منتديات تو زوو

منتديات تو زوو (http://www.2zoo.com/vb/index.php)
-   قسم هواة الببغاوات (http://www.2zoo.com/vb/forumdisplay.php?f=31)
-   -   مساعدة يا شباب ضروووري وعاجل (http://www.2zoo.com/vb/showthread.php?t=94731)

سكر 23-03-2009 01:28 AM
مساعدة يا شباب ضروووري وعاجل
 
جلست طول الليل أكتب موضوع طويل وممتع جداً

لكن بعد ما حملت الصور وجيت انزل الروابط ما ظهرت الصور

انا بنزل صورتين الحين وبسأل اذا ظهرت يا ليت تقولولي لأنه يمكن ما تظهر لي بس لكنها تظهر لكم.

أتمنى الرد قبل ما أتجنن لو راح الموضوع على الفاضي

هذي الصور

http://www.pusup.com/up/get-3-2009-nj1oi0qr.JPG

وهذي صورة ثانية

http://www.pusup.com/up/get-3-2009-qweecnqt.JPG

أبو ريـــــــــــــان 23-03-2009 01:55 AM
رد: مساعدة يا شباب ضروووري وعاجل
 
ماطلع شي تأكد من رفع الصور عدل ويفضل ترفعها على مركز باس أب

http://www.yamelody.com/e3lanat/pusup.gif

سكر 23-03-2009 01:59 AM
رد: مساعدة يا شباب ضروووري وعاجل
 
هههههههه ما وهقني غير موقع باس الله لا يبلانا

بس والله موضوع طويييل ورفعت حوالي 30 صورة

وكلها روابطها عندي في ملف , ما أدري يمكن الموقع داون, وما ادري ينفع احاول انزلها بكرة والا لازم أرفع الصور من جديد

انا شايف نفس المشكلة صارت مع لوتيه في موضوعها.

تحياتي

أبو ريـــــــــــــان 23-03-2009 02:05 AM
رد: مساعدة يا شباب ضروووري وعاجل
 
طيب جرب ارفع الصور على سيرفر ثاني جرب مركز فيافي لرفع الصور وهذا الرابط

http://www.viafy.com/index.php

سكر 23-03-2009 02:07 AM
رد: مساعدة يا شباب ضروووري وعاجل
 
الله يجزاك خير يا أبو ريان والله تعبتك معاي وبجد أشكرك على تفاعلك.

وعشان خاطرك برجع أحملها مرة ثانية, وترى ما حمسني الا انت الله يرضى عليك والا كنت محبط هههههه

تحياتي

أبو ريـــــــــــــان 23-03-2009 02:08 AM
رد: مساعدة يا شباب ضروووري وعاجل
 
او سيرفر عرب شير لرفع الملفات والصور وهذا الرابط

http://arabsh.com/

أبو ريـــــــــــــان 23-03-2009 02:10 AM
رد: مساعدة يا شباب ضروووري وعاجل
 
لاتعب ولا شي انا حاضر وبالخدمة ياغالي

ابو دانيال 23-03-2009 02:29 AM
رد: مساعدة يا شباب ضروووري وعاجل
 
الله يعطيك العافية اخوي سكر

موقع www.pusup.com فيه مشكلة، لو حملت صور حجمها كبير، بيعطيك الروابط وصورة التصغير، لكن الصورة الأصلية الكبيرة ما رح تفتح، بيطلع مكانهه صفحة فاضية، وهي السبب انه الصورة ما تظهر في الموضوع، فالأفضل انك تصغر الصورة قبل تحمليهه، او يكون تصويرك من الأساس بحجم صغير، 800*600 مثلا :)

أطيب التحيات.

سكر 23-03-2009 03:37 AM
رد: مساعدة يا شباب ضروووري وعاجل
 
الله يعافيك يا ابو دانيال خلاص حملتها على موقع ثاني

من أول وأنا أفحط هههههههههه

هذا رابط الموضوع

http://www.2zoo.com/vb/showthread.php?t=94740



تحياتي

لوتيه 23-03-2009 05:40 AM
رد: مساعدة يا شباب ضروووري وعاجل
 
مسكين يا سكر صابك لي صابني امس :) صدق انقهرت و طلعت عصبة قلت مسحوا الموضوع من القهر بس الحمد الله مامسحوا كنت انزل لين الصبح تعبت عمري على الفاضي و اليوم رجعت حملتهم من موقع غير صح امس كنت محملتنهم من الموقع لي كتبته و لا نزلت و لا صوره :( بس يوم شفت الردود من محمد و ابو دانيال و سماوي الجبه قلت خلاص برد احمل الصور ...
بصراحه حاسه فيك قهر :( بس يالله كل تأخيره فيها خيره :)
و نرقب الصور منك نزلهم باجر اكيد انك انهريت اليوم :)

سكر 23-03-2009 05:54 AM
رد: مساعدة يا شباب ضروووري وعاجل
 
اي والله شفت اللي صار لك وقلت يا سكر مو بس انت هههههه

بس انتي يا لوتيه بالذات كل مقالب الدنيا أكلتيها :D

كل يوم أقرا مواضيعك لأني أتوقع ألاقي فيها موقف يضحك ههههههه :D

مرة كتبتي موضوع عام 2008 عن طيرك المريض, وما ردو عليك الا قبل شهر

والله اني جلست أرفس من الضحك ههههههههه :D



لا خلاص أبشرك نزلتها من موقع ثاني في نفس الوقت <<< عنيد وراسه يابس.
شوفي الرابط

http://www.2zoo.com/vb/showthread.php?t=94740

وعاشقة ثبتته بعد :D


الله يجزاها خير

يا ليت لو تحذف هذا الموضوع بعد يكون أفضل

لوتيه 23-03-2009 06:12 AM
رد: مساعدة يا شباب ضروووري وعاجل
 
هههههههههههههههههههههههههههههههههه يعني مضحكه انا عندك :P
يالله الحين بشوف موضوعك يالعنيد...
ماشاء الله بعد تذكر الموضوع لي من سنه و الله اذكر اني يوم شفت محد رد عليه قمت مادش هالموقع :) بس يوم خذت طيور رجعت له :) زعلت و رضيت و محد درابي ههههههههههههههههههههههههه

سكر 23-03-2009 06:44 AM
رد: مساعدة يا شباب ضروووري وعاجل
 
ههههههههههه الحمد لله انك ما قريتي ردي على موضوعك هذاك

كنت شايل هم قلت الحين بتزعل لأني اضحك وببغائها مات

وموضوع الفيديو المركب موتني ضحك هههههههه

لوتيه 23-03-2009 06:51 AM
رد: مساعدة يا شباب ضروووري وعاجل
 
والله هذاك الموضوع ماحب اروح اشوفها قلت امسحو خلاص ماتت عيل يزيدون المواجع عقب ماخذت غيرها و سميت عليها تيمنن لتوتو لي ماتت :) يردون يذكروني فيها و زين اني ماقريت الرد و لا بقراه ماحب هذاك الموضوع الله يبعد الموت عن طيوركم و يخليهم لكم ...
و على طاري الفيديو المركب انا :( ماعرف هالسؤالف شدراني انهم يركبون الفيديو حتى الكوكاتو ماسلم منهم لا وانا اشوفه و اتحسر اقول مالت على لي عندي و لا وحده تسوي نفس هالاذكياء هههههههه واثاريني مقصه :)

كاجو 23-03-2009 10:13 PM
رد: مساعدة يا شباب ضروووري وعاجل
 
سكر مبروك على الموضوع وتستاهل التثبيت.........

على فكرة أنا ماخذ مقلب مثلك ولارجعت كتبت الموضوع من القهر.. صراحة مواقع التحميل موذاك الزود احياناً..

لوتية ضحكتني وأنا والله تعبان بس من جد انتي تحفة ونور المنتدى ..

رمــادي 23-03-2009 10:26 PM
رد: مساعدة يا شباب ضروووري وعاجل
 
سكررررر


عندك العملاق < صدقيينيي اذ1 ماطلعت صوره صفقيييينييي

www.0zz0.com


جميع الأوقات بتوقيت GMT +3. الساعة الآن 12:04 PM.

Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو