رد: ارجو المساعده بسرعه القطه بتعرج وتعبانه جدا
 

انا اسفة لما قلتي ما احبها ومش نظيفة افتكرت تقصدي القطة ...اكرر اعتذاري

رد: ارجو المساعده بسرعه القطه بتعرج وتعبانه جدا
 

لا مفيش اسف ولا حاجه بالعكس انا بفرح لما بلاقى حد عنده رحمه وبيزعل على حيوان لا حول له ولا

قوه ربنا يزيدنا رحمه من رحم يرحم الحمد لله عملة الاشعه انهارده وطلعت عضه الدكتور قال انها عضة

انتقام الله يسامح القط اللى عضها انا مش عارفه مين فيهم هما كلهم بيلعبوا مع بعض وبيجرو وراء

بعض مش عارفه مين فيهم اللى عمل كده الدكتور كتب ليها حقن مضاد حيوى لمدة اربع ايام ادعولها

ربنا يشفيها لحسن وجعت قلبى من صوت النونوه وهى بتتالم ربنا يشفيها ويشفى كل مريض يا رب

رد: ارجو المساعده بسرعه القطه بتعرج وتعبانه جدا
 

سلامتها
اديها المضاد ولو شأشفه مان العضه طهريه بيالبيتادين
وضرورى تأكليها

رد: ارجو المساعده بسرعه القطه بتعرج وتعبانه جدا
 

الله يسلمك يا قمر انا ماشيه على علاج الدكتور وانهارده كان تانى يوم الحقنه والحمد لله الحراره نزلت والورم فش شويه وبعملها كمدات ميه دافيه الدكتور قال لو شقت انضف ببتادين واوديها يغير عليها وقال ان غالبا مش هيشق ويصرف لوحده المشكله فى موضوع الاكل مش عايزه تاكل بالرغم انها جعانه تطلب الاكل واو ما تاخد اول قطمه تخدها بلهفه وبعد كده مترضاش تفتح بؤها خالص الحاجه الوحيده اللى ممكن تاكل منها معلقه الزبادى ويدوب قد معلقة شاى وبشربها لبن لو فى اى حاجه ممكن اعملها قوليلى انا بثق فى كلامك جدا وعن تجربه فى مواضيعى اللى قبل كده

رد: ارجو المساعده بسرعه القطه بتعرج وتعبانه جدا
 

اهلا بيكى حبيبتى
ضرورى تاكل اكليها بللسرنجه زبادة وياريت عليه نقطتين عسل
وكمان تقدرى تعملى خضار زى الكوسه ولبطاطس وتحطى عليه كبده فراخ وتضربيهم ف الخلاط
وتاكليها بردو بالسرنجه
المهم تاكل عشأن المضاد