25 يوم ومافقس البيض وش الحل

[ابو التواريخ]

السلام عليكم
كيف الحال
كل عام وأنتو بخير
اليوم كمل 25 يوم على وضع طيوري لأول بيضة بس المشكلة للحين ماطلع ولا فرخ إيش تنصحوني أسوي مع العلم إن عدد البيضات 4 بيضات وهذا أول أنتاج للطيور ونوع الطيور روز وأنا حاطهم داخل البيت في درجة حرارة 28 برايكم أصبر عليه بعد كم يوم أو أكسره وأعطيهم فترة راحة
تكفون لاتبخلو علي بالمساعدة

[عاشق الكوكتيييل]

عليك كشف البيض اذا كان مخصب ولا لا وانا اعتقد مو مخصب لان انت تقول مر عليه 25يوم فعليك ان تكسر البيض لترى ما بداخلة اذا كان فرخ حي على طول ارجعة إلى اهله واذا لم ترى شيء سد فتحة العش او عزل العش عن القفص لاراحة الزوج

[ابو التواريخ]

مشكور أخوي عاشق الكوكتيييل
بس ألحين لما فتحت العش لقيت الأنثى حاضنة البيض فخفت لما أشيل البيض يطلع فيه فروخ ولما ارجعه ماتحضن البيض وتزعل وش تنصحني ألحين طبعا حتى لوكانت الأنثى خارج العش بمجرد أقرب من القفص ترجع للعش

[ienna]

اخي الكريم .. لابد من رش البيض ببخاخة المياه
أو وضع طبق به ماء في القفص حتى تبلل الطيور نفسها وبالتالي يبتل البيض ويكون سهل على الطيور كسره
ولا تتدخل انت بكسر البيض
وفقك الله

[ابو التواريخ]

مشكورة أختي ienna
بس أنا أشوف الأنثى تبل جسمها من المعلف حق الماء لأن كبير وتقدر تبل نفسها منه وأنا أبي حل لكي أفحص البيض لأن الأنثى ماتقوم عنه وإذا قامت بمجرد أقترب من القفص ترجع للعش فكيف أشيل البض من العش أخاف إذا شلته وهي في العش تزعل

[هاوي تربيه]

شيل البيض وافحصه الانثى ما راح تزعل وراح تجلس على البيض مره ثانيه
بعد ماترجعه
وهاذي صور لبيض الروز ومخصب وعمر البيض 10 ايام
والصور طازجه صورتهم الحين الك والانثى عادي ما زعلت
واول ما رجعت البيض رجعت جلست عليه


..

..

..
واذا تبي تفحص البيض مو تكسر البيض وتقول هاذا فحص
لا يخوي جيب ليت صغير (مصباح يدوي)وافحص البيض
كما في الصوره

..

..

..

..
شوف الصوره الثانيه والثالثه بيضه خربانه يعني الفرخ مات بداخل البيضه
وشوف كيف صاير لونها ووزنها صاير خفيف مو ثقيل
والبيض الي فيه فروخ حيه راح يكون لونها اغمق من البيضه الخربانه مع شوي وزن في البيضه

[ابو التواريخ]

مشكور أخوي وجزاك الله خير
إن شاء الله أسوي طريقتك اليوم وأوريك الصور حتى تحكم عليهم