كيفية ركوب الخيل 4

[بنت دبي]

الحين بشرحلكم عن البطاقة الزرقاء وهي البطاقة الي خلصتها العام وفيها حوالي 100 كرت يعني الي بيدرب في الكرت الازرق يباله 100 مرة والحين ببدأ في الشرح...

طبعا مثل ماقلت قبل، الفارس لازم يلبس مستلزمات الفروسية والبادي قارد ، وفي هاي البطاقة بيتعلم الفارس كيف يقفز على حاجز مافي قبله عامود على الارض يعني لازم يحسب الخطوة ، والخطوة تنحسب على هالشكل : اذا كان عندا حاجز عالي يعني اقصى حد في البطاقة الزرقاء هو اربع حواجز ، وماكان وراها حاجز على الارض ( الي كان امتابعني من البداية بيعرف انا شو اقصد بالحاجز الارضي او الي على الارض ) فلازم يحسب الخطوة ، يبدا الفارس بحسابة الخطوة قبل الحاجز بمتر يعني يوم بيوصل الفارس عند الحاجز بمتر وطبعا يكون طالع كانتر فيحسب الخطوة ، من بداية المتر تنحسب خطوة بعدين نص المتر تنحسب خطوة ثانية والقفزة هي الخطوة الثالة يعني عنا 3 خطوات فقبل الحاجز الفارس يحسب المسافة اول شي . (ملاحظة: اذا ماكان عنا حاجز مرمي على الارض نحسب الخطوة اما اذا كان عندنا حاجز ، اول مانوصل عنده نعطي الخيل الرين لان نحن بنكون شادينه اشوي وبعدين نطلع وياه jumping set هذا اذا في عامود اما اذا مافي عامود نحسب الخطوة ) .

قبل الحاجز يحسب لفارس 123 اذا طلعت القفزة الاخير 3 معناتها التكتيك صح اما اذا طلعت 2 ونص هذا يمكن يسبب في سقوط الخيل على الارض واهم شي لازم الفارس يخلي الخيل يشوف الحاجز علشان يعرف هو وين ساير ويعرف الفاري شو يبا منه ....

وقبل مايقفز الفارس لازم ياخذله مسافة كبيرة بينه وبين الحاجز علشان يقدر الخيل يشوف الحاجز....


وشكرا.....

[بوفهد]

اشكرك يا بنت دبي على المجهود الرائع

والموضوع الممتاز

بالتوفيق

[البدبخت]

درس رائــــــع اختي " بنت دبي " .. ما قصرتي ...

-----------

ونصيحتي اذا ما اتعرف هالدرس بالذات لا تفكر تطلع تتمشى مع خيل متعلم على القفـز لانه لما يشوف اي حاجز مرمي في الشارع مثلا وانت قاعد تهرول معاه .. ما تشوفه الا متجه للحاجز ويقفز مو فوقة وانت طاير من فوووووووق الى تحت هههههه والله يساعدك حزتها .. مو قصدي اخرعكم بس شي حلو الصراحة (( تجربة وان شاء الله ما تتكرر ههه ))

----------

واي صدق لازم تخفف جسمك وتتحرك مع الخيل وخاصة عند القفز .. (( يعني اتروح على جدام اشوي )) ..


شكرا اختي على الدرس .. وبأنتظار جديدك ...

[micho]

الى الامام و بلتوفيق

[الخيال]

بالتوفيق