اسئلتي للفرسان البحرينيين

[الدلـ دلع ـوعة]

السلام عليكم ورحمة الله وبركاته

طبعا هذا اول موضوع لي وان شاء الله تكون بداية خير واتشجع اكثر واستفيد من المنتدى مثل ما اتصور

اسئلتي موجهة لاهل البحرين بشكل خاص !!

1: وين اقدر اتدرب على ركوب الخيل ؟؟ ووين اروح عشان هالشيء ومن اكلم ؟ وكم تقريبا الرسوم ؟ وكم تاخذ فترة التدريب؟

ما شاء الله 100 سؤال في سؤال خههههههههههههههههههه

وثاني سؤال

وين اقدر اشتري الملابس الخاصة لركوب الخيل والادوات مثل الخوذة < مدري اذا لها اسم ثاني والبوت والخ ..؟

سؤالي الاخير

لو بشتري الخيل لاول مرة وانا توي بتعلم عليه شنو العمر الي تنصحوني فيه؟ والا ما يهم؟

وياليت الي عنده موضوع كامل متكامل للمبتدئين يرسلي اياه والافضل الفيديو لان يسهل الشرح


^__^ والي يساعدني اكون شاكرتله وممنونه وله دعوة حلوة ان شاء الله

[الدلـ دلع ـوعة]

ولا احد جاوب وانا سجلت لان شفت بعض الاعضاء بحرينيين

زعلتووووووني

المهم انا دورت من هنا وهناك

وشفت يقولون في شارع البديع في محلات

وفي البديع بعد في مدرسة البحرين لركوب الخيل

بس ما ادلها اهئئئئئئئئئ

ويالله انتظر باقي الاسئلة جاوبوني

[مهدي تاون]

هلا بيج اختي الدلوعه ...

هوايه ركوب الخيل هوايه رائعه

بالنسبه حق الادوات مثل الخوذه و الملابس ... تقدرين اتحصلين في محل في مجمع الضلع لبيع معدات الفروسيه
و بالنسبه حق التدريب اعد محلات وايد يدربون بس للاسم ماعندي ارقامهم بس انشالله راح اخبرج قريب

[مهدي تاون]

مرحبا


راح انشارك لمرة الثانية مع تفاصيل أكثر ..


------------


وعليكم السلام


مرحبا


وينهم الفرسان البحرينين الظاهر مشغولين بفروع المنتدى ... المهم انا برد على الاسئلة

ملاحظة: لاني بفارس ولا شي بس كل بين فترة وفترة انروح نستأجر لنا خيول ونطلع .. المهم


-------------------------


1: وين اقدر اتدرب على ركوب الخيل ؟؟ ووين اروح عشان هالشيء ومن اكلم ؟ وكم تقريبا الرسوم ؟ وكم تاخذ فترة التدريب؟

المكان اسطبلات البحرين كثيره ودرجات .. بس انا انصحج اختي أسطبل الشاخورة " بحيث ان الاسطبل ملك واشراف فارسه بحرينية معروفة " + وبعدها اسطبل السلام ... بس افضل لج الشاخورة ..
وبخصوص ووين واشلون اتروحين هذي اشوي صعبه لان كل الاسطبلات صوب بعض واكيد اتشوفينهم لما اتزورين البحرين على الهايوي يكونون على اليسار ... ويحسبون الرسوم على الساعه ... (( مو متذكر بكم الساعه )) والفترة اللي تبين تاخذينها انتي اتحددينها ، مثل لأي درجة تبين اتصيرين فارسه يعني بس تتعليمن الاساسيات وبس او لا تبين تتعلمين اكثر واكثر .. وانا انصحج سجلي للأساسيات بس وبعدين بتتلعمين لحالج ..

ما شاء الله 100 سؤال في سؤال خههههههههههههههههههه

ههههههه اذا عندج غيرهم بعد لا تترددين ..

وثاني سؤال
وين اقدر اشتري الملابس الخاصة لركوب الخيل والادوات مثل الخوذة < مدري اذا لها اسم ثاني والبوت والخ ..؟

بخصوص الملابس والمغدات انا انصحج بمحل اسمه " عز الخيل " احسن محل عندنا بالبحرين لمعدات الخيول وملحقاتها .. يعني اتروحين المحل وتختارين اللي تبينه .. والمحل موقعه على شارع البديع ..


سؤالي الاخير
لو بشتري الخيل لاول مرة وانا توي بتعلم عليه شنو العمر الي تنصحوني فيه؟ والا ما يهم؟

اذا ناوية على خيل يظل معاج لسنين طويله وعلى طول اتكونين معاه .. انصحج بخيل عمره بين الاربع والخمس سنوات .. لان الخيل يكون جاهز للركوب بعمر الثلاث سنوات .. وانتي لما تاخذين لج خيل الخيل ابروحه راح يتعرف على صاحبه ويسمع كلامه ويكون هاديء معاج بعكس لما احد ثاني يقرب له ..

واذا عندج اي سؤال ثاني لا تترددين خيتو


والفرسان البحرينين اذا عندكم اي تعليق بعد اتفضلو ..

وياليت الي عنده موضوع كامل متكامل للمبتدئين يرسلي اياه والافضل الفيديو لان يسهل الشرح

[الدلـ دلع ـوعة]

شكرا شكرا لك اخ مهدي اسعدتني بمشاركاتك

ما شاء الله عليك بس اكيد فارس دام ركبت الخيل وتمكنت منه طبعا

المهم انت ذكرت مجمع الضلع وين يكون ذا اول مرة اسمع فيه وان شاء الله اشوف اسطبلات الشاخورة

ذكرت نقطه مهمة وهي ان صاحبته فارسهـ هل الي يدربون هناك بنات او رجال؟؟؟ << عشان لا تكون عند مامي حجة ضدي ^__^

وافدقتني كثير بخصوص الشراء شكرا

بس لو كان يملكه شخص وانا شريته منه واكيد بيكون له اسم وبدلت اسمه راح يتعود عليه؟ وهل بيتقبله ؟؟ او يبيله وقت ؟؟

<< هالبنت ما تنعطى ويه خخخخخخخخخخخخ

[MR-$had0w]

بس لو كان يملكه شخص وانا شريته منه واكيد بيكون له اسم وبدلت اسمه راح يتعود عليه؟ وهل بيتقبله ؟؟ او يبيله وقت ؟؟

اختي بس ملاحظة بسيطة...
أغلب الخيول ما تتسمى بغرض النداء...حتى لو خليتي عليه اسمه القديم لاتتوقعين انه اول ما تقولين الاسم را يجي لج..
الخيول تتسمى بغرض حفظ النسل.. وايضاح الساس...حتى الفلو الصغير لما تشترينة مع انه ما تجرب في السباق ولا شي ""اصلا ما يكون صالح للركوب... ولكن يكون سعرة غالي بسبب النسل الطيب.... من الاب الى الاجداد.. هذا كله موضح في شجرة عائلة تحتوي الاسماء
ولكن بالنسبة للاسم والتغيير مافي مشكلة لو خليتي عليه اسمه القديم..
وبعدين مع الوقت انتي والخيل تتفاهمون بحيث يسمع كلامج او يجي عند اصدار صوت معين"اذا كان طليق في ساحة مفتوحة"...الخ

اتمنى اني اكون افدتج..

تحياتي:
مسترووو

[rock_1001]

اعتذر لعدم رد لانشغالي خارج المنتدى

اختي جميع الاسطبلات المذكورة تقوم بتدريب الجنسين

والله كلامك اخوي مهدي تاون صحيح

بالنسبة للمدراس التدريب في منطقة سار قريبه من الهاي وي واهي الشاخورة والاندلس وايضا الحصان العربي وفي اسطبل حق وحده انجليزية اسمها انكي


والمحلات في شارع البديع من بعد مجمع الكانتري مول على اليمين عز الخيل و على اليسار لوازم الاشغال اليدوية وفي الهملة قرب معسكر الضلع مثل ما ذكر الاخ مهدي تاون ال بلو دان والاصايل

وبالنسبة حق شراء الحصان مدام انتي مبتاد انصح من عمر ال 7 سنوات فما فوق لانه الحصان عنده خبره احسن من الحصان صغير سن الي يكون طايش ودلوع ولعوب

وانشاء ما قصرت وياج اختي و اي شي ثاني انا حاضر

وبالتوفيق

[عاشق الفرس]

أختي الدلـ دلع ـوعة
ودي اضيف على كلام الأخوان الأعضاء بس صراحه اهمه ماقصرو معاج
غطو اسألتج كله

بس في ملاحظه !!

إذا كنتي ساكنه في المحرق

في مدرسه المحرق للفروسيه

تحياتي لج و إلى جميع الأعضاء .