ادخل تكفون الحقو

[هامستر كوم]

يا شباب حبية اسئل كيف اخلي الببغاء يتكلم

[وعـــد الهـــوى]

امممممممممممممم
من العنوان قلت الظاهر الطير مريض
................
المهم
................
تعليم الكلام
انك تكرر عليه الكلمه دائما
وتبدء بكلمه معينه وتقولها له دائما
مثلا
كل ماتجيه تناديه باسمه
او لمن تجي تحك راسه تقول له هات راسك
...............
وان شا يفيدوك الاعضا بشرح اسهل

[وعـــد الهـــوى]

ممكن يفيدك الرابط هذا
http://www.2zoo.com/vb/showthread.php?t=73

[هامستر كوم]

مشكور اخو بس فين الاخوان ابيه يتدرب

[×[( مروّض الـ قوآرض )]×]

هآمستر كوم ..

دآم إسمك هآمستر و أنآ مروّض القوآرض ..

يعني ورآك ورآك ..

لو تسمح لي أتدخل في موضوعك و أفيدك بـ كم كلمه أعرفها ..

يمكن مآ تكون جديده عليك بس بقول اللي عندي ..

أول شيء لازم تعرف كم عمر الطير .. يعني هل عنده قآبليه للكلام ..

هل هو كبير أكثر من اللآزم أو صغير أكثر من اللازم ..

و إيش نوع الببغآء .. لأن قدره الكلآم واللعب والرقص تختلف من نوع لـ نوع ..

وبعدهآ لآزم تهتم بـ المكآن المنآسب ..

من حيث الهدوء .. واختيار الوقت المنآسب " الصبآح .. المغرب .. "

لأنها أوقآت نشآط الطآئر ..

حط بالكمبيوتر أو الجوآل أو المسجل .. مقطع معين ..

وخليه ينعاد عليه طول الوقت و كل يوم بنفس الوقت و عطيه أكل بعدها ..

أو كرر عليه الكلمه بنفسك وانت تهمس له و تعطيه أكل بيدك ..

لين يتعود عليها ..

و مع الوقت بيزيد ذكآئه ..

ويتكلم بطلآقه ..

و هذي طريقة عآمه وتختلف الطرق حسب نوع و عمر الطير و إمكآنياته وذكآئه ..

.. و تحيآتي لك ..

::..×[( مروّض الـ قوآرض )]×..::

[هامستر كوم]

اخوي مشكور ما قصرت بس نوعه الدره المطوق لون الطوق اخضر فاتح
العمر سنه تقريباً او اقل بقليل سليم الحمد لله بس تكفون علموني كيف
ادربه على الكلام والرقص اصلاً كل ما اطلعه يهرب مني وش اسوي كيف يتعود علي

[سكر]

هامستر بسألك سؤال

في اعتقادك بعد كم تتوقع انه يتكلم؟؟

اسبوع؟

اسبوعين؟

شهر؟

شهرين؟

سنة؟

سنتين؟


كل هذي الاختيارات محتملة بس بنسب مختلفة.

انه يتكلم بعد سنة أو سنتين هذا شي ممكن بس برضه صعب, ونسبة حدوثه قليلة.

أما اذا بالأيام أو الأشهر, فانت بتكون خيالي شوي.

معليش اللي خلاني اقولك كذا هو اني لمست في كلامك بأنك تتوقع انه من السهولة تعليمه الكلام.

وحبيت أوضح لك الواقع.

ببغائك ليس من أنواع الببغاوات المتكلمة في الأساس.

لكن سجلت حالات تكلم فيها.

أقصد انه في العموم ما يتكلم

لكن بعضهم وقليل جداً يتكلم.


نصيحتي لك وجه اهتمامك في ترويضه فقط, وحاول تأجيل التدريب على الكلام.


أما بالنسبة للرقص والحركات لازم تصبر فترة حتى يثق فيك طائرك.

هو ما يعرف الا الأشجار والأكل بس

وش دراه عن الرقص؟

تخيل انك بدوي عايش في صحراء طول عمرك.

وفجأة لقيت نفسك في لبنان هههههه <<< (عليه أمثله مدري من وين يجيبها)

تتوقع انك بتتأقلم بسرعه وبتصير تسوق سيارة وتمارس الغوص وركوب الأمواج...الخ؟؟

طبعا لا.

هذي المهارات ما تكتسبها الا اذا تأقلمت أولا مع المحيط اللي حولك.

وشعرت بالأمان وبوجودك وبأهميتك, وصار الوضع عادي مو غريب.

هذاك الوقت تفكر انك تطور مهاراتك. لكن حتى مهاراتك ما بتجي في يوم أو يومين.

لازم تبدأ وتغلط كثير حتى يجي يوم من الأيام وتصير ماهر في ركوب الأمواج مثلاً.

ببغائك نفس الشي.

اجتهد انك توفر له الحرية في البيت والامان والراحة والاستقلالية, والأكل والنظافة. حتى يتعود وبعدين بيستجيب لك وحده وحده.

في حالتك (هذي نصيحة لك انت لوحدك) أنصحك انك تتركه في قفصه على الأرض لمدة شهر كامل ما تلمسه أبد

بس تغير له الأكل وتنظف القفص.

وكل يوم تفتح القفص 3 ساعات عشان يرفرف ويتحرك شوي.

وبعدين رجعه مرة ثانية للقفص بيدك (اذا كان يطلع على اليد) أو بعصى صغيرة طولها نصف متر.



ما أدري ليه أحس انك أخوي.




تقبل تحياتي

[هامستر كوم]

مشكوره اختي والله ماقصرتي بس يعني حق ولد عمي يتكلم هم معلقينه بجنب الجرس والجرس يقول يغرد تغاريد عصافير ماكمل عاه شهر اله هو يغرد نفس صوت الجرس بس ابي اعرف كيف اروضه تكفون قلولي ومشكوره مره ثانيه وانتظر جديدك

[هامستر كوم]

فين الردود

[أبو ريـــــــــــــان]

أخوي فيه مواضيع كثيرة مشروح فيها طريقة الترويض وفيه منها مثبت اتمنى تدخل على المواضيع المثبتة انشاءالله راح تفيدك كثير وأي استفسار حنا حاضرين لك

أما عن طريقة تعليمة الكلام هذي تجي مع الوقت انت بس ردد علية الكلمات اللي تبيها وانشاءالله راح ينطق لاكن مو مثل الكاسيكو طبعا