ابغي اشتري ثعبان باثيون حجمه متر ونص - فشو تنصحوني .؟؟
 

راح تشوفون صورته بعد ماشتريه :D

رد: ابغي اشتري ثعبان باثيون حجمه متر ونص - فشو تنصحوني .؟؟
 

الاساله الي طرحتها كلها موجود اجوبتها بس لو تاخذ من وقتك ربع ساعه راح تعرف كل المعلومات الازمه

ملاحظه:لازم تعرف نوع الاصله الي عندك

رد: ابغي اشتري ثعبان باثيون حجمه متر ونص - فشو تنصحوني .؟؟
 

كيف اعرف ... ؟

إلي اعرفه من هالنوع شي باللون الأصفر والبني وانا راح اشتري البني ... بس شو السالفه ماعرف

لو عندك فكره فيدني للأني راح اشتريه ومابي اندم عقب


على فكره انا يالس اكثر من ساعتين ادور وقلب بهالمواضيع ادور شي يخص الباثيون ماحصلت إلى معلومات قليله وماتسد




شكرا على مشاركتك

رد: ابغي اشتري ثعبان باثيون حجمه متر ونص - فشو تنصحوني .؟؟
 

على فكره وصلني خبر انه يوجد اطول من هذا الثعبان واحتمال آخذ إلي حجمه 2متر



للأني من معجبي الثعابين

رد: ابغي اشتري ثعبان باثيون حجمه متر ونص - فشو تنصحوني .؟؟
 

في انواع وايد من الاصلات فاسال الي بتشتري منه واهر راح يقولوك او حط صورتها.

- كم ممكن يوصل طول هالثعبان ... ؟
لازم اعرف نوع الاصله

- الأكل المفضل ... ( عدد المرات التي يجب ان اطعمه بالشهر )
دجاج ارانب فاران كتاكيت(صوص) في هذا الطول كل خمست ايام الى عشره مناسب

- البيئه المفضله لدى الثعبان .. ( ملاحظه : راح اربي الثعبان بالغرفه وانتو عارفين الغرفه مره تكون بارده مره تكون حاره او رطبه او اكون بالخارج يعني تكون الغرفه حاره فشو تنصحوني هل هناك جهاز لتعديل درجة حرارة الثعبان )
عمومة الثعابين الاستوائيه تعيش في درجة حراره بين 24 الى 30 والرطوبه بين الـ60 الى 70 ويوج لدى محلات الزواحف لمبة حراره وتقدر تتوصل الى الرطوبه عن طريق اناء فخار فيه ماء

- هل هالنوع سام ، ولو كان حجمه كبير ... ؟؟
لايوجد اصله سامه

- مالآثار السلبيه لهذا الثعبان ... ؟
ما اعتقد انه في اثار سلبيه بس في الاصلات التي توصل الى 4 متر ومافوق تكون خطر على الاطفال

- ماهي مخلفات الثعابين بشكل عام ... ؟
مثل اي حيوان

- بيت الثعبان كيف المفروض يكون .. من زجاج او بلاستيك او كرتون .. الأرضيه .. الطول والعرض ... ؟
لايهم الماده التي تصنع منها البيت لكن كل ما كان كبير كل ماكان احسن والارضيه ممكن تحط حجار رمل نشارت خشب

- الغرفه اللي عندي مغطى بزوليه (قماش) هل هذا يأثر على حركت الثعبان ... ؟
ما فهمت السؤال لكن القماش لا ياثر

- هل هناك آثار ممكن يتركها الثعبان بالغرفه اثناء تنقله .. ؟
مادري شنو تقصد بآثار لاكن لاتوجد اثار

- هل ممكن ان يكون عدائي .. هل توجد حالات يكون الثعبان فيها عدائي ..؟؟
كل حيوان حتى اصغر الطيور ممكن يكون عدائي اذا اذيته

رد: ابغي اشتري ثعبان باثيون حجمه متر ونص - فشو تنصحوني .؟؟
 

limited

مشكووووور على هالمعلومات


بعد سؤال لو ماعليك اماره



هل الثعبان حين يتنقل يترك " بوله" بالمكان الذي كان فيه >> يعني المكان يكون نجس ؟؟ هل هذا صحيح ؟؟


تقصد بالمخلفات هي براز الثعبان >> اعزكم الله



وش تقصد ....؟؟

تقصد بأنه سام او خطر ... ؟


--- --- --- --- --- --- --- --- --- --- ---

شكرا على ردك

اسف على المغثه

--- --- --- --- --- --- --- --- --- --- ---

رد: ابغي اشتري ثعبان باثيون حجمه متر ونص - فشو تنصحوني .؟؟
 

السلام عليكم

أغلب الظن إن الأصلة اللي بتاخذها بورمية وهذي ممكن يوصل حجمها لحجم مخيف ما أظن إنها فكرة جيدة إنك تنام معاها في نفس الغرفة خصوصا لو حوضها مفتوح أو سهل الخروج منه أو حتى تكسيره (لو كرتون)

وبما إنك أول مرة تربي ثعبان فما أنصحك بثعبان بهذا الحجم (تخيله وهو معصب وزعلان وبينفخ ويهسهس وإنت توك جديد عليه ويمكن تكون حتى مرعوب من المنظر كيف راح ترجعه حوضه ؟؟؟ )

الثعبان عادة ما راح يبول أو يتبرز في المكان اللي هو فيه إلا لو كان خايف أو مسكته بقوة

هو ما راح يكون سام بس ممكن يكون خطر خصوصا لو ما عرفت تولفه عليك أو ما اهتميت بإنك تغسل يدك وجسمك من ريحة الحيوانات الثانية اللي ممكن يتغذى عليها (عندي رد تايل بوا أولف من الرضيع بس لا تشم عليك ريحة فار ولا طير راح تنعض زي الله واحد)

الحوض المناسب للثعبان يكون حسب حجمه ولازم تراعي إن المكان ما يكون ضيق عليه ولازم كمان يكون الحوض مغلق وصعب الفتح بالنسبة للثعبان (ما ينصح بالأحواض حق السمك واللي عادة الغطاء العلوي لها خفيف الوزن وسهل الفتح أفضل شي أحواض الزواحف اللي لها بابين نفس فكرة الشباك (واحد يجي ورا الثاني وهذا صعب الفتح بالنسبة للثعبان)
بخصوص تركك له في الغرفة اللي تنام فيها (عادة راح تكون أبرد بكثير من الحرارة المناسبة للأصلات لكن ممكن تتغلب على المشكلة بإنك تحط حجر تدفئة وتغطيه بطبقة كبيرة من نشارة الخشب وهي عادة أفضل أرضية من ناحية التنظيف والسعر) وتضيف اللمبة اللي قال عليها أخوي ليميتد عشان فترة النهار (مو شرط يكون نهار بالنسبة لك أهم شي حاول توفر بيئة منتظمة للثعبان يعني 12 ساعة الحرارة في الحوض عالية ويوجد إنارة و12 ساعة ظلام والحرارة أقل من فترة النهار)

بخصوص الأكل بعض الأصلات زي البورمية تحب الطيور وممكن تعطيها سمان ولا صوص بالإضافة للفيران والأرانب وطبعا كل ما كبرت راح يزيد حجمه الفريسة اللي راح تاكلها (أعرف واحد يعطي أصلته خروف صغير كل 20 يوم)

نصيحة أخوية إذا مصمم على الأصلة حاول تاخذ أصغر وحدة موجودة (أو على الأقل ما تكون أكبر من متر) لين تتعود على الموضوع وخلي في بالك الثعبان يعيش في الغالب بين 15-25 سنة ومرات أكثر فلو الثعبان اللي بتاخذه من النوع اللي بيصير 5 أو 6 متر (واللي راح يوصلها خلال أقل من 5 سنين من عمره معنى كذا إنك ملزم تأكل هذا الثعبان وتهتم فيه لفترة طويلة وصدقني ما راح تلقى وسيلة للتخلص منه ببيعه أو حتى إهدائه لأحد لما يوصل لهذا الحجم غير إذا هان عليك وراح تقتله فالموضوع مختلف) وطبعا لو البيت فيه أطفال أقل من خمس سنين أو أشخاص مناعتهم ضعيفة ما راح يكون الثعبان الحيوان المناسب

آسف على الإحباط بس لازم تنتبه لهذي الأشياء قبل لا تتورط وتشتري

تحياتي وأي سؤال إحنا حاضرين :)

رد: ابغي اشتري ثعبان باثيون حجمه متر ونص - فشو تنصحوني .؟؟
 

رد: ابغي اشتري ثعبان باثيون حجمه متر ونص - فشو تنصحوني .؟؟
 

لازم تعرف نوعها كما تفضلوا الاخوان

رد: ابغي اشتري ثعبان باثيون حجمه متر ونص - فشو تنصحوني .؟؟
 

limited

راح اضيفك اليوم ^__*


Ghoroub


احرجني ردك ابصراحه .. شكرا اخوي على ردك الجميل وعلى التعاون


وإذا في اي سؤال تأكد اني راح اكتبه >>>> ههه


ياريت لو اعرف

وشكرا على ردك وتعاونك


شكرا لكم ^^

رد: ابغي اشتري ثعبان باثيون حجمه متر ونص - فشو تنصحوني .؟؟
 

هل يؤثر الشمس على الثعبان ... (( يعني اذا عرضتها لشمس بارده يعني قبل المغيب فهل هذا يؤثر عليها ))

او

لو ما اعرضها للشمس خير شر هل هذا سيؤثر فيها ...؟



--- --- --- --- --- --- --- --- --- ---

هل هناك آليه لتكييف بيت الثعبان ... مثل مروحه او شي من هالقبيل ..؟

الليت الذي سأضعه فبيت الثعبان .. من اي نوع واي لون ... ؟

اذا كانت الأرضيه نصفها من ورق (جريده) والنصف الثاني رمل او احجار صغيره شو هو الجو الأفضل ؟؟

--- --- --- --- --- --- --- --- --- ---





سؤال محيرني هل لثعبان الباثيون اسنان ... ؟؟؟

رد: ابغي اشتري ثعبان باثيون حجمه متر ونص - فشو تنصحوني .؟؟
 

شمس الصباح أو شمس المغيب إذا ما كانت راح ترفع درجة حرارة الحوض لأعلى من الدرجة اللي يتحملها الثعبان مفيدة (أو ممكن تخرج الثعبان كل كم يوم في الموعد هذا وتتلفح بيه وتطلع شوي في الشمس)

تكييف حوض الثعبان ما أظن فيه شي مشابه بس تدفئة الحوض موجودة ممكن تستخدم إضاءة عادية أو لمبة UV أو حتى حجر التدفئة (بعد ما تغطيه لأنه بيصير زي النار وممكن يئذي أو حتى يقتل الثعبان) طبعا لازم تحسب حساب إن الثعبان ما راح يقدر يلمس اللمبة لأنه راح يتلسع وبرضه ممكن يموت

بخصوص ورق الجرايد واللي له أنصاره بحكم إنه رخيص ومتوفر وسهل التغيير بس لازم تخلي بالك ما يكون من النوع الرديء اللي من يوم تلمسه يطلع الحبر في إيدك، إذا مصمم على الورق في رولات ورق زي حق أكياس العيش اللي في السوبرماركت تقدر تشتري رول عرضه مناسب للحوض اللي راح تستعمله وبعد كده تقص على قد الأرضية، ما أنصحك بالرمل خصوصا للثعابين اللي ما تعيش في الرمل لأن فتحات التنفس عندها غير قادرة على منع الرمل من الدخول مع الهواء اللي تتنفسه وفيه إحتمال كبير إنها راح تمرض أو تواجه مشاكل في التنفس (على حد علمي ثعابين الصحاري هي بس اللي تقدر تتحمل الرمل)

وأكيد كل الثعابين لها أسنان لكن تختلف عن بعض بوجود أنياب أو لا (عادة الثعابين العاصرة ما لها أنياب، الثعابين السامة لها أنياب أمامية والثعابين ضعيفة السمية لها أنياب خلفية)

ما دامك ما قدرت تعرف من اللي راح يبيعك ايش نوع الثعبان حاول تشوف وجهه تمام وعد الفتحات الصغيرة الموجودة في وجهه لو عشره أصلة ملكية (مترين و10 سم أطول وحده موجوده وحجمها مناسب للمبتدئ) لو أقل ممكن تكون بورمية أو شبكية أو أي نوع ثاني من الأنواع الكبيرة (مو أقل من 3-4 متر)

حاول تصورها لو هي موجودة في محل أو صاحبها أرسل لك الصور وتعرضها في الموضوع أكيد بيقدروا الخبراء يفيدوك أكثر

تحياتي

رد: ابغي اشتري ثعبان باثيون حجمه متر ونص - فشو تنصحوني .؟؟
 

" Ghoroub "

شكرا على ردك .. وصور الثعبان راح احطيه عن قريب

رد: ابغي اشتري ثعبان باثيون حجمه متر ونص - فشو تنصحوني .؟؟
 

الله يوفقك

رد: ابغي اشتري ثعبان باثيون حجمه متر ونص - فشو تنصحوني .؟؟
 

العفو طناف وإن شاء الله ما قصرنا معاك ومنتظرين الصور :)

رد: ابغي اشتري ثعبان باثيون حجمه متر ونص - فشو تنصحوني .؟؟
 

شوف صوره الثعبان الي بتوقيع الاخ limited

هو الي تقصده؟؟؟

رد: ابغي اشتري ثعبان باثيون حجمه متر ونص - فشو تنصحوني .؟؟
 

الاخوان ما قصرو وانا عن نفسي انصحك بعدم شراء شراء اصلة بهذا الحجم وانت مبتدئ في تربية الثعابين لا تاخذ اصلة اطول من متر في جميع الاحوال .