منتديات تو زوو

منتديات تو زوو (http://www.2zoo.com/vb/index.php)
-   استراحة الهواة (http://www.2zoo.com/vb/forumdisplay.php?f=19)
-   -   مساعدتكم في حوضي الجديد (http://www.2zoo.com/vb/showthread.php?t=20558)

خالد999 02-03-2007 01:46 PM
مساعدتكم في حوضي الجديد
 
السلام عليكم
اخيرا قررت اشتري حوض سمك مقاسه 125 سم *50 سم*60سم
والحوض مثل ما هو موجود في الصورة فاضي وودي احط فيه اسماك بحرية ز هي شقائة النعمان (الكلاون فيش مع نباتاتها) مع العلم ان الحوض جاني فاضي بدون اي ادوات و عطاني صديق لي فلاتر و مضخات و اسلاك ماني عارف اركبها في الحوض , فهل هناك احد في الخبر او الدمام عنده هواية تنسيق الحوض إذا فيه احد يا ليت لو يساعدني و اكون مشكور له
http://up.7cc.com/get-3-2007-t9wc9nt7.jpg

بنت البحرين وكلي فخر 02-03-2007 04:05 PM
رد: مساعدتكم في حوضي الجديد
 
ماشااالله الحوض عود وحلوو وانشالله اتضيف له بعض الصخور وبعض النباتات الصناعيه وتحط االاسماك وتحط الاضائه ويطلع فللللللله
مشكووور اخووي يعطيك العافيه
تحياتي لك
بنت البحرين,.,.,

redshark 02-03-2007 04:40 PM
رد: مساعدتكم في حوضي الجديد
 
ماشاء الله حجم الحوض ممتاز والاضاءه والغطا ممتازين 000 لكن اخي نصيحتي انك تطلع على المواضيع الخاصة بانشاء الحوض البحري وانواع الاسماك قبل البدء في عمل الحوض

وكمان اتمني انه يكون في حد من الاخوان في نفس البلد عندك حتى يتمكن من مساعدتك او نصيحه ممكن تجيب حد من محلات الاسماك يركب الادوات ويعملك الحوض

انجل فش 02-03-2007 06:26 PM
رد: مساعدتكم في حوضي الجديد
 
ما شاء الله مبرووووووووووووووك على الحوض بس نصيحة نصيحه و خر السماعه عن الحوض لا تخرب يجي عليها مويه و لا شي

خالد999 02-03-2007 11:10 PM
رد: مساعدتكم في حوضي الجديد
 
مشكورين على الردود
و باديه محمسه ;)
بس ما زلت انتظر مساعدة من اهل الشرقية

sstootss 05-03-2007 01:40 AM
رد: مساعدتكم في حوضي الجديد
 
انا من الشرقيه
بس الموضوع مش واضح عندي
ايش تبغى انت بضبط علشان ارد عليك
:rolleyes:

خالد999 06-03-2007 09:16 PM
رد: مساعدتكم في حوضي الجديد
 
هلا فيك اخوي
انا عندي حوض فاضي ما عندي ولا قطعه غير الحوض و قاعدته و اللمبات و محتاج مساعدتك في شراء اغراض الحوض و ارشادي للاماكن اللي تبيع الاغراض باسعار معقوله
يا ليت لو تقدر تخدمني اكون شاكر لك و هذا رقم جوالي 0558444222

sstootss 07-03-2007 02:24 AM
رد: مساعدتكم في حوضي الجديد
 
والله انا بصراحه اشتريت الاغراض
الاحجار من محل جدا رخيص من محل (بوريالين):)
والاكسوارت من محل ...مااعرف اسمه بس في حي قريب من حي الجلويه في الدمام وانا سمعت
انه الموزع للاسماك فيه حيوانات وفيه اسماك
اعطيني وقت واجيب لك اسمه

خالد999 07-03-2007 04:35 PM
رد: مساعدتكم في حوضي الجديد
 
اخوي المحل اللي تقصده اسمه مؤسسة العباد اللي في قسمه مائي و قسم طيور و زاواحف
بس للاسف المحل دايم زحمه و ما له خلق يعطيك وجهه

sstootss 10-03-2007 02:56 AM
رد: مساعدتكم في حوضي الجديد
 
بس بصراحه المحل رهيب
روح الجمعه الصبح بيكون هادئ جدا

خالد999 10-03-2007 08:37 AM
رد: مساعدتكم في حوضي الجديد
 
مشكور و ما تقصر و على فكره و للمعلوميه
تراه هو المحل الوحيد في الشرقيه اللي يجيب الاسماك البحريه و يوزعها على المحلات

فيحان 15-03-2007 11:07 AM
رد: مساعدتكم في حوضي الجديد
 
السلام عليكم أخي العزيز العباد إذا تبي حوضك يصير تمام وما فيه أمراض لا تشتري من عنده لأن سستمه كله أمراض وأنا راح أتواصل معاك عن طريق الجوال وراح أرسل لك رسالة وتى ما فظيت اليوم دق علي

"المرعب" 15-03-2007 03:51 PM
رد: مساعدتكم في حوضي الجديد
 
خذ السمك من عنده قبل لاينزلهم في الحوض انا اكلم راعي المحل واطلب النوع إلي ابيه واخذهم اول مايجيبهم من المطار "الشحن"ويكونون صاحين مافيهم اي مرض

خالد999 16-03-2007 12:34 PM
رد: مساعدتكم في حوضي الجديد
 
اخوي فيحان مشكور على اتصالك و ما تقصر
اخوي المرعب شكرا على معلومتك المفيدة و نفس كلامك قالوا الاخوان اني احجز اول ما يجيب السمك

scada 10-04-2007 12:04 AM
رد: مساعدتكم في حوضي الجديد
 
السلام عليكم

انا من الشرقيه وعندي حوض بحري واشتريته من محل بالخبر وعنده كل اللي تحتاجه من معدات واسماك مع ان المحل صغير لكن اللي تبيه يجيبه لك بس مشكلته اسعاره غاليه شوي.

انا سمعت انه في محل في البحرين مره كويس توني اخذت الوصف بروح اشوفه وبرد عليكم.




تحياتي

خالد999 10-04-2007 12:24 AM
رد: مساعدتكم في حوضي الجديد
 
وش اسم المحل اللي بالخبر؟


جميع الأوقات بتوقيت GMT +3. الساعة الآن 01:23 PM.

Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو