكن تروح حياته بسبب تهور قطوك :D المهم انا مريت بنفس تجربتك فقدان القط الشعور بالامان كان عندي قطوه صغيره انثى عمرها 3 شهور وعندي قطو ثاني ذكر كبير ويبي يغتصبها :D وكانت خايفه من البيت بشكل غير طبيعي لانها يضربها ويمسكها بالغصب المهم كان الحل اني اخذها معي السرير واخليها تنام جمبي بعض الاحيان كان تعارض امسكها غصب والعبها معها واخليها تنام اول ماتصحى كنت احصلها جمبي ماتحركت والامور زي العسل وحست بالامان مني اتمنى اني اكون افدتك فمان الله |
| جميع الأوقات بتوقيت GMT +3. الساعة الآن 09:32 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو