|
سؤال لأهل البحرين؟؟
السلام عليكم ورحمة الله وبركاته انا عندي استفسار ظروري جداا لاني نويت اشتري قط من البحرين بس مااعرف الاجراءات...؟ هل لازم يكون مطعم وعنده شهاده واخذ اذن من وزارة الزراعه والثروة الحيوانية بالسعودية وهل الجمارك السعودية على الجسر ممكن تمنع دخوله؟:eek: واذا في احد منكم جرب يمر من الجسر بأي حيوان معاه؟ علما اني من السعودية_الدمام وياليت تدلوني على افظل صيدلية او عيادة بيطرية بالبحرين والله يجزاكم خير |
رد: سؤال لأهل البحرين؟؟
هلااا اخوي ... بالنسبة للتطعيم والشهادة اممم انا قطوتي لما اخذتها ماكانت مطعمة وبدون شهادة بس انا سويت كل هالاجراءات بروحي .. يعني اهم شي تضمن ان القطوة سليمة ... بس مثل ماقلت انك راح تاخذها معاك فأتوقع انك بتحتاج الشهادة معاك عشان تمر فيها.. بالنسبة للجمارك على الجسر ماقدر افيدك لاني جربت المطار ولوعوا جبدي على ماعطوني القطوة ولازم تصريح ومادري شنو .. جرب تهررب القطوة . لوول امزح ترى :p .. اما بالنسبة للصيدلية .. في صيدلية على شارع البديع ( اذا كنت تعرف البحرين عدل ) بجنب اسواق ميدوي اسمها على ماظن (صيدلية الزهراء) وان شاء اللهراح تلقى اللي تبيه عندهم ... اسفة على الاطالة واتمنى اكون افدتك اخوي .. |
رد: سؤال لأهل البحرين؟؟
اقتباس:
اقصد كيف اهربها:eek: لوووووووووووووووووووووووووووووول |
رد: سؤال لأهل البحرين؟؟
نسيت اسألك عن اسعار القطاوه عندكم لان الي ابي اخذها شيرازي بيكي فيس؟؟؟ واتمنى الاعظاء يردون على أسألتي: هل الجمارك السعودية على الجسر ممكن تمنع دخوله؟ واذا في احد منكم جرب يمر من الجسر بأي حيوان معاه؟:) |
رد: سؤال لأهل البحرين؟؟
لووووووول ... انا بصراحة فكرت فيها من قبل عشان في الجمارك مايفتشون عدل ولا يمكن عبالهم قطو شوارع .. بس ما اتجرأ اجربها لاني اتوقع لازم اجراءات مرور ويمكن اكون غلطانة .. بالنسبة للاسعار في رخيص وفي غالي .. امم من اسبوع تقريبا لقيت واحد يبيع قطاوة تربية بيوت وياخذ في القطو الصغير تقريبا من 70 الى 80 دينار بحريني و طبعا تختلف الاسعار على حسب النوع ... انا اللي شفتهم كانوا شيرازي .. وراح اسأل لك ان شاء الله وارد لك خبرر .. تحياتي .. |
رد: سؤال لأهل البحرين؟؟
تسلمي ياتايني والله يعطيك العافية انتظر ردود حبايبنا اهل ابحرين وينكم...؟!:( |
رد: سؤال لأهل البحرين؟؟
أخوي دخل همستر من الكويت جايبة بالقفص على الجسر وما قالو له شي بالمرة
وبدون شهادة طبية ولا جواز ولا أي إجراءات ثانية بس عن القطاوة مدري بصراحة وعن طريقة التهريب جربي تعطي القطوة منوووووم وخليها تنام على السماعات بالخلف فبيحسبونها لعبه وما بيدققون فيها عدل ........ لووووول تراني امزح لا تجربين تنومين القطه بعدين تفطس وتصير بذمتي |
رد: سؤال لأهل البحرين؟؟
اقتباس:
اخاف اعطيها منوم ماعاد تقوم لوووووووووووووووووووووووووووووووووول ومشكوره اختي على ردك وان شاء الله يدخلون القطوه بدون نحاسه:eek: لاني ماني فاظي اروح اطلع اوراق ومدري ايش... وعلى فكره انا اسمي : أسير الدمعة يعني ولدمو بنت:D |
رد: سؤال لأهل البحرين؟؟
اقتباس:
أنا يوم قلت اخوي كنت اقصد اخوي انا ( ماي براذر ) دخل الهمستر عن طريق الجسر وما كنت اقصد اخوي يعني انتي خخخخخخخخخخخخخخخخخخخخخ معليش تحصل باحسن العائلات يالله عليج بالعافية القطوه بس بصراحة انا اشوف ان القطط المعروضه للبيع بالمنتدي اهني اغلبهم من السعوديه فليش عوار الراس واشتري من السعودية وبلا هاللخبطه |
رد: سؤال لأهل البحرين؟؟
يا الله يارب تعين وتنتهي مشكلتي على خير
انا نفس المشكلة طلبت كلب من برا وما ادري اقدر استلمة من المطار على طول ولا لازم اذن من وزارة الزراعة مع العلم ان الكلب اللي بيوصل ان شاء الله معه شهادات تطعيم وجواز سفر فما ادري كيف الطريقة ياريت اللي جربو يفيدونا بليييييييييييييز :( |
رد: سؤال لأهل البحرين؟؟
من بعد اذن اخوي صاحب المووضوع بس حبيت ارد على جولي .. اختي انا جربت نزلت قطوة وياي من بره الى البحرين وفي المطار كانت اوراقها كامله معاي بس طلبوا مني اذن استيراد .. الاذن تاخذينه من المحجر الصحي تبع هالشغلات الحيوانات وهالسوالف ... اول شي خل يدزون لج نسخ من شهادة الكلب و التطعيم تبعه قبل ماينزلونه وتروحين بعدها للمحجر اهم هناك يسوون اذن الدخول وبس يوصل المطار تودين الاذن معاج .. انا وقفوني على حساب هالاذن ولا رضوا يعطوني القطوة بس طبعا انا تنحت وماطلعت الا بقطوتي :D ( طبعا بالواسطة :rolleyes: ) .. اتمنى اكون افدتج وان شاء الله ماتتعطلين و تكون اجراءاتكم مثلنا .. السموحة على الاطالة .. |
رد: سؤال لأهل البحرين؟؟
مشكورة تايني وماقصرتي جزاك الله الف خير
وهذا الي انا متخوفة منه لاني صعبة بطلب الارسال الشهادات ماعندي فاكس يعني على كذا اروح للمطار اخذ الاوراق حقت الكلب ثم اروح للوزارة والله يعيني على ابوي :( مشوااااااااااااااااااااااااار |
رد: سؤال لأهل البحرين؟؟
اختي عادي يدزونهم على اي مكان عندهم فاكس او مكتبة ( قرطاسية ) ... اللي اعرف في مطار البحرين رفيجتي مرة نزلت قطوتها وخلوها يوم كامل بس عشان هالورقة ولما راحت لها يوم ثاني طلعت الفقيرة مقعدة بدون اكل ولا مهتمين فيها بعد .. انتي حاول تسوي هالاشيا قبل مايوصل عشان مايحتجون عليج بشي .. الله يسهل عليج ويعينج ان شاء الله .. |
رد: سؤال لأهل البحرين؟؟
اقتباس:
اسعارفه اذا تبيهم ويا شهاداتهم و جوازاتهم ومطعمين يعني تبي الفكيه !! تحصلهم على 150 دينار وانا ااعرف وحده تبيع تربية بيت :D اذا على الجسر يسون لك ساالفه تحمل تطوفها على الجسر!!:D وحتى لو بيطوفون الحيوان يغربلونك سين و جيم!!:D وتحياتي العنيفه لك وسلملمــــــــــــ،،،:D |
رد: سؤال لأهل البحرين؟؟
اي والله انا يوم قرين طريقتك تخوفت
طيب اذا وصل الكلب المطار نفسهم مايقدرون يرسلون لي الاوراق الخاصة ولا لازم اطلبها من الي اشتريت منه ؟؟ معليش كثرت عليك اسأله والله يعطيك الف عافية |
رد: سؤال لأهل البحرين؟؟
لا حبيبتي اخذي راحتج :) اتوقع عادي تقدرين تاخذينهم من المطار وتسوين باقي الاجراءات او اهم يسوونها لج بس في هالوقت الجلب بيبقى عندهم .. بس المشكلة هل انهم بيهتمون فيه ولا لا لين تكمل الاجراءات .. اختي اذا كان عندج احد تعرفينه في الجمارك تبع المطار راح يساعدج وايد في انج تمررين الجلب بدون عوار راس بس بعدها تودينه الحجر وتطعمينه بنفسج وخلاص تخلينه عندج ... عادي اختي اي شي تبين تسألين عنه لا يردج الا لسانج .. |
رد: سؤال لأهل البحرين؟؟
مشكوووووووورة وجزاك الله الف خير وهذا من اصلك الطيب
وانا سلمت امري لله واذا وصل يحلها الف حلال |
رد: سؤال لأهل البحرين؟؟
مرحباا أنا قريبي دخلها من غير ماينتبهو لها إذا السيارة فيها عوايل راح يكون أسهل وممكن أعرف فين محلات البيع في البحرين أنا مابي قطاوة أبي مستلزمات فـ اللي يعرف المحلات اللي ممكن أشتري منها يدلني عليها وشكرن |
رد: سؤال لأهل البحرين؟؟
اقتباس:
خذ راحتك اخوي ومشكور على ردك وانا بعد كلمت على وزارة الزراعة والثروة الحيوانية قالوا جيب الشهاده تبع القطوه واحنا نعطيك تصريح دخول القطوه بس باقي مارحت لهم ان شاء الله بكره اروح اشوف:) |
رد: سؤال لأهل البحرين؟؟
اقتباس:
هلا اختي المسئلة سهله ان شاء الله روحي عند اي مكتبه او كابينة مكالمات وخذي رقم الفاكس وخلي يرسلوا عليه الشهاده وبعدها روحي للوزاره وخذي اذن الدخول و خذيه معاك اذا رحتي تستلمينه من المطار والله يكون بعونك:) |
رد: سؤال لأهل البحرين؟؟
اقتباس:
الله يسلمك وشكور افدتني كثير والله يعطيك العافية:) |
رد: سؤال لأهل البحرين؟؟
اقتباس:
المشكله السياره مافيها عوايل خخخخ:D بس والله صعبه المغامره بعدين يصادرونها :eek:ويقولون ممنوع الدخول مره ثانية:eek: واتمنى من الاخوان يدلونك على محلات بيع المترلزمات:) |
رد: سؤال لأهل البحرين؟؟
والله يا اسير مالي خلق انتظر انا صبرت واجد شهر وانا ادور على كلب خلاص تعبت
عموما ابشركم ابوي وافق اني اضرب مشوار للمطار مرتين بس ادعو لي ان الله يسهلها لي ويوصل كلبي بالسلامة والله يوفق الجميع |
رد: سؤال لأهل البحرين؟؟
جولي انا بنت خالتي يابت معاها كلبها من الاردن وكان عنده شهادات التطعيم وجوازه وشهاده ميلاده وكل شي وبعد خلوه بالمحجر 10 أيام كامله مسكينة كل يوم تروح له المحجر تقول عشان يتطمن وما يخاف وما يحس بالوحده
والله مدري شلون اجراءاتهم بس لو تتصلين على استعلامات المطار وتتاكدين اكثر من المطلوب يكون احسن واسرع لج وللكلب عشان ما يتغربل |
رد: سؤال لأهل البحرين؟؟
صدئوني شغلة المطار شغلة ولا اصعب .......
يعني بيئرفو الواحد ليمشو ... بس الله يسهلها معاكن ... |
رد: سؤال لأهل البحرين؟؟
اقتباس:
وش يبون بعد !! |
رد: سؤال لأهل البحرين؟؟
اقتباس:
انتي شهر؟:D انا من 4 اشهر:eek: بس لاتتورطي معاهم لازم يرسلون الشهاده عشان تتأكدي انهم جادين في البيع وان الكلب سليم والله يوصله بالسلامه |
رد: سؤال لأهل البحرين؟؟
اقتباس:
والله مدري لاني ما عرف الاجراءات وهو مو كلبي اهو كلب بنت خالتي (( اذا ابي قطع ارقبتي اجيب كلب )) بس مسكينة كانت كل يوم تروح من قلالي لبديع عشان تشوفه لان الحجر الصحي كان ببديع ويوم سئلتها ليش كل هالوقت قالت عشان يتاكدون ان ما فيه امراض ؟؟؟؟ مع انه مطعم وعندها كل الشهادات |
رد: سؤال لأهل البحرين؟؟
يا الله يا اسير لا تخوفني اكثر انا خلاص سويت كل شي يعني الحين اذا فات الفوت ماينفع الصوت
---------------------------- اذا التشدد والتعقيد عندكم بالبحرين اجل وش نقول احنا باللي عندنا الظاهر بيجلس شهر مو 10 ايام الله يعين الجميع ان شاء الله وتتسهل امورنا |
رد: سؤال لأهل البحرين؟؟
اقتباس:
|
رد: سؤال لأهل البحرين؟؟
بشرِوِنآ ,, وش صآر عليكم :D ؟ < غبآرِ .. لكن جد والله .. متآبع حالتكُمِ .. :D |
رد: سؤال لأهل البحرين؟؟
الي صار ياطويل العمر : رحت اخذت الشهاده من صاحب القطو ورجعت اخذت اذن من وزارة الزراعه وتواقيع وختوم وزحمه:D وفي النهايه يوم دخلت من الحدود شافه موظوف الجمارك ولا قال شيء حتى ماطلب الأوراق:) |
رد: سؤال لأهل البحرين؟؟
هههههههههههههههههههه
ههههههههه الله ياهو مشوار وتعب بدون فايده تصدق انا توقعت هالشي .. حسيتهم ماراح يقولون شي يلا اهم شي لقيت الي تبيه, .. وتتربى بعزك : ) |
رد: سؤال لأهل البحرين؟؟
مشكور على اهتمامك ومتابعتك لموظوعي وابشرك الحمدلله تم على احسن مايرام:) |
| جميع الأوقات بتوقيت GMT +3. الساعة الآن 04:57 AM. |
Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو