مساعده تكفون...فيه كم شغله مزعجني بالقطه

[xmmx]

السلام عليكم

ندخل على طول

اشتريتها من 3 ايام تقريبا

الحمد الله تآكل وشهيتها كويسه

وعمرها تقريبا 6 اشهر

الي مضايقني اني لو اناقز وازاعق مافي امل تجي لمي او حتى تلتفت

مع انها ودوده وما تخالف احد يلمسها حتى اخواني الصغيرين الله يصلحهم متعبينها

ودايما تتغبى في اماكن معزوله وتنام كثير

مع اني حطيت لها مكان بالبيت فيه كرتون كبييير وفاتح لها فتحه وارضية الكرتون مخده ناعمه ودلع

ومكان لقضاء الحاجه (الله يعزكم)

وصحون الطعام جنبهم

بس ما تحب تنام بوسط الكرتون إلا اذا شلتها لمه


^
^
الي بالأحمر هي المشاكل

بالذات اول وحده ارجوكم ابي طريقه تصير مرحه وتصير تجيني اذا ناديتها

=-=-=-=-=-=-=

سؤال آخر

وش نوع الطعام المنصوح به من اللحوم؟؟

هل فيه خلطات او اشياء منزليه متعارف عليها مفيده للقطه؟؟

مع العلم اني معيشها على الأكل الناشف مع اني ما احبه ولا احب ريحته

النوع

الصراحه ما اعرف وشو النوع تبع القطه

بس يسمون لونها شانشيلا على حد علمي

اطراف رجلينها سود وجسمه مخطط اسود ...

راح اضيف الصوره اذا الزم الأمر

الله يعطيكم العافيه مقدما

بالإنتظار

[xmmx]

فيه حاجه نسيتها

توقيت النوم عندها غريب مدري هو طبيعي ولا لأ

فترت الظهر والعصر والمغرب وطول الليل ودها تنام

لاكن اذا اشرقت الشمس يعني زي هالوقت الساعه 8:40

الحين القاها صااااحيه وخلقها تعلب وتسوي كل شي

وشلون اعدل هالتوقيت؟؟؟

[WHITE OLEANDER]

يا حلاته شكله ذكر
عالعموم أخوي لا تشيل هم كل القطاوة تصرفاتها عادية وتخوف
طبعا مايجيك لأنك أشتريته من ثلاث أيام يعني مو متعود عليك
الدراي فود(رويال كانون)مفيد مفيد وصحي بعد
اذا تبيها تجيك وتتعود عليك ماعليك الا تتابع الروتين اليومي الخاص بك وحتتعود ان شا الله
لكن لاتعطيها معلبات كثير لأنو يساقط الشعر وحذاري تعطيها سمك لأنو مضر جدا (تساقط شعر وقيء واسهال) أكرمكم الله
حاول تجيب دجاج مسلوق وبطاطس وجزرمهروس عشان يمسك الاسهال
...موفقين...

[mixture]

اول مشكله/ انها ما تجيك لمى تناديها
الحل/ لازم تعودها على كلمه و اشاره لمى تبغى تحط لها الاكل ... يعني قبل ما تحط الاكل حاول تقولها تعالي و اشر بيدك لها الين تجيك ... ما ينفع تعودها على انها تجيك وهي شبعانه كذا ما تتعلم ... لازم تحفزها بالاكل كل مره عشان تفهم صله التواصل بينكم

ثاني مشكله / انها تنام كثير
الحل / لازم تعرف ان القطط تحب تنام و تنظف نفسها طول الفتره الي تكون فيها مستيقظه وشي طبيعي جدا وفتره الصبح هي فتره النشاط لدى جميع القطط

ثالث مشكله / انها مو متعوده على النوم في المكان المخصص لها
الحل / ممكن المكان المخصص لها فيه مشاكل في التهويه او في مكان مزعج او صغير وغير مريح لها
بالنسبه للقط الي عندي ما يحب ينام في مكان واحد يحب ينام فوق الكرسي شوي وفوق تسريحه الوالده شوي و ينام بجنب باب المخزن شوي و ينام فوق الطاوله شوي مستحيل ينام في مكان واحد حتى لو هذا المكان نظيف ومرتب يحب يغير واشوف هذا شي عادي

المشكله الاخيره / نوعيه الطعام

- لحم فراخ الحمام مشويه او الحمام العادي مسلوق
- لحم دجاج مسلوق مع بطاطس
- لحم غنم مطبوخ مع شوربه لان الشوربه تلين البطن
- بيض مسلوق بدون ملح و خضره
- مرقه السلطات

الاكل الناشف ما يعتبر وجبه اساسيه يعتبر نقنقه بين الوجبات وينحط بصحن قليل

[xmmx]

الله يعطيكم الف الف عافيه

صراحه طمنتو

لاحظت شي عليها اليوم

كنت مقربها لمي وبحضني واسولف عليها واضحك بوجهها <<< يقولون يحببها فيه

لاحظت انها تتنفس بصغوبه وبسرعه

كأنها مزكمه وتتنفس مع انفه بس بشكل سريع

هل اوديها للطبيب ولا امر طبيعي؟؟؟

[mixture]

ههههههههه ... حلو انك تلعب ويها و تحطها في حضنك عشان تتعود عليك اكثر ...

نصيحه من مجرب /

في الفتره الي تكون انت فيها صاحي العب معاها بيدك ولا تستعمل الالعاب المخصصه للقطط الا اذا انت راح تنام او تبغى تخرج من البيت لاكن في الفتره الي انت تكون معها حاول تخبئ الالعاب و العب معها بيدك صارعها مد اصباعك لها ارمي لها اشياء وزي كذا عشان تحس بالالفه اكثر لك

الحين ارجع لموضوعك

القط مثل ما فهمت منك انك اول ما شلته في حضنك قاعد يتنفس بسرعه وكانها مزكمه ... فيه ثلاث اسباب

1- ممكن لسى ما تعودت على ريحه البيت لانها لها 3 ايام فيه
2- ممكن انت حاط عطر قوي في ملابسك و تضايقت منه
3- ممكن انها مريضه