منتديات تو زوو - فرخ رمادي دخل حياتي (مع صور)

السلام عليكم..

ها نحن نعود إليكم من جديد (حضرتي, والمحروسة ميسون), بما استجد معي وإياها.
ميسون طبعاً زاد وزنها وحجمها, وصارت أحلى من أول (بس لو ما قصيت جنحانها, كان تكون ست الحلاوة)..ومعرفتها لي زادت والعلاقة صارت أكبر. والملاحظات هي كالتالي:

1- كمية الأكل قلت وصرت أعطيها ما بين 25 إلى 40 مل فقط بعد ما كانت تاخذ 75مل. ما عاد صارت تتقبل الخلطة* مثل أول -واللي رفض صاحبها يقول لي وايش مكوناتها-, بس عشان أخليها تتقبل الأكل, صرت أخلط الكمية مع شوية عسل وحليب بودرة مجفف, أو الخلطة مع شوية لبن أو حليب مراعي, أو الخلطة مع بسكويت الأطفال اللي يذوب بالماء الحار... إلخ.
والحمد لله انفتحت نفسيتها للأكل بكثير.

2- الملاحظ على برازها ما زال بلون مو بعاجبني ( بني مصفّر أو بيج غامق) مع الكثير من السوائل. وتكراراً ومراراً على مدار اليوم. أغلب الوقت جالسة على الاستاند, لكن لمن تنزل الأرض تتبرز كل دقيقة كل ثلاث دقايق, ولا مبين عليها اثار مرض أو إصابات, الصحة ممتازة والنفسية ما يحتاج, وتروح وتجي ولا عليها, بس برازها المتكرر ذبحني. والله البيت جديد وراح مزبلة.

http://www.jojokw.net/uploading/IMG_0052.JPG
وانتم بكرامة

3- قصيت جنحانها بعدما زقت فوق الدواليب والرفوف, لكن الحين جاء دورها مع الأرضية. وسبب ثاني هو إني خفت لاتطير علي.

4- ما زالت لا تحب الترويش, مدري ليه؟! رغم محاولاتي الكثيرة, يا إما في مغطس إلى مستوى مناسب لها, أو بالرش من فوقها.

5- مشكلة في الحجم, صح أنه زاد عن أول بس مو باللي كنت أتمناه, وأستغرب لماذا!.

6- المشكلة الكبيرة والمحيرة أنها لا تتكلم ليشششششششششششششش؟!؟!؟ وعمرها الحين وصل أربعة أشهر ويومين, ودوم أنا أتكلم معاها (زي المجنون) وأكرر عليها كلمة (حبيبي) (حبـــــــــييييييييييـــبـــــــيييييييييي)

7- بس عاد تدرون (وحرمتي لا تدري), ميسو ريحتها حلللللللللللللوة..

8- إذا جيت طالع من البيت وعارف نفسي إني بأطول برا, أخذها معي.
ومثل ما قلت لكم من أول, إنه عندي (مشيريع صغير, وهو بناء بيت للمحروسة) وقد بديت فيه بس باقي عليه أشياء بسيطة, بأطلعكم على الصور لمن أخلص منه..

بس تدرون؟ مافيه مانع أعطيكم (طلة)...

http://www.jojokw.net/uploading/IMG_0003.JPG

http://www.jojokw.net/uploading/IMG_0008.JPG

http://www.jojokw.net/uploading/IMG_0010.JPG

http://www.jojokw.net/uploading/IMG_0024.JPG

http://www.jojokw.net/uploading/IMG_0018.JPG

http://www.jojokw.net/uploading/IMG_0013.JPG

ويا جماعة الخير, إذا أحد فيكم شايف أنه فيه شي غلط أسويه أو أي تعليق أو سؤال فتكفون, ترون (تكفا) تهز الرجاجيل, لا تبخلون علينا...
حنا ما جينا هنا إلا لتبادل الخبرات ونستفيد من بعض.
والله يجزاكم بالخير.