|
استفسار
السلام عليكم شلونكم ان شاء الله طيبين انا حابة استفسر عن جم شي اول شي : عن العملية اللي يسوونها لعدم الانجاب للقطط عشان ابي اسوي لقطوتي بس خايفة .. في احد سواها لقطوته ؟ وهل جفتوا اعراض بعد العملية تدل على ان القطة تتألم؟ و بعد استفسار اخير ، انا عندي قطوة نثية اللي بسوي لها العملية و 4 ذكور هما عيالها بس كبروا الحين و الذكور حاطتهم بروحهم بغرفة وما اروح لهم الا مرتين باليوم .. يا ترى القطط تحس بملل ولا عادي يلعبون مع بعض ؟ وهالفترة لاحظت ان وايد يماوون سألت قالوا لي يبون يتزواجون فسؤالي لكم يقول اذا ما يبت لهم نثية يأثر على حالتهم النفسية والصحية ولا عادي؟ ودمتم انتم وقططكم سالمين |
رد: استفسار
ليه تمنعي القطه من الانجاب
اذا شايفه ان القطه مزعجه في الحته ي من الافضل بيعها لناس تحب القطط وتحب ان القطط تعيش حياتها الطبيعه لا علشان نحرمها من حقها الطبيعي شكرا |
رد: استفسار
اختي العملية ماعرف احد سبق وسواها لانثى
لكن اعرف ناس سوتها لذكور اما عن اذكر الي عندك طبعا لو ما زاوجتيهم راح يتضايقون نفسيا وممكن يتركون الاكل وتنحف اجسامهم وبكذا يسبب امراض لهم بسبب سوء التغذية |
رد: استفسار
بالنسبه للذكور احسن شي زوحهم لان بعدين يمكن يوصخون لك الغرفه ويأذونك وترى عادي حتى انا حاطه قطوتي في غرفه وبين فتره وفتره اطل عليها لكن حاطه لها العاب وكل شي .. فعادي خصوصا انك حاط 4 مع بعض اما العمليه فما عندي فكره عن مضارها .. او نتايجها بس اللي اعرفه ان دايما الذكور يسوونها |
رد: استفسار
مشكورين على الردود بس انا قطوتي احبها وايد ولا يمكن اني استغنى عنها لكن المشكلة انها تأذينا وقت اللي تبي تتزاوج و انا مابيها تحمل لان القطة اذا في السنة حملت مرتين اكيد الشي يجهدها وقوة جسمها يضعف فانا حفاظا على سلامتها مابيها تحمل بعد مو هي مسألة ان تعيش حياتها الطبيعية
اتمنى اللي جربوها ما يبخلوا علي بردودهم الحين انا صرت اخاف مضاعف على الردود اللي سمعتها منكم يعني العملية مو سهلة مثل ما الدكتور قال لي !!!! |
رد: استفسار
والله انا عن نفسي
ماحب اسويلها العمليه من رايي اخليها طبيعيه افضل ومافي شي اسمه اجهاد ولاضعف لأنه هذي الأشياء تعتمد على طريقة اهتمامك بيها وبعدين مافي احلى منه انه تشوفيها جالسه وحولينها صغارها انا الي كانت عندي ماسويتلها عمليه وولدت 3 مرات وكانت صحتها ممتازه الين كبرت بالسن عاشت معاي 8 سنوات ولا احلى |
رد: استفسار
حرااااااااااااااااااااااااااااام تحرمى القطة من حقها لتكون ام وتكمل حياتها الطبيعة مما سوف يؤدى الى اختلال فى سلوك القطة (الله سبحانة وتعالى خلقها لتكون ام تنجب وتلد و ترضع و انتى لا تريدى .) اتقى الله فى القطة واتركيها دون اى تدخل منك لانها كائن حى يشعر و يحس مثل البنى ادم بالظبط فتخيلى (امراءة حدث لها نفس الشىء) وكل عام وانت بخير بمناسبة العام الهجرى الجديد
|
رد: استفسار
تقولون العملية حرام انزين ما تقولون لي اذا خليتها تحمل بعدين عيالها وين اوديهم !! هي حملت قبل و الحين اربي عيالها كلهم بعد اخليها تحمل !! واذا على الحلال والحرام يعني انكم تفصلون الام عن عيالها بعد ما تتعب عليهم مو حرام ؟؟
|
رد: استفسار
اخوي دختيرو... ما اعتقد لان العمليه فيها مشكله اذا انت حاب تسويها لها.. لان حسب علمي وايد يسونها وانا اعرف ناس سووها حق قطوتهم .. والطبيبة البيطريه بالدهماء قالتلي اسويها حق بيكي
بس لان عندي قناعه مثل باجي الاخوان.. انا مابي احرمها من حقها .. بس اذا انت شايف ان احسنلك واحسن تقدر تسويها لها او تعطيها ابره هرمون عشان تفتك من حنتها بس حسب علمي انه القطه في البدايه تضعف وبعدين ترد طبيعيه :) |
رد: استفسار
لااااااااااااااااااااااا
اذا انثى لاتسوييها لها انا شاايفه صوور حق العمليه وربي تقطع القلب انا عيووني دمعت يوم شفتها :( احسن شي عطيها ابرررره هرموون تووقف الدووره عندهاا اما االذكووور العمليه حقتهم اسهل من عمليه الانثى من نظرري وانتي قوولي كم عمر الذكااارى اللي عندك ؟ اذا فوق السبعه يعني يبوون يتزااوجوون |
رد: استفسار
حبيبتي لاحظت ان كل الردود غير موافقة بس اسمحولي انا عملت لقطتي ولقطي كمان العملية ما في اعراض سلبية على العكس تماما العملية تطول بعمر وتزيد من صحة القطط وهاي الشيء مجرب وكل البيطريين اللي روحت عندهم او حتى قرأت مقالاتهم ينصحون بالعملية القطة ما تتغير ابدا من ناحية الطباع بس في فترة التزاوج ما يعملون اشي بتاتا يعني بيظلو على طول طبيعتهن .. في الدولة عندنا قانون باجراء العملية لكل قطط الشوارع وكذلك كل القطط الموجودة في الجمعيات معمول الهن العملية حتى الذكور ..عنا العملية منتشرة جدا ولو كانت ضارة كان ما نصحونا فيها الخبراء ولا صارت قانون..الهدف من العملية هو الاعتناء بحيوان واحد دون ان ينجب الكثير من الحيوانات التي يكون مصيرها التعذيب والشوارع.. كل الجمعيات الانسانية تنصح بالعملية..انا طبعا ما بشجع حدا بس حبيت اطمنك..وحبيت ازيد وعي الاعضاء لانه الاغلب بفكر انو هاي شيء وحشي..طبعا عملية الانثى اغلى من الذكر ..عنا عملية الانثى تكلف حوالي 100 دولار اما الذكر 80 دولار والاسعار تختلف من منطقة لاخرى:)
|
رد: استفسار
يريت الاعضاء ما يتكلمون عن الحلال أو الحرام و هم مو عارفين الحكم ..
اختي Do5teroo العمليه عادي و بالعكس راح تفيد القطة اكثر غير هذا عمليات التعقيم تحمي القطط من عدة أمراض و منها بعض أنواع السرطانات و راح تختفي الاكتئابات اللي تصيبها بفترة التزاوج .. و عمليه واحدو للتعقيم أفضل مليون مره من تكاثر القطط و بعدين ما نقدر نهتم فيهم كلهم اذا نحبهم ولا نبي نبيعهم و يستمر التكاثر الى ان تصبع مشكله صعبه .. ملاجئ القطط يومياً تسوي هذه العمليات للقطط لأنهم عارفين فوائدها للقطط و الأحانب كل قططهم معقمة :) يمكن تكون العمليه للانثى اصعب من العمليه الخاصه بالذكر بسبب ان البنج راح يكون كامل .. و اذا قررتي تسوين لها العمليه تأكدي من ان الدكتور عنده خبرة .. أما عملية الذكور فهي سهله تودين القط الصبح و تاخذينه بنفس اليوم و راح يتغير سلوكه للأفضل بسرعه :) |
رد: استفسار
كل واحد ومزاجه
انا عن نفسي مارح اسويها افضلها زي ماهيا |
رد: استفسار
واخيرا !! طمنتوني تسلمووون حبايبي
يعني اسوي لها العملية واتوكل على الله ؟؟ انزين بس للي سوت العملية لقطوتها ما حسيتي انها تتألم بعد العملية ؟؟ ولا طبيعي ؟ وهي الحين زينة ؟ انا سألت الدكتور قال لي العملية بسيطة بس هو البنج اللي شوي ينخاف منه اذا قعدت منه خلاص يعني تجاوزت مرحلة الخطر لان في البعض ما يصحون !! فمادري تنصحيني ؟؟ لان الصراحة مابيها تحمل وبعدين عيالها مالي مكان لهم والمشكلة ما اقدر ابيعهم لان بتعلق بهم للي سألت عن الذكور اي هما الحين تقريبا بكملون السنة يعني يبون يتزاوجون بس ما يبت لهم نثية |
رد: استفسار
صحيح المشكلة هي المخدر بس تصحه من المخدر اعرفي انو كلشي تم بنجاح..طبعا العملية زي اي عملية تانية بلزمها فترة نقاهة عندك بالبيت ..يعني اكل شرب في مكان قريب جدا من البيت واذا ممكن تحطي حمام الرمل بنفس الغرفة بس مش كتير قريب للاكل لا تحميها تقريبا شهرين مسحي شعرها بماء دافىء واهم اشي انو هسا فترة شتاء يعني حافظي عليها بالغرفة عندك ممنوع تطلع لمدة اسبوعين من الغرفة ولمدة شهر من البيت بعدها ان شاء الله يتصير بخير تلعب وتنط وعادية جدا:) يعني بالكثير شهر وترجع طبيعية طبعا لكل قطة حالتها والبيطري ان شاء الله بتقعدي معو قبل العملية وبتسأليه عن كل موضوع بدك اياة وهو رح يشرحلك العناية فيها بعد العملية..بس اطمني على العموم كلشي بمرق بسرعة وبسهولة ان شاء الله:)
|
رد: استفسار
تسلمين يا قلبي ما قصرتي
|
رد: استفسار
اخت انا سامع انهم يستئصلون رحمها عملية خطرة ما انصح فيها انا اعتقد ايضآ ان في مانع حمل للقطط اسئلي البيطري
|
| جميع الأوقات بتوقيت GMT +3. الساعة الآن 02:33 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو