|
مرض فرخ الكوكتيل
السلام عليكم جميعا عندي فرخ كوكتيل كان بصحة ممتازة ومفطوم توه بادي ياكل وكان يفتح الحب وفجأة اعتفس حاله وماصار ياكل وفقد كل وزنه وكان قبل تناديه يجي طيران الحين يدوب يمشي ومايقدر يكسر الحب ودائما خامل وصار ضعيف جدا جناحه كله منزل الارض مشيته صعبة وثقيلة ولما تحطه على صبعك ما يتوازن طبعا الطير نغره غصب بس مستغربة لانه الخروج الله يكرم السامع مثل السيريلاك بالضبط يعني مثل اللي تدخله يطلع اول مرة تمر عليي مثل هالحالة حتى احسب عنده سهال :( من تجربتي البسيطة اللي يوصل لهالحالة يموت ومات عندي فرخ من قبل بنفس الحالة بس كان اسوأ وأصغر صورة للطير قبل وبعد وواضح الفرق كأنه مو هو http://i.imgur.com/av5oEMt.jpeg |
رد: مرض فرخ الكوكتيل
الله يشفيه لكي يا رب ><
مبدئيا سوي له خلطة الثوم بالليمون لانها تعتبر مضاد حيوي وتنظف المعدة لو فيه شي في معدته ممكن يتخلص منه وتابعيه وتابعي افرازاته .. |
رد: مرض فرخ الكوكتيل
الله يسامح مافيه شي في معدته
سويت الخلطة 1- بيض مسلوقه واحده 2- بقسمـآط وهو خبز يابس مطحون > الكــمية ملعقتين كبيرة 3- نصفف كوب حليب 4- ملعقة عسل كبيرة 5- كويكر ملعقتين صغيرة 6- نص ملعقه صغيرة زيت زيتون 7- كرون فليكس مطحون ويجب تن يكون مطحون جيدا ويكون نااعم 8- عظام كالسيوم مطحونه طحنآ جيدا ويكون ناعم الحمدلله الخروج اكرمكم الله رجع الطبيعي تقريبا بس الطير عنيد ولما اغصبه ياكل احسه يعتفس كلش وهو جدا ضعيف يعني لما امسكه غصب احسه يتعور لانه جدا خفيف وعظامه كل شي بالغصب المغرب عطيته 7 ملي تقريبا وقبل اشوي حتى 5 ملي ماكمل وعلى طول قاعد وخامل :( |
رد: مرض فرخ الكوكتيل
يب الطريقة هذي قالها لي ولد المملكة كان كرواني نفس حال كروانك لكن الخلطة هذي صار الحين يجيني صاروخ مو طيران ^^" ههههه او يجيني ركض بعد كذا اذا وصل عند رجولي طار وجلس على كتفي اكثر شي يحبه فيني كتفي هههههه ^^".
مع تحياتي زياد2015 |
رد: مرض فرخ الكوكتيل
اقتباس:
ومايرضى يفتح تعبني في الغر واخاف يخلص الاكل ويموت ان شاء الله يستقوي من الخلطة ويرجع مثل قبل والله كان من افضل مايكون وصادته عين |
رد: مرض فرخ الكوكتيل
, وعلــيكم السلـآم ورحمة الله وبركـآآته
هلـآ بك أختي انا رديت على رسـآلتك اول بس شكلهـآ ماوصلت لانو يوم رسلتهـآ طلعت لي صفحة مكتوب فيها لا يمكن الحصول على الصفحة يعني كان في مشكلة من النت توقعت وصلت بس مو مشكلة بعيدهـآ هينـآ آولـآ اختي انا نبهتك عن السيريلـآك صح ولـآ لـآ لاكنك قلتي طيري مو ظعيف ويلعب و و و اتوقع الحين صار ظعيف زي ماقلت بضبط وهادا الي كنت خايف منه اتوقع مشكلة طيرك هي تواجد كمية كبيرة من السكريات في امعاء الطير وزي ماقلت اول الطير لايملك جهاز يهضم هالسكريات بس نقول ان شاء الله تطلع وتعالج طيرك اول حااجه لـازم تسوينها هي تجنب السيريلاك الان نهائيا ومع كافة الطيور الي ممكن تربينها الحين انتي خذيتي خبرة وعرفتي مخاطر السيريلاك اتمنى تنتبهي المرة الجاية الخطوة الثانية تستمريي على الخلطة الي عطيتك بكمية بسيطة يعني كل مرة تغرين الطير خليها نص الابرة فقط لمدة 3 ايام لانو لو كانت الكمية كبيرة مراح يقدر يهضمها لانو ظعيف جدا وهزييل وطبعا مراح تشوفي النتايج مباشرة يبيلو كم يوم عشان يبدا يستفيد من الاكل او الخلطلة الجديده العلـآج هو بآذن الله تغرينه كل يوم ابرة كامله مقسمة على دفعتين نص ابرة الصبح ونص ابرة المساء والعصر لازم تغرينة موية فيها ليمون وثوم ^.^ كمية جدا جدا بسيطة اقل من ربع الابرة اتبعي الي قلته لك بتمام وان شاء الله بتدعين لي بعدين موفقه =)) |
رد: مرض فرخ الكوكتيل
اقتباس:
لالالا ترى هذا طير غير تماما وعمره ما انغر سيريلاك بشري مربينه مع فرخين من احسن مايكون وفجأة صارت هذي حالته كل 4 ساعات اغره لاني اخاف يخلص الاكل ويموت ولانه ما يرضى ياكل شي يعني اغره 3 ملي او 5 اكثر شي وكل يحاول يهرب ومشيته جدا متدهورة شكلي بوديه المركز بعد اشوي لانه اشوف الاسهال رجع مادري هو اسهال والله خروجه بهالحالة عطيته بندول ومافاد ألحين بغره الخلطة وبشوف اذا قدرت اوديه مشكورين :):) |
رد: مرض فرخ الكوكتيل
http://i.imgur.com/9UYP58v.jpeg
عطاني هالدوى حق اخلطه مع اكل الطير وقال غلط اغره المفروض 3 نقط بس كل ساعتين المضاد لمدة 10 ايام الفيتامين للأبد |
رد: مرض فرخ الكوكتيل
الله يشفيه لكي يا رب ..
وبإذن الله مع العلاجات يتحسن .. مالك الا تتبعي تعليمات الطبيب .. وإن شاء الله خير |
رد: مرض فرخ الكوكتيل
|
رد: مرض فرخ الكوكتيل
الله يشفيه ويرجعه بالسلامة
|
رد: مرض فرخ الكوكتيل
ان شاء الله يرجع افضل من اول.
مع تحياتي زياد2015 |
رد: مرض فرخ الكوكتيل
الله يهديك بس عجزت افهم لك اجيك من هنا تروحين من هناك اجيك من هناك تروحين مناك
اختي الطير ماسك مسار التدهور ومصيرة الموت خصوصا وانو الكروان مناعته وصحته مو قوية بشكل عام اسمعي زي ماقلت لك وغريبه لانو فرخ وهو يحصل الموية من الغر لو ماغريتيه بموت عطش وبغلبه المرض اعطيه الادوية مع الغر قبل تودعينه وسلام عليكم |
رد: مرض فرخ الكوكتيل
اقتباس:
وهذا المرض انا خليته ضمن قائمة امراض الفروخ اللي تقتل لحد الآن حالتين عندي نفس المرض الله يرحمه مات قبل اشوي :( |
رد: مرض فرخ الكوكتيل
لا تيأسين يااختي الكريمة فالمكتوب مقدر
والله يعوضك بأحسن منه واذا عندك اخطاء ان شاء الله يكون تعلمتي منها عشان تتفادينها المرات القادمة وحبيت اقولك ملاحظة ماتخطر على بال الكثير اذا عندك فرخ لاتصورينه وتنزلينه بالانترنت تجنبا للعين يااختي لان العين حق والعين يخلي الطير يتدهور فجأة ويموت ...حبيت اقولك هذا سبب مهم لتدهور صحته فجأة عموما الله يعوضك بفرخ افضل ..... تقبلي مروري |
رد: مرض فرخ الكوكتيل
الله يعوضك ويعوضنا معاك اكثر شيء ما احبة بالكروان انه طائر حساس جداً ويمرض بسهولة!! قبل اسبوعين مات علي كروان بنفس الاعراض... (من دون سبب معروف) اعطيتة وصفة الثوم باليمون اعطيتة مضاد حيوي.... لكن كل هذا ما نفع :( |
رد: مرض فرخ الكوكتيل
والله حزنت جدا عليه :(
الله يعوضك يا رب عموما انتي حاولتي بكل ما تقدري تساعديه .. لكن قدر الله .. والحمد لله على كل حال هذه التجارب تعلمنا الكثير وما تخلينا نوقف .. بالتوفيق يا رب |
رد: مرض فرخ الكوكتيل
السبب هو انه بعض الازواج لا تصلح لبعضها البعض
فتنتج طيور ضعيفة البنية مما يؤدي لموتها قبل عمر 3 شهور جميع الاعراض تكون مثل حالة هالطير لا يوجد طير تغلب على المرض الفرخ اللي مات عندي كان عنده اخ مات بعد وهو عمره اسبوعين تقريبا وكان عنده امه وابوه |
رد: مرض فرخ الكوكتيل
السلام عليكم
عندي كم نصيحه بشأن الموضوع 1/انا عن نفسي اغر فروخي بخبز عادي من عند الخباز واضيف عليه شوي ماء مع بعض الفيتمينات مثل فيتمين (د) وتحبه كرواناتي مرره افضل من السيرلاك بمليون مره . 2/كمان اكثر الخبراء والمربين ينصحوا بالابتعاد عن مشتقات الحليب لانه فيها جلوكوز ومعدة الكروان لاتقدر على التكيف معه . 3/انصحك تدخلي دماء جديده على كرواناتك لانه الواضح ان الاب والام اخوان افصليم واضيفي زوج لكل واحد . والله يعوض عليك بأذن الله |
رد: مرض فرخ الكوكتيل
اختي هاذا المرض يدعى بالتسييف
يمكن الطير ما كان مفطوم منيح وماكان يقدر يكسر الحبوب وبالتالي تدهورت صحته بسبب الغذاء تحياتي |
رد: مرض فرخ الكوكتيل
الله يعوضــك
وكلـآمك صحيح من عدت نوآحي آحيـآنآ يكون الجوز ينتج فروخ ظعيفة وسبب هو الجهد والانتاج الي يكون ورا بعض يتسبب في انتاج فروخ ظعيفه بس لو انك بادية معاه بالخلطة الي عطيتك مهما كان ظعيف بآذن الله بتحسن ويكتسب الطاقه من صغره ولما يمر بعمر فرخك بكون خلاص صار قوي وكل خاجه من الغذاء متوفره له =)) انا قد مرت علي نفس حالت فرخك بضضضضضضضضبط وكان جدا جدا صغير يمكن عمره اسبوعين ونص وكان جدا هزيل وظعيف وخامل لابعد درجة بديت اغره شوي شوي كل يوم نص ابره لاحظت عليه بدا يتحرك وينشط وكنت احط بودرة الفيتامين مع الموية وغره شوي وبديت ازيد الكمية مع الايام وصار الطير مشاء الله تبارك الله غزال هههههه |
رد: مرض فرخ الكوكتيل
اقتباس:
الطير مو طيري توي جبته وهو بهالحالة عقب ما يأسو منه والوقت تأخر للأسف لانه كان فاقد كل وزنه يالله ماعليه ارتاح وريحني |
رد: مرض فرخ الكوكتيل
الله يرحمه المرض غلبه ومعوض ان شاء الله والله زعلت عليه مرضه صار طويل مرة عليه وما استحمل المرض ومات:(:(
|
| جميع الأوقات بتوقيت GMT +3. الساعة الآن 12:36 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو