|
رد: لي مايغردو
اعتقد ان الاتنين اناث فى مرحله القلش
وعلشان كدا مش بيغردوا وحتى لو فى واحد فيهم ذكر يبقى ليا صغير اوى والاعضاء يفيدوك اكتر منى |
رد: لي مايغردو
وينكم يا جماعه الخير أفيدوني
|
رد: لي مايغردو
اناثي
|
رد: لي مايغردو
طيب هم عمرهم 6 شهور هل يوضح بأنهم ذكور اأم إناث لأني لاحضت الريش عند المحل بس قالي أنت تشوف بالخدود مو بريش
|
رد: لي مايغردو
اخوي العزيز كما قلت لك سابقا الاثنين اناثي اللي في الصورة الاولى انثى مو بالغة اما في الصورة الثانية انثى جاهزة يا اخوي انت جالس تشككني في معلوماتي والله اني متاكد مليون في المية وللتاكد اكثر افتح جناح اللي انت تقول عليه ذكر لو كلو منقط كلو يكون انثى مية في المية وهذا ليطمئن قلبك لكني واثق مليون في المية والله ولي التوفيق
|
رد: لي مايغردو
اقتباس:
يا مستر عبدالرحمن لا يغرك كلام البايع اللي اكتشفته ثلاث أرباع العمال اللي يبيعو في محلات الطيور غشم ( إلا ما رحم ربي ) تلقاه بنقالي ما يعرف كوعه من بوعه و جاي هنا مسوي فيها معلم و خبير في الطيور و هو من جنبها و نص الربع اللي بقي نصاااابين بس يبغو يبيعو و يمشوا بضاعتهم و يصرّفوها بأي طريقة حتى لو بالكذب و العياذ بالله ( برضو إلا ما رحم ربي ) و اسألني أنا ياما أكلت منهم مقالب بس الشكوى لله عالعموم لو تبغى نصيحتي خليك على كلام الإخوه الأعضاء هنا في هذا المنتدى اللي قدم لنا الكثيييير صراحة الله يجزاهم خير و ما عليك في كلام البياعة و أصحاب المحلات الشباب هنا نخبة من الخبراء ، و أقولها بفم مليااااان :wao: ، خبراء بمعنى الكلمة ( ناس تفهم و تمارس هواية تربية الطيور و تفريخها من واقع تجربه ) بس إنت إمشي على كلامهم و الله يوفقك عالعموم تعيش و تاكل غيرها أخوي عبدالرحمن :12: و ترى ما صار شي ، تقدر ترجع للمحل و تبدل وحدة من الإناث اللي عندك بذكز بالغ و جاهز للإنتاج و لو رفض حسبي الله عليه ، عندك خيار ثاني إنك تبيع وحدة فيهم و تشتري بقيمتها ذكر لا غبار عليه و ياليت لو نويت تعمل بنصيحتي تصور الذكر اللي بتشتريه و تنزل صورته هنا في المنتدى قبل تشتريه و تاخذ رأي الأعضاء فيه من ناحية البلوغ و الجهوزية و خلوه من الأمراض أو القلش عشان ما تتمقلب مره ثانية ( ضربتين في الراس توجع ) هذه نصيحتى و إنت الحكم ونتمنى لك التوفيق و عقبال ما نشوف إنتاجك في القريب العاجل يا بطل تقبل وافر احترامي و تقديري العميقين |
رد: لي مايغردو
هل أنت متأكد لأني أخاف أبد الأنث الغير جاهزه بذكر ويطلعو الأثنين ذكور
|
رد: لي مايغردو
أخــوي الإثنين آنآث...
بدل إحداهم بـ ذكر... بالتوفيق يالغاليَ.~.:) |
رد: لي مايغردو
طيب إنت من وين تشتري الطيور وبكم أسعار المحل
|
رد: لي مايغردو
عبدالرحمن إنت من جدة و تسأل من وين تشتري الطيور ؟ :mad: شي عجيب و الله :D ياخي إحمد ربك في جدة ما شاء الله تبارك الله متوفر عندكم كل شي الطيور بأنواعها و مستلزماتها كمان ، حتى الأسعار معقولة يعني بإختصار ما تحتار عندك ألف محل و محل تنقي و تختار على كيفك وش أقول أنا اللي عندنا هنا كلها محلين إثنين بالعدد و شي يفشل صراحة طيورههم منتهية و مريضة و منتفه و مغشوشة ، ولا أدوية ولا بياطرة ولا شي لا و أزيدك من الشعر بيت ، المحلين أخس من بعض وصاخة و ريحة المحل تقلب الراس لا نظافة ولا إهتمام ، والأسعار نااااااار :eek: بس وش نقول شوف حبيبي : ( بعد إذن الإدارة طبعا ً ) أنا بدلك على كذا محل في جدة ، المفروض أراسلك عالخاص مو هنا عالعام ، لكن أبغى تعم الفائدة الجميع و الكل يستفيد أكيد بتلقى طلبك عندهم بإذن الله و بقسمها لك على مرحلتين للتوضيح المرحلة الأولى : وسط جدة 1 - محل إسمه ( الأمازون ) شارع حراء شرق طريق المدينة بجوار دوار الجواد الأبيض 2 - محل إسمه ( واحة الحيوان ) في شارع الستين بجوار البيك 3 - محل إسمه ( فيفا ) بشارع التحلية غرب طريق المدينة بإتجاه البحر ( هذه المحلات راقية و نظيفة بس أسعارهم عالية شويتين ) المرحلة الثانية : جنوب جدة 1 - سوق الأهدل جنوب جدة مجموعة محلات جنب بعض ( أنا أشتري طيوري من هناك ) 2 - سوق الحمام بالخمرة ، بس هذا زي ما تقول حراج يبغالك تطلع له يوم الجمعة الصباح بدري يعني على الساعة 8 و نص أو 9 ( هذه المحلات مو ذاك الرقي و النظافة بس أسعارهم ممتازة جدا ً و طيورهم كويسه ) صدقني يا عبدووو ما ذكرت لك هالأماكن إلا إني حريص أبغاك تلقى طلبك وما تتغلب و عندك كمان قسم البيع في المنتدى ، شايفك لك كم يوم تسعر و تفاصل و تزود على بعض العروض <<< كفششششتك هاهاهاهاهاه :12: عالعموم اللي يسأل ما يتوه و زي ما قلت لك ، صور الشي اللي عينك عليه و نزل صوره هنا في المنتدى قبل تشتريه و خذ رأي الشباب عشان ما تتوهق و تتمقلب مره ثانية و إذا في محلات ثانية أكيد الأعضاء بفيدوك و ماراح يقصرو معاك و بالتوفيق |
| جميع الأوقات بتوقيت GMT +3. الساعة الآن 04:59 AM. |
Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو