سؤال عن تربيه واسعار الأصله الألبينو ..

[lost love]

مرحبا ..

كيفكم ان شاء الله بخير ..

عندي بعض الأسئله عن تربيه الأصله .. ؟؟

هل هي صعبه مرررررره وقروشه وكذا .. يعني اصعب من تربيه الببغاء ولا القطط .. ؟؟

وماهي اهم الأشياء بالقفص غير اللمبه حقت الحراره .. ؟

وهل هي مكلفه التربيه بقوه ولا مو ذاك الكلافه .. ؟؟ من حيث الأكل وزي كذا ..

وآخر سؤال .. كم أسعار الأصله الألبينو أو العاديه وهي قصيره .. ؟؟

لأني الصراحه احب الثعابين مررره و ابغى اربيها .. وبغيت نصايحكم

[lost love]

وفيه ناس نصحوني .. قالوا دامك اول مره تربي ثعابين .. جرب اول شي الــ Ball Python .

وش رايكم انتم .. ؟؟ وكم سعرها تقريبا وهي قصيره ؟؟

[الآسطورهـ]

مرحبتين ..

الاصلات بشكل عام يبيلها عنايه ..

من ناحية درجة الحراره والرطوبه ومساحة الحوض

إذا تقصد البينو بورميس بايثون ,,

تبدا الاسعار من 1600 للي طولها 80-90 سـم تقريبا

وتزود إذا كبر حجمها طبعا ..

دامك مبتدئ بتربية الثعابين

خذ لك فالبدايه ثعابين محليه أو كورن سنيك ..

تربيتها اسهل وحاجاتها اقل

وآهـم شي تسويه قبل لا تشتري الثعبان

تشوفه ياكل قدامك .. إذا ماكل لا تاخذه

S.W.E.D

[lost love]

^ ^

مشكووور مره .. طيب ما قلت لي هل عنايتها اصعب من العنايه بالببغاء إذا كنت مجرب الببغاء .. ؟؟

وانا معجبتي الأصلات أكثر شي وخصوصا الألبينو بس تراجعت لأني شفت ان طولها ياصل 3 امتار وزياده

وايش رايك أبدا بالــ Ball Python .. بحيث ان طولها ما ياصل مترين وكثير ينصحون فيها ..

طيب والكورن سنيك هل هو سام ولا لا ... وهل هو غالي .. ؟؟ و وين احصله ؟؟

[sanak killer]

الكورن سناك مو سام وبالنسبه لي انا حبيتو

[lost love]

طيب وأسعاره كم .. ؟؟ و وين احصله بالقصيم ولا بشرق الرياض بليييييييييز .. ؟؟

[mr.crocodile]

شوف يا اخي ما انصحك بول بايثون لان عنايته صعبه شوي


انصحك بالبورميس بايثون تربيتهم سهله اسهل من الببغاء وتاكل بشراهه يعني انسا

فكره الاطعام الاجباري بعدين مات كبر بسرعه ويجي نوعين الالبينو والعادي

وانا مربي الاثنين اما اسعارهم الصغار تبدأ 1500 والكبار توصل ل 7000

وانت اختار بس ابتعد عن البول بايثن اسمعها مني نصيحه مجرب

[mr.crocodile]

على فكره مو اسمها الاصله الالبينو اسمها الاصله البورميه وهذي صوره لها










وهذي للطفره منها واسمها البينو

[الآسطورهـ]

انا ماربيت ببغاء كبير لحد الآن

لكن اعتقد اصعب ..

بالنسبه للبول بايثن .. عندها مشاكل بالاكل كثيره

بحيث تمتنع عن الاكل لأصغر سبب ..!

واغلب الي تجينا .. ماتاكل مع الآسف

اما الكورن سنيك .. لأ مو سام

واسعاره ماعرف بالظبط

ممكن 1,000 ريال .. او تقل للي احجامهم صغيره واللون له دور بعد ..

S.W.E.D

[lost love]

طيب الحين استقرينا على الكورن سنيك ان شاء الله ..

بس ياليت اذا فيه نصايح مهمه قبل الشراء او اثناء التربيه لا تبخلون علينا ..

و وين احصلها بالرياض .. ؟؟