|
دراي فود لتنظيف الاسنان لكن للكلاب
مرحبا..
كفكم انشالله كويسين.. أنا امس كنت بالسوبرماركت المهم كنت ادور الدراي فود حق تنظيف الاسنان للقطط بس مالقيت لكن بالصدفه لقيت واحد خاص بالكلاب .. المهم انا شريته وبكتب لكم المكونات واذا احد عنده خبره يقولي اذا تنفع استخدمها للقطه ولالا.. المكونات: دقيق الارز,نشاء تابيوكا,مواد مرطبة(جليسرولبروبلين جلايكول),ماء,صمغ جيلاتين من اصول بقرية,مهضم كبد الدواجن,سليولوز,صوديوم تريفوسفات,ملح,كلورايد البوتاسيوم,زيت الصويا,سوربات البوتاسيوم,نكهة دجاج مدخن,كولين كلورايد,مضادات أكسدة(بي اتش ايه,بي اتش تي). |
رد: دراي فود لتنظيف الاسنان لكن للكلاب
اهلين
خيتوو ماانصحك تاكلي قطك من اكل الكلاب ابدا والدراي الفوود العادي كافي لتنظيف اسنان القط |
رد: دراي فود لتنظيف الاسنان لكن للكلاب
اختي اللي يبي مصلحة كلبه يبعد عن هالمنتجات
فمن باب اولى انك ما تستخدمينها لقططك . الغذاء الصحيح للحيوانات اللاحمه اللي يخليك تبعدين عن المنضفات وايضا تبعدين حتى عن البيطري بكل ما تعنيه الكلمه من معنى (افضل صحيا ، نضافة اسنان وفم ، افضل لمشاكل الدود الدوريه) هو اللحم الني اللي الله سبحانه خلق هالحيوان و صمم جهازه الهضمي عشان يستوعبه هذي ابحاثي الخاصه ولو تبين تسوين ابحاثك الخاصه اكتبي في قووقل raw meat diet وشوفي ايش يقولون عن القطط :) . بالنسبه للكلاب اكتشفت ان ٩٥٪ من البرييدرز يستخدمونه مشاكله فقط بالسعر والتخزين و سوء الاستخدام (طبعا) . تقبلي مروري . |
رد: دراي فود لتنظيف الاسنان لكن للكلاب
1-اكل الكلاب ماينفع ابد للقطط
2-وماانصحك تستخدمين شي مخصص للتنضيف الداري فود العادي ينضف ان شاء الله افدتك |
رد: دراي فود لتنظيف الاسنان لكن للكلاب
أحسكم مافهمتوا علي..
هو يعني مو وجبه لا بس عود صغير يعني ياكل منه شوي عشان ينضف فمه فقط.. يعني ماعطيه كغذاء بس كميه مره صغيره تنظف فمه لاغير.. اما من ناحية انو الدراي فود ينظف بالعكس انا قطوي ماياكل الا دراي واسنانه صفرا والاحظ فمه مو مره حلوه ريحته شوي يعني كدا مو حلوه.. |
رد: دراي فود لتنظيف الاسنان لكن للكلاب
اهاا مايصلح توكلينه اكل كلاب ولو بالقليل مايصلح ابد احسن لك دوري شي مخصص بالقطط
|
رد: دراي فود لتنظيف الاسنان لكن للكلاب
اقتباس:
والله ردك بصراحه لفت نظري.. جزء كبير من كلامك مقنع , وانا معك تماما من ناحية انو كمحتوى غذائي اللحم الني افضل شي لهم ولنضافة الفم كمان.. لكن في مشلكة ان اللحم الني احتمالية انه ينقل امراض ابسط شي السالمونيلا ولا وشرايك؟؟ |
رد: دراي فود لتنظيف الاسنان لكن للكلاب
اقتباس:
|
رد: دراي فود لتنظيف الاسنان لكن للكلاب
اللحم النيء ممكن ينقل لقطك امراض ماانصحك فيه وانتي حره
اما بالنسبه للاسنان استعملي فرشاه لتنظيف اسنانه وفيه معجون للقطط ولو مالقيتيه استعملي الفرشاه تبع الاطفال بدون معجون |
رد: دراي فود لتنظيف الاسنان لكن للكلاب
اقتباس:
من ناحية اللحم انا اساسا عارفه انو ممكن ينقل امراض لاتخافي.. اما من ناحية تفريش الاسنان, هل انت فعلا جربتي بنفسك تنضفي اسنان قطه؟ انا بصراحه ماسبق وجربت لكن مني متخيله كيف بتفتح فمها وتخليني انضف .. وفي سؤال جانبي لو سمحتي, وهو انه انا قطوي احيانا ريحة فمه مو كثير حلوه بس مدري وش الاسباب, هو دائما ياكل دراي فود اسمه نيوترام, بعدين جربت دخلت اكل تاني مع هذا نيو ترام لاحظت انو الريحه خفت بس مو متاكده انه الفود هو السبب.. وسوري على كثرة الاسئلة:o |
رد: دراي فود لتنظيف الاسنان لكن للكلاب
http://www.2zoo.com/vb/showthread.php?t=186148
|
رد: دراي فود لتنظيف الاسنان لكن للكلاب
ثينكس دلوعة..
الموضوع اللي باللينك مرره كويس خاصة الفديو.. خلاص بجرب يمكن افرش اسنانه بالفرشة حقت الاصبع.. بس انشالله القى الدراي حق التنظيف لانه مره اسهل او على الاقل الاتنين مع بعض بس الاعتماد على التفريش مره مو عملي لان كل يوم لازم مره صعب |
رد: دراي فود لتنظيف الاسنان لكن للكلاب
انا اسف اختي هاجر اني نسيت هالموضوع شوي :)
والمفروض اني افيدك اكثر فيه مع ان مشرفتنا دلوعه ابد ما قصرت . بالبدايه ابي اقولك انا مو من الناس اللي اهتم بالقطط ابد رغم اني امتلكت قطط في فترات من حياتي ولذلك انا اشوف مشرفات القسم هنا على درايه اكثر مني في هذا المجال وفي النهايه اختلاف الراي لا يفسد من الود قضيه . هذي معلومات مفيده اتمنى انك تحتفضين فيها فيما لو احتجتيها بالمستقبل او على الاقل تكون عندك فكره عن الموضوع . صحيح ان اللحم الني ينقل بعض الامراض مثل salmonella, e coli, listeria وغيرها لكن ركزي على ينقل وليس يسبب :) .. اعني ان الطريقه الصحيحه لتقديمه هي * استبدال اللحم الني مع العضام يكون بشكل تدريجي عن طريق خلط الدراي فود باللحم الني و وزن الكميه بشكل يومي . * يجب ان تلاحضي كمية الطعام اللي ياكلها قطك بشكل يومي ويتم وزن الكميه عشان ما يبقى شي * يجب ان يكون شراء اللحوم من محلات موثوقه وليس اي جزار والافضل ان تاخذينها مثلجه وتقطعينها وتحفضينها مثلجه (وبكذا نتخلص من البكتيريا) * اللحوم النيه مع العضام تحتوي مواد اسيديه يحتاجها القط .. البشر لا يستحملونها * تعقيم المواد المستخدمه في تقديم الاكل مهم ( سكين التقطيع ، الطبق المقدم فيه الاكل ، مكان تقطيع الاكل) وفي النهايه اقولك شوفي ايش الانسب لك (اعتقد الدراي فود) لان اللحم الني يحتاج جهد واسمعي كلام مشرفتنا دلوعه في المقام الاول ولو ما نفع معك انتقلي الى طريقتي . تقبلي مروري . |
رد: دراي فود لتنظيف الاسنان لكن للكلاب
اقتباس:
وافضل من تفريش الاسنان .. هنا صورته: http://www.altemawi.net/up/uploads/i...9747721905.jpg وطريقه استخدامه فقط قطعه كل بعد وجبه ..حتى تضل اسنانه نضيفه وبدون روائح |
| جميع الأوقات بتوقيت GMT +3. الساعة الآن 08:48 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو