باركولي وافيدوني

[تام 12]

السلام عليكم ورحمة الله

امس حققت حلم واشتريت ببغاء كاسكو من النوع الجامبو

عمره خمس شهور على حسب كلام البائع

لون حدقة العين رمادي غامق وهو ما شاء الله علي ريشه ما في شي منتوف

بس ما اعرف ليش حاسه خايف؟؟؟

وابي اسالكم كم سؤال اتمنى انكم تتحملوني وتفيدوني:-

1-بالنسبة للاك اخلي الاكل موجود طول الوقت ولا لازم ياكل بكميات محمدودة عشنه فرخ؟

2-انا حاطه في المكان الي كل اهلي يقعدون فيه جمب التلفزيون والكومبيوتر بس المشكله انا احنا نسهر هل اغير مكانه وقت اليل ام اتركه وهو بروحه بيتاقلم معانا؟

3-بالنسبة للبراز فهو كثير البراز وبرازة يكون لونه اخضر على شكل خطوط واحيانا ابيض هل هذا طبيعي؟

شو تنصحوني اسوي عشان اشيل منه الخوف؟

[حسين بن عاقول]

يا عله ألف ألف ألف مبرووووك ، وعساه مدخل سعد عليك.
أول شي : طلعه من القفص ماله وقص جناحه غصب بعد جذيه خله في مكانه ولا جنه هنيه. يعني لا تعطيه ويه ، حط له أكله ومايه وخله يتعرف على بيئته اليديده ، ونوع له بالأكل مو بس حب شمسي لين يييه إكتئاب ثم تبلش فيه. عطه شرايح تفاح ، شرايح جزر ، شرايح فلفل بارد(رومي)
وخله ما راح ياكل في البدايه بس على قولة الجوع كافر بتشوفه يعوم بلأكل عوم .
وإن تشان تباه إجتماعي مو بس إنت اللي تحط له أكل وماي لا خل أي واحد بالبيت يقوم بالدور هاذيه راح تضرب فيوزاته وكل واحد بالبيت هو صاحبه وهذي الطريقه تمنع الخجل والخوف من الطائر وتخليه مو يصفر بس لا يببب بعد، وهاي نصيحه من صميم أعماق فؤاد ومن داخل خلجات صدري نظرا لمحبتي للكاسكو الرمادي الحبيب : تحياتي لك مرة ثانية أخوك حسين بن عاقول

[تام 12]

مشكوووووووووووووووووووووووووووووووور اخوي على الرد

بس ابي اسالك اذا ماكان عليك امر

بالنسبة للبراز هل هو طبيعي وفي بعض الاحيان احس كانه يعطس (قليل)

[تام 12]

افا 21 مشاهدة ورد واحد

[فواز سالم]

الف مبروك وعلى ماأعتقد ان البراز طبيعي والله يرزقنى بطير كوكاسيو كل ماودي اشتري يطلعلي مية شغلة ونؤجل لبعدين لاكن الفكرة موجودة

[تام 12]

مشكووووووووووووووووووووور اخوي

وان شاء الله تشتريلك واحد

[فتى الغربيه]

مبروك


** الأفضل وقت النوم مو يكون معاكم وقريب التلفاز عشان ينام تمام ولا يجلس كل دقيقتين ويفتح من الأصوات والخوف

بالنسبه لي مخلي له غرفه لوحده بالشقه ووقت النهار اخرجه معانا بالصاله

الأفضل تلاقي له مكان هادئ وقت النوم مو قريبكم وقريب التلفاز ولو بالمطبخ

وباقي الأخوان بيفيدوك

[تام 12]

مشكوور اخوي على الرد

بس يا اخواني اتمنى حد يفيدني بخصوص البراز هل طبيعي

ام لا

[عبود القبوط]

أخوي حسين
الي يبي يعطي معلومه يعطي صح

كيف يقص جناحه غصب كذا الطير بيقلب على راعيه ميه الميه

ويصير متوحش معه علشان كذا لازم نوديه محل ويقصه راعي المحل

ونخليه يهدى ساعه بعدين يدخل عليه راعيه لأن الطير لو شاف راعيه جمبه وهم

يقصون جنحانه زي ما قلت أنا بيقلب عليه فأنتبه أخوي مره ثانيه توصل معلومه غلط

البراز طبيعي أخوي بس حاول تحط على طرف أصبعط عسل ووكل الطير وإذا يعطس

وخره عن التيار الهوائي

[soso2004837]

صدقوني مايحتاج توديه بيطري ولا يكرهك ولا شي

من مجربه

قريت واجد هنا انه لازم بيطري ويكرهك ويتغير

ولكن لا بالعكس هذا سنه مناسب وفرخ ولا راح يسوي لك شي ولا راح يتغير

مسكه بفوطه وغطي وجه حطه على رجلك وامسك الريش بس خذ من الاخرلا توصل لمكان العظم ولا مكان العرق

لا اخر شي الريش فقط

وفي اصلا منا بالموقع كثير مواضيع وصور طريقه قصه

وقص بس على رواق واصلا هو بيكون ساكت لانه اليف وكذاك كان طيري يتحرك بس خليت بنت اختي تمسكه معي تمسك راسه والفوطه طبعا وجه برع وانا قصيت له
وخلاص بعدين عادي

يتحرك ولعب ويجي على اليد الخخ

يعني اذا قادر وحدك تقصه قصه

موفق