منتديات تو زوو - قطتي مريضة وتستفرغ وحالتها حالة ابي مساعدتكم باسرع وقت بليززز

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

رد: قطتي مريضة وتستفرغ وحالتها حالة ابي مساعدتكم باسرع وقت بليززز

اقتباس:

المشاركة الأصلية كتبت بواسطة you123 (المشاركة 2192521)

مالقيت كلافوكس
لكن اعطاني شراب ثاني اسمه Augmentin
يقول نفس التركيبة لكن شركة مختلفة

اخذته واعطيته 5 ملل
والله يستر بس

لا الجرعه كثيره والمضاد هذا قوي
بما انو قطوتك بس ترجع ومافيها اعراض تعب ثانيه لاتعطيها علاج استنى
ايش اللي ترجعه بس الاكل؟او له لون؟
صومها عن الاكل وبعدين اعطيها زبادي قليل دسم مع شويه عسل يهديء المعده
وتاكد من حرارتها الحراره بتسبب الخمول اعمل لها كمادات بمويه فاتره على بطنها واطرافها
الله يشفيها

رد: قطتي مريضة وتستفرغ وحالتها حالة ابي مساعدتكم باسرع وقت بليززز

صدقني انا قطتي كانت تعبانة ولحد اليوم بس اعطيها فيتامينات تعوض جسمها وانت تراك مزود الجرعة بقوووة راح تظل بخمول ممكن لمدة 24 ساعة لحد مايروح مفعول العلاج ...

الله يهديك الطفل بخمس سنوات يعطونه 5 مل ...

رد: قطتي مريضة وتستفرغ وحالتها حالة ابي مساعدتكم باسرع وقت بليززز

اقتباس:

المشاركة الأصلية كتبت بواسطة دلوعةقطوتي (المشاركة 2192590)

اختي الله يجزاك خير

هي ترجع الاكل فقط ماشفت لون

انا اعطيتها زبادي قليل الدسم قبل شوي وبالغصب بعد

باجرب الكمادات هالحين

شكراااااا

رد: قطتي مريضة وتستفرغ وحالتها حالة ابي مساعدتكم باسرع وقت بليززز

اقتباس:

المشاركة الأصلية كتبت بواسطة تجيني ولا اجيك (المشاركة 2192592)

تراك خوفتني ياخي خخخخخخخخخخ

الله يستر توقع جبت العيد فيها؟

ربك يفرجها ..

انت ادع لها بس
لاتلحق اختها ماتت قبل شهر

رد: قطتي مريضة وتستفرغ وحالتها حالة ابي مساعدتكم باسرع وقت بليززز

اقتباس:

المشاركة الأصلية كتبت بواسطة you123 (المشاركة 2192601)

لا ان شاء الله بس شكلك جبت رمضان ...

الله يقومها بالسلامة ...
ويخليها لك ...

رد: قطتي مريضة وتستفرغ وحالتها حالة ابي مساعدتكم باسرع وقت بليززز

ماتت لانك مو داري عن عمرك وجالس تمزح وتضحك ف الموضوع وهذي روح بين يديك ..

5 ملل .. ليش ماسألت قبل لا تعطيها ..

انا اتعب من الاوقمنتين فمابال ب قطه عمرها شهرين ليتها كبيره ..

بدال ماتكحلها عميتها ... الله يستر ويشفيها ربي من عنده ..

دام ماعندك خبره بالقطط الصغيره نصيحه من اخت لا عاد تشتري .. وتحطهم بذمتك ..

رد: قطتي مريضة وتستفرغ وحالتها حالة ابي مساعدتكم باسرع وقت بليززز

اقتباس:

المشاركة الأصلية كتبت بواسطة مس^^مس (المشاركة 2192608)

الله يجزاك بالخير يااختي العزيزة
وشاكر لك ع النصيحة

لكن يااختي والله انا مالي في القطط ولا اعرف لها وحنا بمدينة صغيرة لافيها محلات قطط ولاكلاب اعزك الله
لكن هذي قبل شهرين في بسة ولدت عندنا بالحوش وهربت وخلت اولادها ولاتجيهم بالمرة
ومن اول يوم ولادة بديت اعتني فيهم وارضعهم وبما اني جاهل بموضوع التربية دورت منتديات خاصة بالقطط والحمد لله سجلت هنا وبديت اسئل وماقصرو خاصة دلوعة قطوتي والخبيرة ناديا
المهم من ثاني اسبوع انمرضت وحدة وسئلت هنا واعطوني وصفه وشريتها من الصيدلية واعطيتها لكن ربك اراد انها تموت وبقت لي هذي وهالحين عمرها شهرين اليوم فجأه مع انها تلعب معاي الفجر انمرضت ولا ادري وش فيها

وانا الحين والله مواصل على شانها مايجيني نوم وهي بالوضع هذا
انا اقول الكلام هذا بس ع شان ابعد شبهة الفسوق واللعب بالارواح
والا الاجر والمثوبة بيد الله والسرائر لايعلمها الا الله وهو يجازي كل معبود على عمله

للتوضيح فقط

رد: قطتي مريضة وتستفرغ وحالتها حالة ابي مساعدتكم باسرع وقت بليززز

يااخت دلوعة قطوتي مافي شي يخفف الحرارة غير الكمادات؟
مافي شراب اوشي ثاني
احسها حارة حيل

رد: قطتي مريضة وتستفرغ وحالتها حالة ابي مساعدتكم باسرع وقت بليززز

يااخوان فيه شيء طالع تحت فكها كانة غدة مدري وشو الصباح ماهو موجود

رد: قطتي مريضة وتستفرغ وحالتها حالة ابي مساعدتكم باسرع وقت بليززز

امسك منشفه وغمسها بمويه فاتره واعصرها وخليها على بطنها والاطراف وكل شوي بللها
او جيب كيسين نايلون وعبيهم مويه واربطهم وخليهم على اطرافها وبطنها وان شاءالله بتخف الحراره
انا مااستعمل علاجات بشريه اخاف اعطيهم شي عشان كذا ماقدر افيدك:( الخبيره هي اللي تعرف

قطوتك يطلع منها لعاب الحين؟