منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   استفسار عن الفطريات للكيتين (http://www.2zoo.com/vb/showthread.php?t=237016)

muna 07-09-2011 07:57 PM
استفسار عن الفطريات للكيتين
 
عندي قطه صغيره عمرها شهرين .. فجأة حصلت جسمها كله بقع فطريات .. وديتها عند بيطري ما وثقت فيه وايد الصراحه .. و صفلي دوا اسمه اترافنجول و هو شراب و واحد اسمه Imaverol و هو دوا موضعي و شامبو .. الشراب قالي اعطيها اياه مرتين فاليوم لمدة ثلاث اسابيع غير متتاليه .. يعني اسبوع اعطيها و اسبوع لا .. و الثاني قالي استخدمه معها بدون تخفيف.. الشراب الى الان ما لقيته .. باكر بيجيبولي اياه اما الثاني جربته اليوم و لكن مجرد اني حطيته احمر الجلد و شكل القط (تاز) يا عمري كان يتألم حتى ما صار يلعب .. و ظل يالس فترة طويله .. و قبل شوي قام و ع طول طلع برا ما رضى يجلس داخل البيت .. الحين يا أهل الخبره و الدرايه وصفة الدكتور صح؟
هل طريقة وضع الدوا الموضعي صح؟
هل بس احطه و أخليه؟
و هل من الضرر ان القط يطلع برا؟ .. احنا عندنا مزرعه فالبيت ..
و مشكووورررين وايد ..

muna 07-09-2011 07:59 PM
رد: استفسار عن الفطريات للكيتين
 
و صح .. دورت فالنت و وايد لقيت كاتبين عن خل التفاح و الخل العادي لكن الدكتور قال ها الكلام ما صح ..

شاهستا 07-09-2011 08:37 PM
رد: استفسار عن الفطريات للكيتين
 
اهم حاجه فى علاج الفطريات البيتادين
وكمان اتجنبى تلمسيها بأيدك لازم تكون لابسه حاجه فأيدك عشان العدوى
وعرضيها للشمس كل يوم
ولازم تطهرى حاجاتها والمكان الى بتنام فيه بالديتول بس بعيد عنها لانه مسمم للقطط

دلوعةقطوتي 07-09-2011 09:58 PM
رد: استفسار عن الفطريات للكيتين
 
اهلين
امممم مادري الخل ماجربته بس احسه يحرق الجلد لاتستعمليه
شوفي مطهر بيتادين للفطريات بالصيدليه البشريه افركي فيه مكان الفطريات مرتين باليوم وبعدها ادهني هالكريم بعد ماينشف البيتادين تقريبا بخمس دقايق الكريم والبيتادين كلهم من الصيدليه البشريه وكمان استعملي شامبو نيزورال او فافو وحممي القطوه واتركيه خمس دقايق واشطفيها ونشفيها تمام الشور 3 مرات بالاسبوع لو كميه الفطريات كبيره وبكل الجسم اما لو مكان صغير كفايه البيتادين والكريم
http://www.iraqup.com/up/20110907/M6..._106537230.jpg
وعرضيها للشمس ومكانها عقميه بديتول ولاتلمسيها بيدك عشان لاتعديك

muna 08-09-2011 12:03 AM
رد: استفسار عن الفطريات للكيتين
 
شكرا شاهستا و دلوعه ..
يعني أتأكد ان الدوا فيه ها الماده؟
انا قالي الدكتور انه فيها دود و الدوا الشراب بيقتله ..
المشكله احسن عياده عندنا بعيده عني .. و يوم اتصل أخصائي الجلد يقول لازم ايبها..
يعني شوركم اودر العلاج المصروف لي و استخدم بيتادين و الكريم الموجود فالصوره؟ .. و الا اشوف العلاج المصروف لي و نتايجه؟؟
و يا دلوعه حددي موقفج :D
ها الادويه فالصيدليات البشريه و الا البيطريه؟؟!

شاهستا 08-09-2011 12:12 AM
رد: استفسار عن الفطريات للكيتين
 
الدوا من الصيدليه البشريه
الكريم والبيتادين
وبالنسبه للديدان ممكن تستخدمى بنداكس لاطفال من الصيدليه البشريه
1 سم مرة فى اليوم لمدة 3 ايام
انا رأيي خليكى فى الدوا الى احنا بنقوله كلنا مجربينه
ونتايجه مضمونه

دلوعةقطوتي 08-09-2011 12:32 AM
رد: استفسار عن الفطريات للكيتين
 
اقتباس:
المشاركة الأصلية كتبت بواسطة muna (المشاركة 2286092)
شكرا شاهستا و دلوعه ..
يعني أتأكد ان الدوا فيه ها الماده؟
انا قالي الدكتور انه فيها دود و الدوا الشراب بيقتله ..
المشكله احسن عياده عندنا بعيده عني .. و يوم اتصل أخصائي الجلد يقول لازم ايبها..
يعني شوركم اودر العلاج المصروف لي و استخدم بيتادين و الكريم الموجود فالصوره؟ .. و الا اشوف العلاج المصروف لي و نتايجه؟؟
و يا دلوعه حددي موقفج :D
ها الادويه فالصيدليات البشريه و الا البيطريه؟؟!
:shy::shy: لاالبشريه بس لاني كنت مستعجله غلطت
دواء الفطريات اللي قلنا لك عليه مجرب

muna 09-09-2011 12:59 PM
رد: استفسار عن الفطريات للكيتين
 
هلا و الله شاهستا و دلوعه .. و مشكورات وايد .. اقولكم سبحان الله انا و ادور الدوا حصلت دكتوره هنديه بيطريه .. و وصفتلي شامبو بريطاني ما ادري ايش اسمه حتى علبته كنها مالت مختبرات و كريم كانستين اللي خبرتوني عنه .. قالتلي احمم تاز و اخليه 10 دقايق بعدين اشطفه و ها العمليه اسبوعيا و احط عليه من الكريم مرتين فاليوم و ان ما تحسنت حالته عطتني رقمها .. ررررررتحت نفسيا لما سمعتها .. لاني الصراحه ما كنت واثقه فالدكتور اللي وصفلي الشراب .. رايكم اسمع كلامها و الا اسير اشتري بنتادين بعد ؟
مشكوررررررررين وايد وايد ..

muna 09-09-2011 01:09 PM
رد: استفسار عن الفطريات للكيتين
 
و انا مستغربه من شي .. صديقتي عندها قطوه شيرازيه و مهملتنها أخر درجة و حتى لونها متحاو رمادي من ابيض .. نادر تحممها .. لكن و لا فيها شي ابدا .. وانا اللي حاشره الدنيا و ما مخليه شي كل مره تطلعلي سالفه فالقطوه والا اولادها ..
هههه

دلوعةقطوتي 09-09-2011 04:18 PM
رد: استفسار عن الفطريات للكيتين
 
اقتباس:
المشاركة الأصلية كتبت بواسطة muna (المشاركة 2288436)
هلا و الله شاهستا و دلوعه .. و مشكورات وايد .. اقولكم سبحان الله انا و ادور الدوا حصلت دكتوره هنديه بيطريه .. و وصفتلي شامبو بريطاني ما ادري ايش اسمه حتى علبته كنها مالت مختبرات و كريم كانستين اللي خبرتوني عنه .. قالتلي احمم تاز و اخليه 10 دقايق بعدين اشطفه و ها العمليه اسبوعيا و احط عليه من الكريم مرتين فاليوم و ان ما تحسنت حالته عطتني رقمها .. ررررررتحت نفسيا لما سمعتها .. لاني الصراحه ما كنت واثقه فالدكتور اللي وصفلي الشراب .. رايكم اسمع كلامها و الا اسير اشتري بنتادين بعد ؟
مشكوررررررررين وايد وايد ..

العفوو
تيب حلو استعملي الشامبو والكانسيت وكمان البيتادين وان شاءالله ربي يشفيهم

الخبيرة ناديا 10-09-2011 12:45 AM
رد: استفسار عن الفطريات للكيتين
 
اقتباس:
المشاركة الأصلية كتبت بواسطة muna (المشاركة 2285808)
عندي قطه صغيره عمرها شهرين .. فجأة حصلت جسمها كله بقع فطريات .. وديتها عند بيطري ما وثقت فيه وايد الصراحه .. و صفلي دوا اسمه اترافنجول و هو شراب و واحد اسمه Imaverol و هو دوا موضعي و شامبو .. الشراب قالي اعطيها اياه مرتين فاليوم لمدة ثلاث اسابيع غير متتاليه .. يعني اسبوع اعطيها و اسبوع لا .. و الثاني قالي استخدمه معها بدون تخفيف.. الشراب الى الان ما لقيته .. باكر بيجيبولي اياه اما الثاني جربته اليوم و لكن مجرد اني حطيته احمر الجلد و شكل القط (تاز) يا عمري كان يتألم حتى ما صار يلعب .. و ظل يالس فترة طويله .. و قبل شوي قام و ع طول طلع برا ما رضى يجلس داخل البيت .. الحين يا أهل الخبره و الدرايه وصفة الدكتور صح؟
هل طريقة وضع الدوا الموضعي صح؟
هل بس احطه و أخليه؟
و هل من الضرر ان القط يطلع برا؟ .. احنا عندنا مزرعه فالبيت ..
و مشكووورررين وايد ..

هلا بالغلا

اسفه على التاخير بالرد .

