تلقين الامازون

[.. محمد ..]

السلام عليكم و رحمة الله وبركاته

اخواني عندي الامازون بعمر 5 شهور تقريبا و حاولت اعلمة كلمة بابا صار لي قرابة 3 اسابيع او شهر تقريبا بس مب راضي يتعلمها ! الامازون للعلم ما يصفر و لا يتكلم ايش الحل ؟

بعض الاخوان يقولون جرب حركة التسجيل بس ما جربتها لانه يقولون لها سلبيات ! فيرجى منكم الافادة

[eaglesa38]

عليكم السلام ورحمة الله وبركاته

اخي التسجيل يعتبر تحفيز للطير
مثل لما يجي طفل عمره ثلاث سنوات ويجلس مع كبار طبيعي بيكون ساكت ولا يلعب لكن اذا وجد اطفال بعمره بينفلت معهم
لا نقول اعتمد اعتماد كلي في تلقين الطير على التسجيل
نحن مربين طيور ونرى تفاعل الطير عندما نشغل له تسجيل طير حار
الطير يحتاج تلقنه انت بنفسك بالكلام الي تريده

تقبل تحياتي
ابورضا

[أسيــــر]

وعليكم السلام ورحمة الله وبركاته
التلغين يحتاج صبر
بعض الطيور تكسب الكلام ولاتنطقه لديك
الا بعد فتره او تغيير المكان و وجوه جديده
الازعاج محفز للامزون عند التلغين كا
صوة التلفاز المكنسه وغيرها هذي طبيعة الامزون
التسجيل من المحفز لتدريب الببغاء النطق وانطلقه من واقع تجربه
ويفضل تكون شغال على الجهتين تسجيل وتلغين بنفسك
وحسب ذكاء الببغاء واستيعابه معك
اجتهد في تلغينه وكافئ الطير بستمرار لتحفيز اكثر
بتوفيق ان شاء الله

[A.Alansari]

انا جربت طريقة مع الامازون الي عندي والحمدالله جابت نتيجة

وهي سجل كلمة بابا بصوت احد الاطفال

وشغلها وبتلاقيه ينتبه لها وكل ماتشغلها مره ارجع انت رد بنفس الكلمه بصوتك

مع هالحركه بدا ينطقها الحين الي عندي صحيح كان عنيد شوي لكن الحمدالله بعد اسبوعين نطقها وذلك لاني ماكنت القنه كل يوم

وانت شوف لما تكلمه او تشغل له شي ينتبه لك ولا مايعطيك وجه

انا الي عندي ماشالله من اقرب له بتكلم يجي يقرب راسه مني عشان يسمع واذا ماكررت له الكلمه يطلع لي صوت يعني عيد ههههه

ساعات احس هو الي يلقني ههههههه

[the_gostman]

اخي الكريم..

اصبر عليه فهذه الفتره غير كافيه لبعض الطيور فهناك طيور تتأخر لتنطق..
خصوصاً ببغائك صغير في العمر والمستقبل قدامه انشالله.

الصبر طيب يا غالي.
أخوك رمزي

[اوشيقر]

طيب اذا نطق كلمته الاولى هل هذا يعني انه بيبدا يتكلم ام ان باقي الكلام يحتاج تلقين بنفس المستوى

[eaglesa38]

المشاركة الأصلية كتبت بواسطة اوشيقر

طيب اذا نطق كلمته الاولى هل هذا يعني انه بيبدا يتكلم ام ان باقي الكلام يحتاج تلقين بنفس المستوى

نطق كلمة لا يعني ان تتوقف او تغير اسلوب التلقين
بالعكس اذا طيرك تعلم كلمة معناها وجدت مفتاحه واستخدمه دائما
تغيير الاسلوب مو دائما يجيب نتيجة مع بعض الطيور
وكلمة تعتبر بداية الطريق في الكلام
ومثل ما وضحوا لك بعض الاخوة طيرك لسه صغير ولا تخاف ان شاء الله بيتكلم
اهم شيء انت لا تطفش وتتوقف عن التلقين

تمنياتي لك بالتوفيق والنجاح