سؤال وأرجو الافاده

[nona2008]

السلام عليكم ورحمه الله وبركاته
انا عضوه جديده معاكو وسعيده بوجودي معاكو في المنتدى هنا وبشكركم انكم عاملين قسم للطيور وخصوصا اني من الناس قليلة الخبره في تربيه الطيور
كان عندي سؤال لو سمحتو علشان بجد قلقانه
انا عندي طيور استرالى ومتعوده كل يوم بالليل قبل ما ينامو لازم اخليهم يشربو ميه كتير وده ناتج عن اني بخاف انهم ميكونوش شربو طول اليوم ميه كفايه فبقعد امسك المسقاه في ايدي واقربها منهم لحد ما يشربو منها كتير وانا بلاحظ انكو بتقولو ان المفروض الطائر مياخدش خضروات كتير فيها كميه كبيره من الماء وانا خايفه يجيلهم اسهال جامد او تكون الميه الكتير اللى شربوها دي تعملهم حاجات مش كويسه في جسمهم وانا بقالى على الحال ده تقريبا شهر هما الحمد لله مفيش حاجه ومفيش اسهال بس انا لاحظت ان من اول امبارح بالليل الاخراج بتاعهم فيه كميه ميه كتير بس الميه اللى بيعمولها لونها ابيض مش اخضر وخايفه ده يكون الاسهال الابيض اللى هوا اخطر من الاسهال الاخضر وباقي الفضلات التانيه عاديه لونها اسود في ابيض فهل شرب الماء الكتير ده ممكن يأذيهم ؟؟؟؟؟؟؟؟؟؟؟؟؟؟؟
ارجوووووووكم افيدوني وشكرا جزيلا ليكو

[عـ!شق !لصمت]

اهلا و سهلا اختي نونا بالمنتدى

و شرفت المنتدى

و ان شاء الله تفيدي و تستفيدي

و يوم اللي نشوف بيه فراخهم

اختي العزيز :

قبل كل شي يجب عليك قرأءة جميع المواضيع المثبتة في هذا القسم

اما عن اهتمامك الزائد بالطيور ف انا شخصيا لا احبب ذلك

و الاحسن انك تتركيهم على راحتهم في الاكل و الشرب

اما عن الاسهال فاحسن طريقة لمعرفت ذلك عن طريق النضر الى اسف الطير

في مكان الاخراج فاذا كانت وسخة و كان هنالك اوساخ متعلق بالريش القريب من هذه المنطة

فالطير عنده اسهال او اذا كان اخراجه غير متماسك القوام

و لعلاج الاسهال نضع للطائر 3 نقاط من الانروفلوكساسين (تركيز 100 ملغم في 1 مل)

ل مدة 5 ايام و ان شاء الله يتعالج

و اي شي ثاني انا حاضر

[nona2008]

شكرا لك جزيلا يا اخي على ردك وتشريفك موضوعي
بس برضه انا عايزة رد على سؤالى هل شرب الماء الكثير الىل انا كنت بعمله ليهم ممكن يكون سبب ليهم ضرر انا لا اعلمه وخصوصا ان الفضلا عندهم طبيعيه نوعا ما هوا بس كل الحكايه اني لاحظت امبارح ان ضمن الفضلات حاجات بيضاء سائله فخفت يكون ده اسهال ابيض ونظرت اسفل الطائر ووجدته نظيف
انا بس عايزه اعرف انى لما كنت بخليهم يشربو ميه كتير كل يوم قبل ما ينامو ممكن يكون سبب ليهم ضرر

[عـ!شق !لصمت]

الاحسن خلليهم على طبيعتهم

احسن ب كثييييييييير مما انت تقومين بذلك

ممكن ان سببلهم ضرر بان تقومين ب تشريبهم ماء كثير

[عمرو ابو سيف]

الاخت الكريمة
مرحبا بكم فى منتدانا العزيز ومرحبا بأستفساراتك
بالنسبه لموضوع شرب الماء الكثير ، اعتقد انه لاتوجد خطوره من شرب الماء بالنسبه للطيور وخاصه انك لاتمسكيها بيدك وتقومى بسقيها بالاكراه ، ولكن يفضل يااختى الكريمه الا تتدخلى فى سلوكيات الطائر الطبيعيه مثل الاكل والشرب والنوم والتزاوج ، اتركى يااختى الكريمه الطيور تتصرف بطبيعتها وهذا افضل كثيرا لها ولصحتها .
ولكنى اؤكد ان شرب الماء لايضر الطيور .
وشكرا