|
رد: مشكلة مع طيري له اسبوع
طيب الله يرضا عليك وش استخدم والاخظ انه يهيج بعدها
وحركة اني اشغله بيد واحك راسه بالثانية ما تمشي عليه ما شاء الله ذكي تدري لو وقفت قدامه يهيج مره ولو حركت شفايفي او رمشت حتى يرجع يجعر خوووواف بس اليوم كملت معاه أن ياكل من عود بعدين صار ياخذ من يدي اعطيته فول سوداني بالقشر عض اصبعي عضه خفيفه كأنه يقول ما ابييها ولما اعطيه دوار الشمس ياخذه ومبسووط لما اروح وارجع يجعر ويبطل ياكل الا بالدلع |
رد: مشكلة مع طيري له اسبوع
اختي اهم شي بالترويض الصبر
اول شي خلي الطير يتعود علي المكان والبيت لما يرتاح بالبيت وثاني شي اهم شي بالترويض انج تقصين جناح الطير وتبردي الاضافر نصيحه روحي لبيطري بقص الريش وبرد الاضافر لا تفكري انج تقصين الريش لان الطير عنده حاسه الشم قويه ويقدر يميز من الي قص الريش من ريحه الانسان وانا انصحك تحطين الطير علي الاستاند او يكون بره القفص ساعه وبعدين تحكي راسه شوي شوي وهو وفوق القفص استمري كم يوم علي هالطريقه وبعدها حاولي تطلعين الطير علي ايدج نصيحه كثر ما تحكين راس الكاسكو راح يحبج اكثر ويرتاح للبيت انا اذا ابي اروض الطير احك راس الطير بالساعات اكثر من يوم وانتي تحكين راس الطير قولي له كلمه راس علي شان يعرف الامر |
رد: مشكلة مع طيري له اسبوع
ما يقعد في مكانه ويروح في كل مكان وارجعه بالخناق
هو يرتفع بشكل بسيط هل هذا معناته جناحه مو مقصوص؟ يعني لو اقص جناحه بيرفخ شوي اليوم جيت بس يشوفني يجعر في وجهي |
رد: مشكلة مع طيري له اسبوع
اختي في الترويض لا تتوقفي ابدا لانه
الطير بعد الترويض تهمله راح يرجع متوحش و الجناح لا تقصيه لانه يظن انه انتي تعاقبيه و ياثر على حالته النفسية |
رد: مشكلة مع طيري له اسبوع
أنا اليوم قررت ما أقص ريشه بالعذاب هجد ولا مسكته بالبطانيه بس عضني عضه يخوفني لأني لمست رجله بدون اذنه
شوي يسمح لي المس منقاره ويسوي نفسه بيعضني ويبعد جسمه شوي لورا أول كان يجعر صار ياكل من يدي أول شي من وراء القفص هلحين عادي وجها لوجه وأحيانا يستهبل ما ياخذ مني ويرميه مرات اعطيه فول سوداني بالقشر حقه يقوم يعض على اصبعي عضه خفيف وما ياخذه فهمت انه ما يبي واذا اعطيته دوار شمس ياكل احس تطور جميل والا وش رايكم |
رد: مشكلة مع طيري له اسبوع
أول ما طلع من القفض طار في الغرفه وصار يصفر من جا عمره ما صفر
وبعدين رجعته للعصاء فوق القفص وجلس هناك شلته بعصا ويرجع لمكانه من نفسه ما شاء الله ذكي |
رد: مشكلة مع طيري له اسبوع
اقتباس:
طيري اكتشفت عمره سنتين وكثر شوي بس ياكل من يدي ما يغني ولا يرضا المسه تعب من فنره وطاب له فوق الشهر في الاخير نقلته غرفتي لأن في احد شكله كان جارحه لاني لقيت دم في قفصه من كم يوم بس رضا المس رجله اول يعص بسرعه ويضربها هلحين يطالع يدي ويسحبها على خفيف جربت معاه العسل بس ما يحبه كثير من كم يوم بدا يستطعم شوي ويتقبل نوعا ما ما ياكل الا فول سوداني و دوار الشمس يا ايت اخوي تكرمني بطريقتك اللي ذكرت |
رد: مشكلة مع طيري له اسبوع
ام صدى
بما انه عمره سنتين يغلبك شوي قص الجناح من شروط التدريب لاتزيد حصة التدريب 15 دقيقه الصبر وطولت البال ولاتنسين المكافئه من عناصر التدريب الناجح. |
رد: مشكلة مع طيري له اسبوع
يعني استاذي اقص ريشه
لاحظت انه صار يوازن نفسه في طيرانه شكل ريشه طلع البارح سويت حركع صرت اعلى منه وصرت احك راسه بالعذاب اقد المسه بس بدت تخ مقاومته واعطيه فول سوداني واروح واليوم صر يشوفني وانا احك راسي يقاوم بس اخف من اول بعد كم يوم باخذه عشان اقص ريشه |
رد: مشكلة مع طيري له اسبوع
من شروط الترويض ترك الطير لمده لاتقل عن شهر كي يتاقلم على الوضع الي هو فيه وعلاشان برضو يثق في الاشخاص الي حوله معروف عن الافريقي انه طير حساس ومتذمر وشكاك مررره يجب ان يطمأن من الاشياء الي حوله والاشخاص الي موجودين معاه واهم شيء والقاعده الاساسيه للترويض والتدريب هي الصبر ثم الصبر وطوله البال نصيحه عدم الاستعجال في الامور وترك التدريب والترويض الين مايهدء الطير ويتعود على رؤيه الادمين لانه الافريقي بغبغاء بري ومعروف عنه انه من اذكى الطيور على الاطلاق لذلك يحتاج الي وقت كي يتعود على المكان وكل شيء حوله ويوجد وقت كبير جدا للترويض والتدريب اهم شيء المحافظه على النظافه المستمره وتغير الماء كل يوم وتنويع الاكل وان شاء الله مع مرور الوقت الطير تدريجيا راح يتقبل الوضع الي هو فيه لانه الان يمر في مرحله خوف شديد وارتباك وشك علشان كذا الطير ينفش ريشه وهذا يدل على الهجوم لكل من يتقرب منه وخاصه في هذه المرحله ونصيحه عدم استخدام العنف والشده وترك الطير على راحته وعدم الظغط معاه باي وسيله .
|
| جميع الأوقات بتوقيت GMT +3. الساعة الآن 04:38 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو