شريت فرخ بادجي

[هلالي.44]

السلام عليكم

شريت فرخ بادجي عمره 3 اسابيع

وعندي كم سؤال:

كيف أأكله ؟ وايش أأكله؟

اشربه ماي؟



اتمنى انكم تساعدوني

[star2224]

حبي راجع الرابط التالي راح يفيدك

http://www.2zoo.com/vb/showthread.php?t=207146
** حسام العراقي **

تحياتي

[azooz_messi92]

اكله سيريلاك حق الاطفال اللي بالرز مقدار ملعقه صغيره واطحن معاه شوي بقسماط مقدار نص ملعقه صغيره ولاتخليه كثيف حيل ولا سايل علشان مايجيه اسهال
الطريقه انك تصخن شوية ماي ع النار لين تغلي وبعدين تجيب كوب حجم وسط وفنجال قهوه
الكوب علشان تصب فيه ماي حار وتحط وسطه فنجال القهوه او فنجال شاي شوف وش الاريح لك انت
تحطه بوسط الكوب علشان مايبرد السيريلاك طبعا ويكون دافي
وافضل طريقه لتأكيله باصبع يدك بعد ماتغسله بالصابون زين لان السرنجه صعب التأكيل فيها يسيل الاكل على ريش الطير وتنظيفه متعب لك وللفرخ وانا اكلت فرخ باصبعي اسهل له ولي
وبالنسبه للشرب بعد ما تمتلي حوصلته ويشبع خذ منديل وبلله في الماي الدافي اللي بالكوب وامسح منقاره وهو بيشرب واذا حبيت تتأكد انه مرتوي بلل اصبعك وارفعه فوق شوي على حافة منقار الفرخ وتلقاه من حاله يشرب بس قطراااااااات لاتكثر
لان السيريلاك فيه ماي ... المهم تنظف منقار الطير بعد كل وجبه

اتمنى ما اكون طولت عليك واذا فيه احد من الاعضاء عنده طريقه ثانيه اتمنى يفيدك

[سرالوجود]

شكرا على الفايدة ..

[عاشق الجربوع]

اشكرك اخوي علا طرح الموضوع لني بحاجته توني شاري فرخين ومو عارف وش الاكل ويسلمو اخواني علا الردود

[عبدالمحسن جان]

ألف مبروك

عليك بمراجعة مواضيع إطعام الفروخ والإهتمام بهم ورعايتهم

بالتوفيق