محتار بين الصيد ولا الهولندي !!

[عبووود أبو عيون سووود]

السلام عليكم و رحمة الله و بركاته
تحية طيبة و بعد ،،،
بإذن الله نويت أشتري الببغاء الأفريقي الرمادي ، و صار لي فترة أبحث و أقرأ في المواضيع لكن بصراحة لازالت عندي حيرة بين الإثنين ( الصيد أو الهولندي )
ناس تقولي خذ الصيد أحسن ، مناعته و ذكائه أقوى ، و يتحمل أكثر ، و صوته أعلى ، و سعره أقل ، بس مشكلته يجعر و يعض و يبغالك وقت عشان تروضه ، و مهما ولفته و روضته يبقى فيه وحشية ولازم يوم يغدر بك !!
و ناس تقولي خذ الهولندي أحسن ، وليف جاهز لا يعرف العض ولا الجعير ، بس مناعته و ذكائه أقل من الصيد ، وما يستحمل كثير ، و صوته واطي ، و سعره أغلى !!
محتار و في نفس الوقت خايف أتوهق و أندم
قلت مافي إلا إني أسأل هنا في المنتدى أهل الإختصاص و الخبرة أكيد يفيدوني أكثر من غيرهم
فأتمنى من الجميع التفاعل و النصح
و شاكر لكم مقدما ً