| مشترياتي + تعليقاتي
السلام عليكم ورحمة الله وبركاته ..
كيف حالكم ..
جيت لكم بموضوع حصري جديد من مجهودي
موزوع لزيز وخفيف وانتوا عارفين بئا
المهم ياطويلين العمر
رحت ذاك اليوم فرحانه بحط لوراعيني اكل
وافتح العلبة اللي خبري خبركم ويادافع البلا ماش اكل <
قلت خلاص مالي الا اروح اشتري حالاً وبالاُ لا يموتون فلذة كبدي
وانا انظف القفص واحط نشارة الخشب
حطيت ومابقي الا شوي .. والكورة حقت اللعب برا القفص انكسرت
واروح لامي واسوي نفسي مسكينة يمة تكفين
طلبتك لاتردين ومن ذا الكلام لما وافقت نروح
بس قالت نروح لانه اقرب من المحلات الثانية
وبلاش نطق مشوار
شورك يمة وهداية الله ..
المهم ... يوم وصلنا اصوات عصافير المحل
تسمعها بمسافة والمحل صغير شوي بالركن
مشترياتي منه :
نشارة خشب من شركة one pets
بالليمون .. حجمها صغير 500g شوي لجل كذا شريت 3 منها
الواحد ب 10 ريال
^ المعلومات الموجودة عليها :
- تقريباً خاليه من الغبار
- ماص للغاية
- صديقة للبيئة
100% خشب طبيعي .
النوع اللي كنت استخدمه من شركة sundog
ماهي معروفة ولا شفت صورها بالنت
كانت كبيرة بما فيه الكفاية لشهر
يوجد بها قطع خشب مانشرت
نفس المعلومات الموجودة ف نشارة خشب ون بيتس
2- اشتريت كرة للعب الهامستر خارج القفص
حجمها صغير يعني ابداً مقدر احط الهامسترين الاثنين فيها
عكس اللي قبل كانت كبيرة بما فيها الكفاية
ب 20 ريال
شيء قهرني بالمحل وباغلب محلات الحيوانات تقريباً
انهم مايهتمون بنظافة المنتجات اقصد من برا يعني غلافها وكذا
مع ان محلةجيد جدا ولقيت به اشياء مالقيتها بغيره
لكن الاشياء عليها غبار شديد
ولا اقصد اني اشهر ولا شي بس لو تلاحظون محلات الحيوانات
غالبباً ما يهتمون بنظافتها .. بس عشانهم حيوانات ولا ايش
وانا اهتم بالنظافة جداً
شوفوا الغبار اللي على بلاستيك المنتج
^ المعلومات الموجودة عليها :
1 - عند استعمال (الهامستر) الكرة ضعها على الارض بهدوء
و تأكد من عدم وجود عقبات \ عرضات على الارض .
2- عند الاستعمال المستمر يمكن حرق الدهون
لتجعل حيواناتك الاليفة المحبوبة صحية .
اذا استعملتوا الكرة لا تحطونها يم مكان مرتفع
ولا تخلون الهامستر داخله اكثر من نص ساعه
وراقبوه *
طريقة التركيب وكذا :
الشركة :
3-اكل الهامستر
انتوا عارفين وش صار معي باكل الهامستر بالكيلو
بالموضوع اللي فات وانه مو نظيف وذا الحوسة
عاد ماتوقعت القى اكل معب او من شركة
لكن الحمدلله لقيت واشتريت 2 منه خوفي يخلص
الواحد ب 20 ريال
طبعاً هو خاص للهامستر بس وليس لقوارض اخرى < يعجبني مشكل العامية بالفصحى
صناعة بلجيكية .. وذي المعلومات عن مكوناته
لحظة لحظة
من الخروب
عاد تصدقون يمدحون الاكل اللي فيه خروب
ههههههههههههههههههههههههههههههه
طبعاً قصدهم الحبوب الا اذا كان فيه شي اسمه خروب عاد مدري
في الكيس جزء شفاف لشكل الاكل من الداخل
هذا هو
1000 جرام , اكل فرش طازج
والمعلومات الغذائية اسفل يمين ومن شركة Funny
الآن ياحلوين خلاص موزوعي الخفيف واللزيز
اتمنى جد تكونون استمتعتوا فيه
ونفس ماذكرت فوق عنوان المحل
وماحبيت ابخل عليكم بأي شي حتى بأسم الشركة
واي سؤال او استفسار انا حاضره
اتمنى مقابل تعبي .. تقييمي والقى ردود
غير سطحية ويسلمو وشكرا
والموضوع حصري على المنتتديات اللي نزلتها بأسمي Meaad أو ميعاد
ف أمان الله
التعديل الأخير تم بواسطة : artos بتاريخ 29-11-2013 الساعة 08:49 PM.
السبب: تم حذف اسماء محلات +تنسيق
|