تم اضافه صور : قطتي ما تأكل

[عبدالله.q8]

السلام عليكم

قطتي من اسبوع وهي اكلها خفيف اما اليوم ماكلت نهائي الصبح حطيت لها صحن بيض مسلوق مقطع وماكلته والظهر حطيت لها ربع دجاجه مع خضار بازلاء وذره وباميه مسلوقه وهم مااكلته والعشاء دجاج مسلوق ورز مسلوق وماكلته

علما اني كنت اعطيها فقط الداري فود اما اليوم عطيتها الاثنين وماذاقته نهائي

وهذا الداري فود نوعه برازيلي وريحته كأنه اكل السمك اللي بمحلات الزينه اسمه توب كان انا شاك فيه

http://im83.gulfup.com/H6eSMs.jpg

[بسبس مياو]

في اعراض ثانية خمول حرارة؟ تنظف نفسها وتمشي وتلعب ولا جالسة بمكان واحد وماتتحرك؟

القطط حيوانات حساسة لو خافت او تعنفت او تضايقت من شي تنسد نفسها عن الاكل والعكس صحيح لو هي مرتاحة ومبسوطة وحابة صاحبها وحاسة بالامان تاكل وبشراهة

انا قرأت موضوعك السابق وقلت فيه انك اشتريتها من اسبوعين ويبدو انك شاريها علشان الانتاج ..وكنت مستعجل وجبتلها ذكر قبل حتى ماتتعود عليك وعالمكان وترتاح وتعطيك الامان

يعني خوفها من المكان الجديد وصاحبها الجديد +فاقدة راعيها القديم وبيتها اللي تعودت عليه واحتمال عيالها+ فجعتها بذكر يلاحق وراها وهي خايفة منه وماتبيه .....شي طبيعي تتعب وماتتقبل الاكل

ليش مستعجل!! توك جايبها ..ترا امتناع القطط عن الاكل بسبب الخوف ممكن يستمر واذا استمر بتمرض
عطيها فرصة شهرين ثلاثة تتعود عليك وعالمكان وبلاش حكاية التزاوج هالفترة

وكمان بلاش البامية والرز والبازلا والذرة..تدري ان الذرة من اسوأ المأكولات اللي تضر القطط وتسبب مشاكل هضمية ومعوية
خليك عالدجاج والصدور افضل شي وممكن تعطيها معلبات ماركة كويسة (غير ويسكاس)..القطط ماتاكل حبوب وخضار الا لو قطعة صغيرة جزر مثلا تخلطها مع الدجاج
وبلاش الدراي فود لانه جدا مؤذي وبسبب ترسبات في الكلية والمثانة تؤدي لاحتباس البول ..خليه زي المكافأة تعطيها ملعقتين باليوم ووزعها مش مرة وحدة تعطيها الكمية
وبلاش النوع البرازيلي لانه سيء جيب رويال كانن احسن واجود

انتبه لو استمرت ماتاكل اكثر لازم توديها البيطري ممكن عندها حرارة

[عبدالله.q8]

اليوم وديتها للدكتور طلع فيها اسهال + فايروس بالكبد + وتسعبل

اما حرارتها طبيعيه الحمدلله وكتب لي ادويه وكل يوم اوديها يعطيها ابره وان شاءالله تكون زينه خلال اسبوع

شكرا لكم

[بسبس مياو]

وديتها اليوم وفي نفس اليوم اكتشف البيطري ان عندها فايروس بالكبد!!!!!!!
متى امداه يحلل الدم ووظائف الكبد!!!!ولا التشخيص تخمين!!
القطوة تسعبل انصحك تفحص فمها هل فيه التهاب عاللثة اواللسان واحتمال عندها التهاب باللوز يعني برد جامد
دفيها ولا تحممها والاسهال له دوا اسمه كابتين او كابكت،عطيها 1مل مرتين باليوم وضروري تشرب ماي علشان الجفاف
انت من اي منطقة؟؟