|
أنا احبج ممكن ايميلج ؟!
السلام عليكم ورحمة الله وبركاته مثل ماشفتوا عنوان الموضوع.. هل هذا منتدى بهدف الإفادة والإستفادة من خبرات الغير ف تربية الحيوانات أم هو موقع للتعارف والغزل ؟!! لكن ( بعض ) الأعضاء يشوهون سمعة المنتدى .. بأهدافهم السخيفة واسمحولي ع الكلمة هذي .. لأن الرسايل اللي توصلني زادت عن حدها :) واتمنى منكم يا أعضاء توزو إنكن ماتشوهوا سمعة المنتدى واللي يبغي يتعرف مواقع الدردشة مامقصرة بشي والسموووحة :) |
رد: أنا احبج ممكن ايميلج ؟!
أختي افا عليج من الي يتحرش فيج اشتكي علية عند الادارة
|
رد: أنا احبج ممكن ايميلج ؟!
لازم تخبرين الإداره بأسمائهم ..
والله يعينك ويسهل امرك . |
رد: أنا احبج ممكن ايميلج ؟!
يبغالهم جذاااا بس انا ما ابغي اسوي مشاكل فقلت بنزل هالموضوع عسب يقرووون ويعرفوون انه هذا تهديد وإلا الإدارة بتتصرف معاهم :) |
رد: أنا احبج ممكن ايميلج ؟!
لا حول و لا قوة إلا بالله ..
كتبت ردًا فيما مضى عن استراحة الهواة ، و ما غلب عليها من طيش المراهقين و سفاهة الأطفال .. و يبدو أن لا حياة لمن تنادي .. إلى القائمين على هذا الصرح .. هل هذا مكان تسلية و ترفيه للأطفال !! أم هو ملتقى الهواة و المربين !! فيه يتبادلون الأراء و الخبرات بكل تقدير و أدب متبادل .. مع احترامي للمشرفين على هذا القسم لكن كلمة الحق يجب أن تقال على الملأ خصوصًا إذا لم تجد من يسمعها باستعمال الطرق السرية و المراسلات .. كفاكم مهازل ، و والله إنكم محاسبون ، هل الإدارة لا تعلم شيئًا عما يدور هنا أم لا ؟!! فإن كانت تعلم فتلك مصيبة ، و إن كانت لا تعلم فالمصيبة أعظم .. |
رد: أنا احبج ممكن ايميلج ؟!
اختي انتي لازم تشتكي عليهم
اي واحد يدايقك اشتكي عنه بسهوله |
رد: أنا احبج ممكن ايميلج ؟!
أختي أنا صارلي نفس المشكله الرسايل الخاصه متروسه يبون يتعرفون ويقولون ضيفيني بالمسنجر وبعضهم يدخل علي باسم ولد ويقولي انا بنت بس مسجل باسم ولد بالمنتدى !!!!!!!! شهالتفاهه
المهم سكرت الرسايل الخاصه تقريبا شهر وعقب فتحت الرسايل علشان اراسلج على موضوع حماية الجهاز بس الحمد لله محد طرشلي شي يوم فتحت الرسايل واذا بيتكرر هالشي احسن حل هو انج تسكرين الرسايل الخاصه |
رد: أنا احبج ممكن ايميلج ؟!
الله يعطيج العافية عالموضوع
و انشالله الي ادزون هالشغلات اتأدبون شكرررررررررررا |
رد: أنا احبج ممكن ايميلج ؟!
http://islamroses.com/zeenah_images/besm4.gif لا حول ولا قوة الا بالله معقولة هذي الحركات اللين الحين موجوده :eek: فعلاً (( لا حياة لمن تنادي )) أختي (( بنت الامارات )) شي طيب اللي سويتيه بأنك كتبتي موضوع عن هذا الشي التافه ولكن أسمعي خذيها مني أقفلي الرسائل الخاصه تبعك زي ما قالت أختك (( كويتيه )) واذا ما تبين خلاص كنسليهم لانك أشرف من انك اتردين على اشكال زي كذا ولا تعطينهم وجه لكن سجلي اساميهم مررره ثانيه أمام الملاء جميعا لكي يكونوا عبرة لمن يعتبر ,,, واللي يفعل هذي الاشياء أعتبره انسان واطي حقير ما همه الا شهوته مثل الحيوانات (( أكرم الله القراء )) آسف على هذا اللفظ لكن من المعروف ان الحيوانات ما همها الا شهوته صح ولا لا ؟؟ وابيه يفكر للحظه هل يرضى هذا الشي لأخته ؟؟؟ و أخيراً وليس أخراً اللهم اهدي شبااب المسلمين وشابات المسلمين لما تحبه وترضاه ,,, وتقبلي تحياتي واحتراماتي أخوك في الله (( فتى الاسلام )) ,,, |
رد: أنا احبج ممكن ايميلج ؟!
أختي / بنت الامارات وعليكم السلام ورحمة الله وبركاته ،،، لطالما تمنينا أن لا تحدث مثل هذه الظاهرة السيئة في منتدى يهدف لطرح الأمور الهادفة التي تسعى لتمنية المواهب واكتساب الخبرة ... لا أزيد على كلام أخي العزيز / محمد رياض والأخ / فتى الاسلام شيء سوى أن أعطي لك مثل مشهور " الباب اللي يجيك منه الريح سده واستريح " ولكن عسى الله أن يهدي هؤلاء الشباب ويتوب عنهم ... تقبلي مروري |
رد: أنا احبج ممكن ايميلج ؟!
الآن لماذا حملتوا المُنتدى أخطاء فرديـــة !! ثم الرسائل التيّ تحدث بيـن الاعضاء لاتظهر للأدارة لأنها رسائل خاصـــة اذا تعرضت الى إساءة أو تحرش باب الشكاوي مفتوح على مصرعيـــه !! ثمـة هذه الأمور تحدث في غالبيـــة المُنتديات ولايُنقص ولا يزود من المنتدى بسوء أو خيـر للأخت بنت الإمارات أيّ كان هدفك من الموضوع لديــك الأدراة كفيـــلة بأخذ حقــك كاملاً غير منقُوصاً !! .. |
رد: أنا احبج ممكن ايميلج ؟!
يا بختك هذا حبك قبل لا يعرفك لووووول
بس تأكدي انه من جرذان المنتديات الي يكثر نشاطهم في فترة الصيف ولازم تسوين وقاية منهم اولاً بدال السم لازم تسوين حظر على الرسأل مع انها مهمه واذا كنتي ما تبين تقفلين الرسأل لك الخطوة الثانية وهي انك تشوفين المسؤلين عن المنتدى وهم يتخذون الإجراءت المناسبة . بس نصيحة لك طنشيهم وترتاحين .. وممكن تاخذين بعد فكرة عن الكويسين والي مش ولا بد :) عموماً احي فيك شجاعتك بطرح موضوع حساس زي هذا |
رد: أنا احبج ممكن ايميلج ؟!
انا مع كلام اخوي ناصر :) والادارة مالها علاقة بهالشي... ليش كل شي يصير تعقونه فالادارة :confused:... وبعدين مثل هالامور تحدث في أي منتدى ... انا مثلا ً كنت مشتركة فمنتدى خاص للنساء فقط.. ومع ذلك كنت اواجه رسائل مضايقه من شباب .:confused: وافضل حل هو وضع العضو في قائمة التجااهل.... او إلغاء خاصية الرسائل الخاصة لانه في الاغلب الاداره لاتتدخل بالي يصير في الخاص :) |
رد: أنا احبج ممكن ايميلج ؟!
اشكر الجميع على التعقيب وبرد ع الأخ ناصر والأخت تفاحة حمرا مثل ما قلت ف ردي كان هدفي اني انبه هالأشكال من هالحركات ولازم يعرفون ان حركاتهم هب مقبووولة ف المنتدى عسب جذاا طرحت الموضوع ( عسب الكل يشووفه) || وانا مايبت سيرة الإدارة :) || والله يهدي الجميع يارب :) |
رد: أنا احبج ممكن ايميلج ؟!
الباب الي يجيك منه الريح سده وستريييييح
|
| جميع الأوقات بتوقيت GMT +3. الساعة الآن 01:01 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو