|
الخبيره ناديا او اي احد متخصص مرض غريب
السلام عليكم ورحمة الله اخباركم ان شاء الله انكم طيبين المهم انا قطوتي ما ادري وش فيها بقول لكم الاعراض وان شاء الله تعطوني حل - وزنها خفيف مررره - خفت شهيتها بشكل كبير ونادر ماتاكل (وشيك على اسنانها وسليمه مافيها اي تسوس او كسور) -معاد تهتم في نفسها بخصوص التنظيف وصار الذكر يجلس طول يومه يلحسها عشان تتنظف - عندها اسهال الله يكرمكم له تقريبا اسبوع وعليها (لونه مائل للسواد ) وقليل - دايم يتجمع عند فمها ريقها (تفالها) وبشكل واضح يعني السائل موجود برى الفم - صااااااااااارت كسووووووووله مرررررررره واغلب وقتها نوم في نوم - دااااااااايم تجي عندي وتجلس تصايح (ميااااو مياااااو ميااااااو) صارت توسخ في الارض على الرغم من وجود الرمل حقها رحت وديتها للبيطري وقلت له المشاكل هذي واعطاها ابرتين قال انها ابره فيتامين والثانيه حقت الاسهال بس للحين حالتها نفس الشئ ولا تحسنت اليوم مررره تعبااااانه وريقهاااا مررره طالع ووسخت الدنيا بريقها وش الحل يا جماعه وهذي معلومات ممكن انها تفيدكم عمرها 7 شهور ولاهي حامل واسنانها سليمه واكلها منوع ومطبوخ في المنزل (سلق) تحب الخضار مع لحم الدجاج والكبده (جزر وكوسه وفاصوليا ) وغير كذا تاكل اي شئ ثاني اتمنى يكون فيه حل غير الذهاب للبيطرين لانه مافي ابها بيطري متخصص في القطط وكلهم متخصصين في الاغنام وصررراااحه معاد اثق فيهم خير شر والله اسف من كثر ما اشغلتني القطوه ضيعت قسم الاسأله والاجوبه اتمنى من اي مشرف نقل الموضوع الي القسم المناسب واسف مرره ثانيه |
رد: الخبيره ناديا او اي احد متخصص مرض غريب
وعليكم السلام ورحمه الله وبركاته
قصدك لعاب يطلع من فمها كثير وماتقدر تتحرك هذي اعراض فايروس ولازمها دكتور فاهم مو اي دكتور بالنسبه للاسهال اعطيها سيريلاك بالرز واكلها لو بالسرينج او مهلبيه واخلط معاهم شويه عسل عشان يقويها واكلها ضروري اعطيها فيتامين حبتين باليوم و محلول بيبي لايت للجفاف شربها شويه كل ساعتين وضروري جدا دكتور يعطيها مغذي وافصل عنها الذكر لاتعديه وعقم المكان كله ربي يشفيها |
رد: الخبيره ناديا او اي احد متخصص مرض غريب
الاسهال الرغوى او الاسود اذا كان متكرر لعدة مرات فى الساعة الواحدة فهذا يدل على اصابتها بعدوى ميكروبية و تحدث هذه العدوى نتيجة (حساسية للادوية او تسمم) وفى هذه الحالة يجب اعطائها مضاد حيوى .
|
رد: الخبيره ناديا او اي احد متخصص مرض غريب
يؤ يؤ يؤ فايروس طيب يا دلوعه الفزعه ماعندنا بيطرين متخصصين في القطط كل ماوديتها عند بيطري قال ناقصها
فيتامينات واعطها ابره فيتامين لدرجه انه واحد منهم يقول اكلها سمك تونه ققلت له كثرت السمك والتونه مو زين للقطط قال لي بالعكس كله فيتامينات ومغذيه والخضار مو حلو للقطط ومدري ايش ومن وقتها عرفت انه ماعنده سسالفه معلش دلوعه اذا تقدرين اكتبي لي اسامي الادوريه وانا اجيبها لها لانه والله مافيه بيطري صاحي عندنا |
رد: الخبيره ناديا او اي احد متخصص مرض غريب
اقتباس:
لا ياخوك هي يالله يالله تروح للحمام الله يكرمكم وحتى لو راحت للحمام مايطلع شئ يعني شئ قليل جدا |
رد: الخبيره ناديا او اي احد متخصص مرض غريب
ربنا يشفيهالك يارب
بالنسبه لاعراض دى لازم تروح لدكتور وتاخد حقنه والاسهال اكلها دراى فود وسيرلاك بالارز ووممكن تديها انتينال من الصيدليه البشريه 2سم بس مش عارفه عشان الفيروس الى عندها دة ممكن تاخدة ولالا؟ |
رد: الخبيره ناديا او اي احد متخصص مرض غريب
اختي كم سؤال :
حالة القط بعد الفيتامين اللي عطاه مب عقب جم يوم من عطاه الابره ؟ سلوك القط مع القط الثاني ؟ كيف يتجمع التفال في فمها ؟ في انسداد في الحلق ؟ هل في انسداد في مؤخرتها ؟ هل مطعمه من الديدان ؟ هل تعاني من انتفاخ في البطن او الم عند قضاء الحاجة ؟ هل هناك ادوية عطيتها ورايت ان حالتها انتكست من عقب الدواء ؟ ابعدي القط الثاني عنه لايعديه |
رد: الخبيره ناديا او اي احد متخصص مرض غريب
اقتباس:
عارف المشكله انو لازمها دكتور لان الاغلب العلاج يكون بالابر والله لو بيدي افيدك ماقصرت برسل لك عالخاص رقم دكتور يمكن يساعدك باسم دواء او شي والاهم افصلها عن الذكر لاتعديه واعطيها فيتامينات |
رد: الخبيره ناديا او اي احد متخصص مرض غريب
اقتباس:
اللهم آمين حلو بس وش نوع الحقنه بالضبط ؟ اليوم شريت لها سيريلاك وبنسوي الرز وان شاء الله تتحسن شكرا اختي على النصائح المفيده |
رد: الخبيره ناديا او اي احد متخصص مرض غريب
اقتباس:
الف شكر على الاهتمام والله يجزاك خير |
رد: الخبيره ناديا او اي احد متخصص مرض غريب
اقتباس:
شكرا دلوعه على الاهتمام والله ماقصرتي بنسبه للمشكله المشكله الاكبر الدكتور نفسه وين احصله وبنسبه للرقم اللي اعطيتيني اتمنى تفيديني الرقم تابع لاي منطقه وشكرا لأهتمامك اختي |
رد: الخبيره ناديا او اي احد متخصص مرض غريب
اقتباس:
السلام عليكم .. عندي كم سؤال اتمنى تجاوب عليه حتى افيدك.. 1- هل القطه مطعمه كل التطعيمات؟ 2- متى اخذت القطه جرعت الوقايه من الديدان؟ 3-الاسهال كم مره في اليوم ؟ هل هو اكثر من اربع مرات؟ بخصوص اكلها ضروردا تغير النظام لانه غلط للاسف.. (( الكوسه والخضار الاخرى)) تزيد الاسهال عندها ..امنعها عنها مؤقتا اعطيها سيريلاك بالرز او مهلبيه بدون سكر وبدون حليب..فقط نشاء وماء يغلى على النار حتى يجمد ويقدم .. الاسهال له عده اسباب / اما يكون عندها ديدان مزمنه ولابد من التخلص من الديدان حتى يخف الاسهال او يكون عها التهابات في الامعاء وهنا الاعراض تختلف عند القطه ولابد من علاج خاص يطهر الامعاء ويخلصها من البكتيريا..(( لاكن قبل كل شي جاوبني على اسئلتي حتى افيدك. وواضح ان القطه حرارتها مرتفعه بدليل نومها الكثير وخروج بعض اللعاب منها. تاكد من حرارتها وقيسها بالترمومتر الزئبقي ولهي اكثر من 37 بيكون عليها حراره ولازم لها علاج حتى تنخفض. بخصوص اللعاب هل هو مستمر نزوله حتى يصل للصدرها؟ ام فقط تجمع خفيف في الفم؟؟ لان لو اللعاب مستمر في الخروج بشكل كبير وقتها القطه عندها فايروس.. تاكد من القطه وطمني عنها..و ياليت صوره واضحه للقطه. |
رد: الخبيره ناديا او اي احد متخصص مرض غريب
أخي حاول أن تستخدم كل من العلاجات الآتية
** الأدوية في الصيدليات البشرية 1- دمبيرودون شراب سائل تعطيها بالسرنجة( بدون رأسها الحديدي) في الفم 2.5 مل قبل الأكل ب نصف ساعة صباحاً و مساءً 2- سيفكسيم عيار 100 ملغم عبوة سعة 30 مل تجهزها و تعطيها في الفم ما بعادل 2.5مل مرة واحدة بعد الأكل 3- مبيندازول شراب تعطيعها 2مل صباحاً و 2 مل مساء *** الأدوية هي الأسماء العلمية الموجودة في الصيدليات البشرية *** صباحاً و مساءً أي كل 12 ساعة بالزبط لا زيادة و لا نقصان *** الدواء الثالث تعطيها منه 12 يوم و تتوقف لمدة 15 يوم و تعيده بعد ذلك لمدة 10 أيام و تتوقف 7 أيام و تعيده 7 أيام .. أعلمني في اليوم الثالث للعلاج ما الطبيعة الموجودة .... تخفف عنها الأكل لكن لا يضر اللبن مع الثوم و المرق الخفيف في أول 3 أيام فقط و تعود تعطي الأمور بتروي و دون الإكثار إن شاء الله فيها الشفاء و موفق |
رد: الخبيره ناديا او اي احد متخصص مرض غريب
اقتباس:
اسفه على المداخله لاكن عندي بعض الملاحضات على الادويه اللي كتبتها.. 1- دمبيرودون ...وهو علاج خاص لوقف الاسفراغ..علما بان القطه لاتعاني من الاستفراغ حاليا .. 2- سيفكسيم وهو مضاد حيوي بشري ...انا ماافضله على القطط.. الافضل في المقام الاول مضاد حيوي بيطري متخصص مثل البيتاموكس واذا لم يجد نستبدله بمضاد تركيبته مقاربه له وليس قوي . 3-مبيندازول وهو خاص لطرد الديدان عند الانسان .. لاكن ليس مجرب على القطط وصاحب المشكله الى الان لم يحدد هل القطه مصابه بالديدان ام لا.. ولو هي مصابه بالديدان فالافضل هو علاجها بالدرونتال لانه مخصص للقطط وامن لها واللبن غيــــــــــــر مفيد بحالتها لان عندها اسهال ..الا اذا كان لبن زبادي ممكن .. اما خلطه بالثوم ....خطر جدا على القطط لان الثوم والبصل من المواد السامه جدا عليها اشكرك دكتر خالد على المشاركه في القسم ..تحياتي لك |
رد: الخبيره ناديا او اي احد متخصص مرض غريب
اقتباس:
وبالمناسبه انك موجود بغيت اسألك سؤالين على السريع انا عندي ذكر نوعه مابين الشيرازي والانقور على حسب كلامك لي موجود صور له في التوقيع حقي وابغاه يتزاوج مع الانثى اللي صورها موجود في بدايه الفديو وش تنصحيني فيه اخليهم يتزاوجون ولا لا ؟ لانه فيه واحد نصحني اني ما ازوجهم وثاني سؤال وش نوع القطه اللي موجوده في التوقيع (بدايه الفديو )؟ والله يجزاااااااااااك كل خير |
رد: الخبيره ناديا او اي احد متخصص مرض غريب
هذي صور لها ومعلش على الصور ليس على المريض حرج ^_^ http://www.almlf.com/get-2-2011-almlf_com_yp4nf44m.jpg http://www.almlf.com/get-2-2011-almlf_com_jlvk6g9l.jpg http://www.almlf.com/get-2-2011-almlf_com_5haozlj5.jpg http://www.almlf.com/get-2-2011-almlf_com_0d9w5adr.jpg http://www.almlf.com/get-2-2011-almlf_com_iatog883.jpg |
رد: الخبيره ناديا او اي احد متخصص مرض غريب
اقتباس:
:eek: :eek: :eek: :eek: :eek: الله يجزاك خير اخوي والله حسيت انها تركيبه لقنبله نوويه :D لا لا كثر الله خيرك خلنا مع الخبيره ناديا وهي خبيره في الامور هذي وشكرا لك على كل حاال :shy: |
رد: الخبيره ناديا او اي احد متخصص مرض غريب
آسف على إبداء المساعدة و ندع مع خبيرة قسمكم العفو آسف
|
رد: الخبيره ناديا او اي احد متخصص مرض غريب
اقتباس:
على ايش تتأسف أخوي بالعكس انا اقول لك كثر الله خيرك وماقصرت على محاولتك مساعدتي بس في اشياء انت قلتها انا اعرف انها خطيره على القطط مثل الثوم وغير كذا الاخت ناديا وضحت لك الادويه الثانيه ممكن انها مفيده لحيونات ثانيه بس ما اعتقد انها تصلح للقطط على كل حال انا تشرفت وسعدت بتواجدك ومحاولتك مساعدتي والله يجزاك خير |
رد: الخبيره ناديا او اي احد متخصص مرض غريب
ضروري القطه تاخذ جرعات الوقايه لديدان لانها مهمه لها
والنظام الغذائي يتغير حتى يخف عندها الاسهال واعطيها من هاذي العلاجات: 1- مضاد بيتاموكس ملئ قطاره كامله مرتين في اليوم لمده خمس ايام 2- اعطيها حبوب درونتال مقدار نصف حبه مره كل شهر لمده ثلاث شهور متتاليه والعلاجات موجوده في الصيدليات البيطريه واللعاب عادي ..يروح مع العلاجات والاهتمام بالغذاء وبخصوص تزاوج القطط.. لو تحب يكون الانتاج مميز وبيور ..زوجها من تركي انقور بيور ولو زاوجتهم عادي مافيها مشاكل بيطلع الانتاج حلو وكلهم ابيض .. |
رد: الخبيره ناديا او اي احد متخصص مرض غريب
اقتباس:
اختي اول شئ حاب اشكرك على مساعدتك لي والله يوفقك دنيا واخره والله يشهد اني دعيت لك وانا اصلي وامي دعت لك ولا عندي شئ اكافئك به الا الدعاء لك انتي واللي ساعدني فجزاكم الله خير اقولكم السالفه سويت اللي قالته لي الخبيره ناديا والحمد لله من ثالث يوم والقطه تتحسن الاسهال وقف وزنها رجع وصارت ثقيله نشطها يؤ يؤ وش اقولكم عن نشاطها لدرجه اني تمنيت انها تكون مريضه من قوه الازعاج اي شئ تشوفه يتحرك تلحقه ولعبت في الذكر كل ماشافته نايم ولا مروق هجمت عليه وتلعب معه وزااااااااااااااااااااد حبها لي اكلها صار ميه ميه اول وحده تطب على الاكل واخر وحده تقوم منه صارت تهتم في نفسها وتنظف نفسها اذا طلعت تلحقني وتجلس تصايح لين ارجع لها وتجلس تمسح فيني وتلعب معي يانها جننتني هذي القطوه واللي جنني اكثر وحيرني انها توقف وتفتح الباب بيدها بشوف عيني باقي مشكله العاب هو مو مثل اول بس خف بنسه 90 % |
رد: الخبيره ناديا او اي احد متخصص مرض غريب
الحمدلله على تحسن القطه
وجزاك الله خير على دعواتك الطيبه.. وانا ماسويت غير واجبي ومايمليه علي ضميري . والشكر لك لعنايتك للقطه بشكل ممتاز بخصوص اللعاب راح يخف تدريجيا مع الوقت لاتخاف عليها بما انها نشيطه وتلعب فهي بخير وعافيه .. |
رد: الخبيره ناديا او اي احد متخصص مرض غريب
سلامات عليها ماتشوف شر
احتمال يكون فايروس اومن ادوات النظافه مثل الديتول او الكلركس عملها تسمم حاول تبعدها عن القط عشان لا تعديه وان شاء الله ماتشوف شر |
رد: الخبيره ناديا او اي احد متخصص مرض غريب
الحمد لله على سلامتها ومايحسد المال الا اصحابه قول ماشاء الله
|
| جميع الأوقات بتوقيت GMT +3. الساعة الآن 06:30 PM. |
Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو