المشاركة الأصلية كتبت بواسطة الفراشـــــة (المشاركة 209050)

بسم الله الرحمن الرحيم

شخباركم يا جماعة ؟ و اشلونكم ؟ واش شكلكم ؟:p :p :p <<< تبي تسوي روحها ظريفة :D

ع العموم عندي لكم خبر في بدايته مفرح و في نهايته محزن :(

1

2

3

أكشن .. :cool:

إسمعوني ..





شريت حقي همستر أنثى :)

و ضميتها حق همتوووورة في قفصها .. لأني فاصلة همتارووو عنه همتورة مثل ما تعرفووون ..

خليتها مع همتورة بالقفص ..

ما اختلف لونها عنهم :rolleyes:

خوب المحل الله يسلمكم ما فوقه فوق .. عنده ألوان و أشكال :D << العكس صحيح ..

بس بصراحة ..

كان جمالها يفوق جمال همتارو و همتورة ..

ملامحها و شكلها كان أحلى ..

كانت قصيرة :rolleyes:

ما فيها طووول :)

و لطيفة و سمينة :rolleyes:

و في نفس الوقت صغيرة الحجم ..

و حسيتها صغيرة في السن ..

عشان جذي بدعت عليها إسم .. كتكوتة ..

تصدقون ؟

البابا بطل عيونه هاللون :eek:

يقول ..

جنها هذي أحلى من فيرانج بوايد :confused:

آنا عن جد أنقهرت .. ( ما فيه رمز وجه غضبان ؟؟!!!!! :confused: ؟؟؟!! )

المهم آنا انقهرت ,, ( وجه غضبان ) هههههههههههه ..

بس مو مهم ..

المهم انها كانت في قمة الجمااال ..

و اللي مجملنها زيادة .. إنها كانت هادية و راكدة .. انا شريتها أساسا عشان هدوءها ..

حتى من كثر ما هي هادية .. بس تحطها في ايدك تمسح عليها اشوي ..

سلااااااااام عليييييكم البنت نامت و وصلت للسما السابعة ..

يعني باختصار ..

تقدر تسميها ..

عاشقة النوم ..

آنا عن جد حبيتهااا .. و لبق لي شكلهااااا .. و حتى لما كنت اطالع التلفزيون أخليها تنام

في ايدي و اطبق عليهاااااا بكلتا اليدين عشان تحس بالدفء و الأمان ..


و هاي اللقطات اللي جبتها لكم .. كلها و هي نايمــــــــة في راحة إيدي ..

هذي كتكوووتتي .. حطيتها في ايدي بس اشوي .. سيده جتها الرقدة و نامت ..

لا وقامت تشاخر بعد :p

صدقتون انها شاخرت ؟ :D

لالا الهمستر ما يشاخر ..

و إذا يشاخر .. الخبر عند الخبير .. ما قط قضيت معاهم نومة :p

http://www.9m.com/upload/21-03-2007/...9011744575.jpg

http://www.9m.com/upload/21-03-2007/...8011744874.jpg

http://www.9m.com/upload/21-03-2007/...1174483957.jpg

http://www.9m.com/upload/21-03-2007/...1011744838.jpg

http://www.9m.com/upload/21-03-2007/...1174481118.jpg

و هذا فيديووو ما يبين وجهها واضح .. في الطبيعة احلى .. بس مبين حجمها إش قد صغنونة ..

http://la.joreyat.org/download.php?i...81ef8037e223b7

انتهى الخبر المفرح جاء دور الخبر المحزن ..

حطيتها مع همتورة في القفص صح ؟

الحلووووة همتورة ..

وررررت كتكوتة الويل بعيووونه .. و عطتها ضرررررب و طلعت منها الدم .. و بصراحة و بكل أسف

مزقت همتورة الغشاء اللي يحيط بعين كتكوتة .. و نزعت كل الشعر اللي يحيط بعينها .. و صار

شكل كتكوتة مشوه لدرجة فضيعة :(

صارت عورة بصراحة :(

عيونه حولة و عيون صحيحة :(

و صادتني تعاسة بالغة .. و اتحطمت انا بصراحة .. لأني كنت فعلا مستانسة فيهااا .. حتى و انا

اتغدى و انا اتعشى كنت أفكر فيها .. رجعت من الجامعة عشان أطمن على حالها .. لقيتها

حالتها حالة و الله مبللة دم و راكنة روحها في زاوية من زوايا القفص و هي ترتجف من البرد ..

و الظاهر إن عين كتكوتة التهبت .. صارت مو صافية و عليها طبقة تبين إنها عكرة ..

انا ما اتوقع ان شكلها الطبيعي بيرجع من جديد :(

اهئ اهئ اهئ ..

أحس بالحزن .. قلبي يوجعني عليها و الله كسرت خاطري ..

همتورة طلعت مجرمة و ما اتقبلت الفرد الجديد ..

و تقولون لي يعيش في جماعات ؟

انا كان المفروض احط عازل بس انا خطأت ..

كل اللي أتمناه ان ترجع كتكوتة كالسابق جميلة و طيوبة ..

تحياتي للجميـــــــــــع

المشاركة الأصلية كتبت بواسطة الفراشـــــة (المشاركة 209549)

الله يرحمه ..

هههههههههههههه ..

و الله يعوضك في كمتارووو 2 .

تسلم على مرورك .