بخصوص العلاج Imaverol ..ممتاز و يستخدم في الغالب بتخفيف المقدار بالماء وغسل القط به كامل

وتركه دقائق ثم يتم استحمامه بشامبو مضاد للقشور مثل فافو او نيزورال.

العلاج صناعه كنديه ومامنه اي ضرر ابدا ..الا اذا استخدم بطريقه خطاء.

وهو منتج بيطري امن على الحيوانات المصابه بالفطريات .

اما بخصوص علاج Itrafungol

كل ادويه الفطريات تؤثر علي الكبد بما فيها الاترافنجول هذه سمه عامه لجميع ادويه الفطريات التي

تؤخذ بالفم .

لاكن من الممكن ان تستخدمي اي نوع متاح لكي مثل النيزورال اقراص او التراجريزيوفلفين مع

تطهير يومي للمكان المصاب بالبيتادين و اعطاءها ادويه للديدان..

والنيزورال او التراجريزيوفلفين من الصيدليه البشريه وتستخدم على حسب وزن القطه وعمرها

وبما ان قطتك صغيره جدا ( شهرين ) لاانصحك ابدا باعطاءها اي علاج للفطريات بالفم .

الا اذا تم بلوغها من العمر 6 شهور على الاقل .

muna 15-09-2011 01:10 PM
رد: استفسار عن الفطريات للكيتين
 
اسفه ها القطاو شغلني ..
دلوعه مشكوره وايد .. الصراحه ما شتريت بنتادين و الا نيزورال .. بس استخدمة الكريم .. المشكله الاكبر ان تاز نقل العدوى لأخته ..
:(
بخصوص البينتادين .. استخدمه بعد الاستحمام يعني مره فالاسبوع و الا يوميا؟
لان الدكتوره قالتلي احمم الكيتن مره فالاسبوع..

هلا بخبيرتنا .. يعني ايش اسوي الحين .. استخدم كريم الكانسيت و الشامبو مضاد الفطريات فقط و الا استخدم بعد الايمافيرول؟
الدكتوره قالتلي استخدمه عشرين يوم ..
المشكله ان بقع جديده ظهرت فجسمه و نقل العدوى بعد لاخته .. و شكله بينقلها لي انا بعد .. :)
و هل لازم استخدم النيزورال دام انه عندي شامبو مضاد الفطريات؟
ما بيكون قوي على الكيتن؟

الخبيرة ناديا 15-09-2011 11:57 PM
رد: استفسار عن الفطريات للكيتين
 
اي يالغاليه استخدمي الايمافيرول..لانه ممتاز حاليا وطريقته مثل ماشرحتلك قبل وهو

يشابه الخل في طريقه استخدامه.

خففيه بالماء واشطفي جسمه فيه .

وبخصوص حبوب النيزورال ماتنفع لقطتك لانها لسى كيتن وصغيره على العلاجات الداخليه.

راح تظرها اكثر من انها تنفعها .

وبخصوص الكريم عادي تستخدميه لو حابه لانه ماراح يظرها ابدا .

وانتبهي لايلعقه القط ..

ولابد انك تراعين تغيير الفراش من تحت القط واعزليه تماما عن اي حيوان في البيت ..سواء طيور او كلاب

او غيرها من القطط لانه معدي جدا جدا وبشكل كبير .

استمري بتعقيم كل شي تستخدميه للقطه وباذن الله تتشافى .

وراح تاخذ مده طوويله للشفاء فقط عليكي بالصبر والمثابره على العلاج

muna 16-09-2011 07:09 PM
رد: استفسار عن الفطريات للكيتين
 
مشكوره يا اغلى خبيره .. انا اغير الفراش دايما .. و لما اتعامل معها البس قفازات طبيه .. لكن المشكله اني ما قدرت اعزله .. لانه يبى يرضع من امه .. و انا اداوم و الشغاله اللي عندنا تحفه .. اقولها خليه برا الاقيها مطلعه الاثنين برا ..
:(
خلاص عاد .. انتقلت العدوا ..
اللللللللللله يعيني ..
بس عاد اسمحيلي بطفربج بالاسئله لاني اخاف ءأذي الكيتن.. الايمافيرول استخدمه يوميا ؟
تقصدين احمم الكيتن و الا فقط امسح المكان المصاب و بعدين اشطفه بالماي و لا ما يحتاج اغسله بماي؟
و اذا حممت الكيتن انشفهم بالسشوار و الا يحرق جلدهم؟
و شي بعد .. استخدمه مره فاليوم؟
انا افكر استخدمه المسا و الليل احط الكريم .. شو رايج؟
و اسسسسسسسسسسسسسسمحيلي على ها الاسئله الكثيره .. و يزاج الله الف خير ..


جميع الأوقات بتوقيت GMT +3. الساعة الآن 02:52 AM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو